ନୂଆଦିଲ୍ଲୀ: ପଞ୍ଜାବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷା ତ୍ରୁଟିକୁ ନେଇ ଆଜି ସୁପ୍ରିମକୋର୍ଟରେ ଶୁଣାଣି ହୋଇଛି। ସୁପ୍ରିମକୋର୍ଟ କହିଛନ୍ତି ଯେ, ଏହି ଘଟଣାର ତଦନ୍ତ ପାଇଁ ଅବସରପ୍ରାପ୍ତ ବିଚାରପତିଙ୍କ ନେତୃତ୍ୱରେ ଏକ କମିଟି ଗଠନ କରାଯିବ। ଏଥିରେ ଚଣ୍ଡିଗଡ଼ର ଡିଜିପି, ହାଇକୋର୍ଟର ରେଜିଷ୍ଟ୍ରାର ଜେନେରାଲ ଏବଂ ଆଉ ଜଣେ ଅଧିକାରୀ ସେଥିରେ ସାମିଲ ହେବେ। ଏହା ବ୍ୟତୀତ ଏନଆଇଏ ଆଇଜି ଏବଂ ଆଇବି ଅଧିକାରୀମାନେ ମଧ୍ୟ କମିଟିର ଅଂଶ ହେବେ।
