ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅପରାହ୍ଣ ୪ଟାରେ ନୂଆଦିଲ୍ଲୀର ଭାରତ ମଣ୍ଡପମରେ ବିମାନ ଚଳାଚଳ ସମ୍ପର୍କରେ ଅନୁଷ୍ଠିତ ହେଉଥିବା ଦ୍ୱିତୀୟ ଏସିଆ-ପ୍ରଶାନ୍ତ ମନ୍ତ୍ରୀସ୍ତରୀୟ ସମ୍ମିଳନୀରେ ଭାଗ ନେବେ। ଏହି କାର୍ଯ୍ୟକ୍ରମକୁ ମଧ୍ୟ ସେ ସମ୍ବୋଧିତ କରିବେ।
ସମସ୍ତ ସଦସ୍ୟ ରାଷ୍ଟ୍ରଙ୍କ ଦ୍ୱାରା ‘ଦିଲ୍ଲୀ ଘୋଷଣାପତ୍ର’କୁ ଗ୍ରହଣ ସମ୍ପର୍କରେ ପ୍ରଧାନମନ୍ତ୍ରୀ ଘୋଷଣା କରିବେ। ଏହି ଘୋଷଣାପତ୍ର ବିମାନ ଚଳାଚଳ କ୍ଷେତ୍ରରେ ଶୀର୍ଷରେ ପହଞ୍ଚିବା ପାଇଁ ଏକ ରୋଡମ୍ୟାପ।
ଏସିଆ-ପ୍ରଶାନ୍ତ ବେସାମରିକ ବିମାନ ଚଳାଚଳ କ୍ଷେତ୍ରରେ ସୁରକ୍ଷା, ସ୍ଥିରତା ଓ ସୁରକ୍ଷାକୁ ଆଗେଇ ନେବା ଦିଗରେ ଏହି ସମ୍ମିଳନୀ ଏବଂ ଦିଲ୍ଲା ଘୋଷଣାପତ୍ର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହାଦ୍ୱାରା ଏହି କ୍ଷେତ୍ରର ସଦସ୍ୟ ରାଷ୍ଟ୍ରମାନଙ୍କ ମଧ୍ୟରେ ସହଯୋଗ ଭାବନାର ଉଦ୍ରେକ ହୋଇପାରିବ।
ଆନ୍ତର୍ଜାତିକ ବେସାମରିକ ବିମାନ ଚଳାଚଳ ସଙ୍ଗଠନ (ଆଇସିଏଓ) ସହଯୋଗରେ ବେସାମରିକ ବିମାନ ଚଳାଚଳ ମନ୍ତ୍ରାଳୟ ବିମାନ ଚଳାଚଳ ସମ୍ପର୍କରେ ଏହି ଏସିଆ-ପ୍ରଶାନ୍ତ ସମ୍ମିଳନୀର ଆୟୋଜନ କରିଛି । ଏହା ଏସିଆ-ପ୍ରଶାନ୍ତ କ୍ଷେତ୍ରର ପରିବହନ ଓ ବିମାନ ଚଳାଚଳ ମନ୍ତ୍ରୀ, ନିୟାମକ ସଂସ୍ଥା, ଔଦ୍ୟୋଗିକ ବିଶେଷଜ୍ଞଙ୍କ ଏମ ମଞ୍ଚ ସାବ୍ୟସ୍ତ ହେବ । ସମ୍ମିଳନୀରେ ମୌଳିକ ଢାଞ୍ଚାର ବିକାଶ, ସ୍ଥିରତା, କାର୍ଯ୍ୟବଳର ବିକାଶ ସହ ସାର୍ବଜନୀକ ଓ ଘରୋଇ କ୍ଷେତ୍ର ମଧ୍ୟରେ ସହଯୋଗ ପ୍ରତି ଥିବା ଆହ୍ୱାନକୁ ଗରୁତ୍ୱ ଦେବ ।