ନୂଆଦିଲ୍ଲୀ: କୃଷକ ସଂଗଠନ ଦ୍ଵାରା ସେପ୍ଟେମ୍ବର ୨୭ ତାରିଖରେ ହେବାକୁ ଥିବା ଭାରତ ବନ୍ଦକୁ ଦେଶର ୧୦ ଟି ବଡ କେନ୍ଦ୍ରୀୟ ଟ୍ରେଡ ୟୁନିଅନ ସମର୍ଥନ ଘୋଷଣା କରିଛନ୍ତି। ମଆଜି ସେମାନେ ଏକ ମିଳିତ ବିବୃତ୍ତି ଜାରି କରି କହିଛନ୍ତି ଯେ, ଭାରତ ବନ୍ଦ ସମୟରେ ସମସ୍ତ ୧୦ଟି କେନ୍ଦ୍ରୀୟ ଟ୍ରେଡ ୟୁନିଅନର ନେତା ତଥା କର୍ମୀମାନେ ସାରା ଦେଶରେ ବିକ୍ଷୋଭ ପ୍ରଦର୍ଶନ କରିବେ।
ସେପ୍ଟେମ୍ବର ୨୭ ତାରିଖରେ ସମସ୍ତ ୧୦ ଟି କେନ୍ଦ୍ରୀୟ ଟ୍ରେଡ ୟୁନିଅନର ବଡ ନେତା ତଥା କର୍ମୀମାନେ ସେମାନଙ୍କ ସମର୍ଥନରେଦେଶର କୃଷକ ସଂଗଠନ ସହ ବିରୋଧ କରିବେ। ସେମାନେ କହିଛନ୍ତି ଯେ, ସେପ୍ଟେମ୍ବର ୨୭ ତାରିଖରେ ଭାରତ ବନ୍ଦ ସମୟରେ ଆମେ ତିନୋଟି ନୂତନ କୃଷି ଆଇନ ଏବଂ ନୂତନ ବିଦ୍ୟୁତ୍ ସଂଶୋଧନ ବିଲ୍ ଏବଂ ଚାରୋଟି ଶ୍ରମ ସଂକେତ ବାତିଲ କରିବାକୁ ଦାବି କରିବୁ। କେନ୍ଦ୍ର ସରକାରଙ୍କ ଅର୍ଥନୈତିକ ସଂସ୍କାରର ନୀତି ବିରୋଧରେ ସଂଘ ପରିବାରର ଗତିରୋଧ ମଧ୍ୟ ସାମ୍ନାକୁ ଆସିଛି।
ସେପ୍ଟେମ୍ବର ୯ ତାରିଖରେ ସାରା ଦେଶରେ ମୁଦ୍ରାସ୍ଫୀତି ବୃଦ୍ଧି ବିରୋଧରେ ବିରୋଧରେ ରାଷ୍ଟ୍ରିୟ ସ୍ଵୟଂ ସେବକ ସଂଘ ସହ ଜଡିତ ଶ୍ରମିକ ସଂଗଠନ, ଭାରତ ମଜଦୁର ସଂଗଠନ ଘୋଷଣା କରିଛି। ପ୍ରତିରକ୍ଷା ତଥା ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କ୍ଷେତ୍ରର କର୍ପୋରେଟାଇଜେସନ୍ ଏବଂ ଘରୋଇକରଣକୁ ଭାରତୀୟ ମଜଦୁର ସଂଗଠନ ବିରୁଦ୍ଧ କରୁଛି। ଏହି ସଂଗଠନର କର୍ମକର୍ତ୍ତାମାନେ ଅକ୍ଟୋବର ୨୮ ତାରିଖରେ ଦେଶର ପ୍ରତ୍ୟେକ ଜିଲ୍ଲାରେ ବିରୋଧ କାର୍ଯ୍ୟକ୍ରମ ଆୟୋଜନ କରିବେ।