ଭୁବନେଶ୍ଵର: ମାଁ ମାଣିକେଶ୍ୱରୀ ବିଶ୍ୱବିଦ୍ୟାଳୟ ଖଡ଼ିଆଳ ସ୍ବୟଂଶାସିତ ମହାବିଦ୍ୟାଳୟର ଆୟୋଜନରେ ଆନ୍ତଃ ମହାବିଦ୍ୟାଳୟ ସ୍ତରୀୟ କ୍ରୀଡ଼ା ଉତ୍ସବ। ଏହି କ୍ରୀଡ଼ା ଉତ୍ସବରେ ପଚାଶ ଗୋଟି ମହାବିଦ୍ୟାଳୟ ଏବଂ ପ୍ରାୟ ୨୫୦ କ୍ରୀଡ଼ାବିତ ଭାଗ ନେଇଛନ୍ତି।
ଉଦ୍ଘାଟନୀ ଉତ୍ସବରେ ବିଶ୍ୱବିଦ୍ୟାଳୟର କୁଳପତି ପ୍ରଫେସର ଡ. ନିବେଦିତା ନାଥ ମୁଖ୍ୟ ଅତିଥି ରୂପେ ଯୋଗଦାନ କରି କ୍ରୀଡ଼ା ପ୍ରତିଯୋଗିତାକୁ ଉଦଘାଟନ କରିଥିଲେ। ଅଧ୍ୟାପକ ହରିହର ବେସରା ଏବଂ ଛାତ୍ରମାନେ ପ୍ରଭୁ କୋଶଳେଶ୍ୱରଙ୍କଠାରୁ ବିଜୟ ମଶାଲ କୁଳପତି ମହୋଦୟାଙ୍କୁ ପ୍ରଦାନ ପୂର୍ବକ କ୍ରୀଡା ମହୋତ୍ସବ ଆରମ୍ଭ ହୋଇଥିଲା। ବିଶ୍ୱବିଦ୍ୟାଳୟର କ୍ରୀଡ଼ା ନିର୍ଦ୍ଦେଶକ ଡ଼.ଘନଶ୍ୟାମ ବେହେରା ସମ୍ମାନିତ ଅତିଥି ଭାବରେ ଯୋଗଦାନ କରି ଥିଲେ।
ମହାବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଡ଼ ରଣବୀର ସିଂ ମହାବିଦ୍ୟାଳୟର କ୍ରୀଡ଼ାଭିତ୍ତିକ ଗୌରବପୂର୍ଣ୍ଣ ବିବରଣୀ ପ୍ରଦାନ କରିଥିଲେ। କ୍ରୀଡା ବିଭାଗ ଅଧ୍ୟାପକ ଡ଼ ସରୋଜ କୁମାର ପଣ୍ଡା କ୍ରୀଡା ଉତ୍ସବ ପ୍ରାରମ୍ଭ କରିଥିଲେ। କୁଳପତି ଡ଼ ନିବେଦିତା ନାଥ ଏବଂ ଡ଼ ଘନଶ୍ୟାମ ବେହେରାଙ୍କୁ ମହାବିଦ୍ୟାଳୟ କ୍ରୀଡା ସଂସଦ ତରଫରୁ ସଂମ୍ମାନ ଫଳକ ଭାରପ୍ରାପ୍ତ ଅଧ୍ୟକ୍ଷ ଡ଼ ରଣବୀର ସିଂହ, ଡ଼. ତରୁଣ କୁମାର ପ୍ରଧାନ ଓ ଅଧ୍ୟାପକ ସୁନୀଲ କୁମାର ଯୋଗ ଦେଇଥିଲେ।
