ଭୁବନେଶ୍ବର: ସପ୍ତାହ ବ୍ୟବଧାନରେ ପୁଣି ଆଜି ବସୁଛି ରାଜ୍ୟ କ୍ୟାବିନେଟ ବୈଠକ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏହି ବୈଠକ ଅପରାହ୍ନ ପାଞ୍ଚଟାରେ ବସିବ। ଏଥିରେ ଲୋକସେବା ଭବନରୁ ମନ୍ତ୍ରୀ ଓ ଅଧିକାରୀମାନେ ମୁଖ୍ୟମନ୍ତ୍ରୀଙ୍କ ସହିତ ଭିଡିଓ କନଫ୍ରେନସିଂ ମାଧ୍ୟମରେ ରହିବେ।
ଏହି ବୈଠକରେ ଦଶଟି ଭିନ୍ନ ଭିନ୍ନ ପ୍ରସ୍ତାବ ପାରିତ ହେବାର ସମ୍ଭାବନା ରହିଛି। ସେଗୁଡିକ ମଧ୍ୟରେ ରାଜସ୍ବ,ପାନୀୟ ଜଳ ଯୋଗାଣ, କୃଷି, ସାଧାରଣ ପ୍ରଶାସନ, ପରିବହନ, ପୂର୍ତ୍ତ ଓ କ୍ରୀଡ଼ା ବିଭାଗର ବିଭିନ୍ନ ପ୍ରସ୍ତାବ ରହିଛି।