ଭୁବନେଶ୍ଵର: ନବମ ଓଡ଼ିଶା କଳା ଓ ସାହିତ୍ୟ ମହୋତ୍ସବ ଭୁବନେଶ୍ୱର ଠାରେ ଆରମ୍ଭ ହୋଇଛି। ଏହି ୪ ଦିନ ବ୍ୟାପୀ ମହୋତ୍ସବ ରେ ପ୍ରଥମ ତିନି ଦିନ ଦେଶ ବିଦେଶରୁ ଆସିଥିବା ସାହିତ୍ୟିକ ମାନେ କବିତା, ଉପ ନ୍ୟାସ, ନାଟକ, ଅନୁବାଦ ଓ ଅନ୍ୟାନ୍ୟ ସୃଜନତ୍ମକ କଳା ଉପରେ ଆଲୋଚନା କରିବେ।
୪ର୍ଥ ଦିବସରେ କୋଣାର୍କ ବେଳା ଭୂମିରେ କବିତା ପାଠ ଉତ୍ସବ ” କବିତା ଜନ୍ତାଳ” ସହ ଏହି ଉତ୍ସବ ଉଦଯାପିତ ହେବ। ଚଳିତ ବର୍ଷ ଏହି ଉତ୍ସବରେ ୬ ଟି ଦେଶରୁ ସାହିତ୍ୟିକ ଓ ସମାଲୋଚକ ମାନେ ଯୋଗଦେଇଛନ୍ତି।
ଶୁକ୍ରବାର ଉଦ୍ଘାଟନୀ ଉତ୍ସବରେ ଉଦ୍ଘଟକ ଭାବରେ ଜ୍ଞାନପୀଠ ବିଜେତା ବିଶିଷ୍ଟ ସାହିତ୍ୟିକ ଦାମୋଦର ମଉଜ ଯୋଗ ଦେଇ ଓଡ଼ିଆ ଭାଷା ଓ ସାହିତ୍ୟର ବିଭିନ୍ନ ଦିଗ ତଥା ଏହାକୁ ଲୋକାଭିମୁଖୀ କରିବାରେ ଏହି ଭଳି ମହୋତ୍ସବର ପ୍ରାସଙ୍ଗିକତା ରହିଛି ବୋଲି କହିଥିଲେ।
ଅନ୍ୟମାନଙ୍କ ମଧ୍ୟରେ ସାହିତ୍ୟିକ ବନଜ ଦେବୀ, ଏମ କେ ଅଜୟ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଏହି ଅବସରରେ ଡକ୍ଟର ସତ୍ୟ ମହାନ୍ତିଙ୍କ ରାଜନୀତି ଓ ଅର୍ଥନୀତି ପରିଚାଳନା ପୁସ୍ତକ ଓ ଅନ୍ୟାନ୍ୟ ପୁସ୍ତକକୁ ଅତିଥି ବୃନ୍ଦ ଉନ୍ମୋଚନ କରିଥିଲେ। ଏହି କାର୍ଯ୍ୟ କ୍ରମରେ ମହୋତ୍ସବର ନିର୍ଦ୍ଦେଶକ ମନୁ ଦାସ ଅଧ୍ୟକ୍ଷତା କରିଥିଲେ।