Tag: କାରରେ ନିଆଁ

ଭୁବନେଶ୍ବର: ଆଜି ଅପରାହ୍ନରେ ଭୁବନେଶ୍ବର ରାଜରାସ୍ତାରେ ହୁତୁହୁତୁ ହୋଇ ଜଳିଗଲା ଏକ କାର। କାର ଚାଳକ ଭିତରୁ ବାହାରୁ ବାହାରୁ ନିଆଁ ବ୍ୟାପିବାରେ ଲାଗିଲା। ତେବେ ଭାଗ୍ୟ ଭଲ କାହାର କିଛି କ୍ଷତି ହୋଇ ନାହିଁ। ତେବେ କେଉଁ କାରଣରୁ ନିଆଁ ଲାଗିଲେ ତାହା ଜଣାପଡି ନାହିଁ।

ଘଟଣାଟି ଘଟିଛି ଭୁବନେଶ୍ବର ନୟାପଲ୍ଲୀ ଦୁର୍ଗାମଣ୍ଡପ ସାମନା ରାସ୍ତା ଉପରେ। କାର ଚାଳକ କିଛି ପୋଡା ଗଂନ୍ଧ ବାରିବା ପରେ ସେ ରାସ୍ତା ଉପରେ ଗାଡି ରଖିଦେଲେ। ପରେ ଦେଖିଲେ ଯେ, ଗାଡି ଭିତରୁ ଧୂଆଁ ବାହାରୁଛି। ଚାହୁଚାହୁଁ କାର ସାରା ନିଆଁ ବ୍ୟାପିଗଲା। ପରେ ଅଗ୍ନିଶମ କର୍ମଚାରୀମାନେ ଆସି ନିଆଁକୁ ଆୟତ କରିଥିଲେ।

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ କୁମାରାଙ୍ଗ ଛକରେ ଏକ ଅଭାବନୀୟ ଘଟଣା ଘଟିଯାଇଛି। ଏକ ଚଳନ୍ତା କାରରେ ନିଆଁ ଲାଗିଯାଇଥିବା ଦେଖିବାକୁ ମିଳିଛି। ହେଲେ ସୌଭାଗ୍ୟବଶତଃ ଚାଳକ ସମେତ ଯାତ୍ରୀମାନେ ଅଳ୍ପକେ ବର୍ତ୍ତିଯାଇଛନ୍ତି।

ସୂଚନା ମୁତାବକ ଆଜି ମଧ୍ୟାହ୍ନରେ ପ୍ରତାପ ଗ୍ରାମର ଆଦିତ୍ୟ ବାରିକ ନିଜ ଇଣ୍ଡିଗୋ କାରରେ ଚାରି ଜଣ ସମ୍ପର୍କୀୟଙ୍କୁ ନେଇ ବାଣପୁର ମେଡିକାଲ ଯାଇଥିଲେ। ତେବେ ମେଡ଼ିକାଲରୁ ଫେରିଲା ବେଳକୁ ଆଦିତ୍ୟ କାରଟିକୁ କୁମାରାଙ୍ଗ ଛକରେ ରଖି ଓହ୍ଲାଉଥିବାବେଳେ ହଠାତ କାରର ଇଞ୍ଜିନରେ ନିଆଁ ଲାଗିଯାଇଥିଲା ଏବଂ କାରଟି ଜଳିବାକୁ ଲାଗିଲା।

ସଙ୍ଗେ ସଙ୍ଗେ ଆଦିତ୍ୟ ଚିତ୍କାର କରିବା ସହ ସମ୍ପର୍କୀୟଙ୍କୁ ଗାଡ଼ିରୁ ଖାଲି କରାଇଥିଲେ।  ସ୍ଥାନୀୟ ଲୋକଙ୍କ ସହଯୋଗରେ ନିଆଁକୁ ଆୟତ୍ତ କରାଯାଇଥିବାସ୍ଥଳେ ବର୍ତ୍ତମାନ ବାଣପୁର ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚି ତଦନ୍ତ ଜାରି ରଖିଛି। ତେବେ ଯାନ୍ତ୍ରିକ ତୃଟି ଲାଗି ନିଆଁ ଲାଗିଥାଇପାରେ ବୋଲି ଅନୁମାନ କରାଯାଉଛି।