ସଞ୍ଜୟ କର
ଖୋର୍ଦ୍ଧା: ବିଶ୍ବ ମହାମାରୀ କରୋନାକୁ ନେଇ ସାରା ବିଶ୍ବ ଏବେ ଆତଙ୍କିତ। କରୋନା ସହ ମୁକାବିଲା ପାଇଁ କେନ୍ଦ୍ର ସରକାର ଲକ୍ ଡାଉନ୍ ଜାରି କରିଛନ୍ତି। ଉଭୟ ସରକାରୀ ଓ ବେସରକାରୀ ସ୍ତରରେ କରୋନା ସହ ଲଢିବା ପାଇଁ ସତର୍କ ଓ ସଚେତନତା କରାଯାଉଛି। ଏହି କ୍ରମରେ ଆଜି ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ ଗୋବିନ୍ଦପୁର (ପରିଛଳ)ଗ୍ରାମ ପଞ୍ଚାୟତ ଅଧୀନସ୍ଥ ବ୍ରହ୍ମପୁର ପାଟଣା ଗ୍ରାମର କିଛି ଉଦୀୟମାନ ଯୁବକ ନିଜସ୍ବ ଅବଦାନରେ ୪୦୦ ମାସ୍କ ଓ ସାବୁନ୍ ବଣ୍ଟନ କରିଛନ୍ତି। ପଞ୍ଚାୟତର ସମିତି ସଭ୍ୟ ବିପିନ ମହପାତ୍ରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଏହି ଯୁବକମାନେ କରୋନା ରୂପକ ମହାମାରୀଠାରୁ ସତର୍କ ରହିବା ନେଇ ସଚେତନତା ମଧ୍ୟ କରାଇଥିଲେ।