Tag: ଗଣେଷ ଚତୁର୍ଥୀ

ମୁମ୍ବାଇ: ପ୍ରତି ବର୍ଷ ଏହି ସମୟରେ ମୁମ୍ବାଇ ସହର ଅତ୍ୟନ୍ତ ଚଳଚଞ୍ଚଳ ହୋଇପଡିଛି। କାରଣ ସାରା ଭାରତରେ ଯେତେ ଗଣେଷ ପୂଜା ହୁଏ ମୁମ୍ବାଇରେ ତାହା ଭିନ୍ନ। ବହୁ ପ୍ରାଚୀନ ସମୟରୁ ମୁମ୍ବାଇ ନଗରୀ, ଗଣେଷ ପୂଜା ପାଇଁ ପ୍ରସିଦ୍ଧ ଅର୍ଜନ କରିଛି। ସେଥିପାଇଁ ଚଳିତ ବର୍ଷ ମୁମ୍ବାଇ ନଗରୀ ବେଶ ଧୂମଧାମରେ ଗଣେଷ ପୂଜାର ଆୟୋଜନ କରିଛି।

ଗତ ଦୁଇବର୍ଷ ଧରି କରୋନା ପାଇଁ ଗଣେଷ ପୂଜା ଠିକରେ ହୋଇପାରି ନ ଥିଲା। ସେଥିପାଇଁ ଚଳିତ ବର୍ଷ ଫୁଲ ଦମରେ ଏବଂ ଭକ୍ତିପୂତ ଭାବରେ ଏହି ପୂଜା କରିବା ପାଇଁ ମୁମ୍ବାଇର ସମସ୍ତ ପୂଜା ପେଣ୍ଡାଲ ତତ୍ପର ହୋଇ ଉଠିଛନ୍ତି। ଭଳିକ ଭଳିକି ତୋରଣ ଓ ମେଢର ଆକର୍ଷଣରେ ମୁମ୍ବାଇର ଚେହେରା ପୁରା ବଦଳି ଯାଇଛି।

ତେବେ ଏହି ଭିତରେ ଏକ ନୂଆ ଖବର ଆସିଛି। ତାହା ହେଲା ମୁମ୍ବାଇର ଅନ୍ଧେରୀଚା ରାଜା ଗଣେଷ ପେଣ୍ଡାଲ ଭକ୍ତମାନଙ୍କ ପାଇଁ ଡ୍ରେସ କୋଡ ଜାରୀ କରିଛି। ଜାରୀ ହୋଇଥିବା ନିଷ୍ପତି ଅନୁସାରେ ଏହି ପୂଜା ମଣ୍ଡପକୁ କୌଣସି ଭକ୍ତ ହାପ ପ୍ୟାଣ୍ଟ ବା ସର୍ଟସ ପିନ୍ଧି ପ୍ରବେଶ କରିପାରିବେ ନାହିଁ। ସେଥିପାଇଁ ପୂଜା ମଣ୍ଡପ ତରଫରୁ ପୂଜା ପୂର୍ବରୁ ଘୋଷଣା କରି ଭକ୍ତମାନଙ୍କୁ ଜଣାଇ ଦିଆଯାଇଛି।

କେବଳ ପାରଂପାରିକ ପୋଷାକ ପିନ୍ଧି ଦର୍ଶନ କରିବାକୁ କୁହାଯାଇଛି। ଭକ୍ତଙ୍କ ଅବଗତି ପାଇଁ ପୂଜା ସମିତି ବାହାରେ ଏକ ବୋର୍ଡ ମାରିଛନ୍ତି। ଏଥିରେ ଉଲ୍ଲେଖ କରାଯାଇଛି ଯେ, କେଉଁ ଡ୍ରେସ ପିନ୍ଧି ଦର୍ଶନ କରିବେ କେଉଁ ଡ୍ରେସକୁ ଅନୁମତି ନାହିଁ। ଏହାକୁ ନେଇ ବିଭିନ୍ନ ମହଲରେ ପ୍ରଶଂସା କରାଯାଇଛି।

ତେବେ ଯେଉଁମାନେ ହ୍ୟାପ ଡ୍ରେସ ପିନ୍ଧି ଆସିବେ ସେମାନଙ୍କୁ ଦର୍ଶନରୁ ବଞ୍ଚିତ ନ କରିବା ପାଇଁ ମଣ୍ଡପ କର୍ତ୍ତୁପକ୍ଷ ମଧ୍ୟ ପଦକ୍ଷେପ ଗ୍ରହଣ କରିଛନ୍ତି। ମଣ୍ଡପ ନିକଟରେ ନୂଆ ଇଲାଷ୍ଟିକ ଟ୍ରାକ ପ୍ୟାଣ୍ଟ ରଖାଯାଇଛି। ସେଥିପାଇଁ ଏକ ଡ୍ରେସ ରୁମ ମଧ୍ୟ କରାଯାଇଛି। ଭକ୍ତମାନେ ସେଠାକୁ ଯାଇ ତାଙ୍କ ପ୍ୟାଣ୍ଟ ଉପରେ ତାହାକୁ ପିନ୍ଧି ପାରିବେ।

ତେବେ ଏହି ପୂଜା ମଣ୍ଡପ ନୁହେଁ ପୂର୍ବରୁ ମୁମ୍ବାଇର ଅନେକ ପୂଜା ମଣ୍ଡପ ଭକ୍ତଙ୍କୁ ପାରଂପାରିକ ପୋଷାକରେ ଦର୍ଶନ କରିବା ପାଇଁ ନିବେଦନ କରାଯାଇଛି। କେତେକ ମଣ୍ଡପରେ ପୁରୁଷମାନେ ଧୋତି ଏବଂ ମହିଳାମାନେ ଶାଢୀ ପିନ୍ଧି ଆସିବାକୁ କୁହାଯାଇଛି। ସେ ସବୁ ସଫଳ ହେବା ପରେ ବର୍ତ୍ତମାନ ମୁମ୍ବାଇର ବିଭିନ୍ନ ପୂଜା ମଣ୍ଡପ ଡ୍ରେସ କୋଡ ବ୍ୟବସ୍ଥା କରୁଛନ୍ତି।

ଓଡିଶାର ବିଭିନ୍ନ ପୂଜା ମଣ୍ଡପ ଏହା ଉପରେ ବିଚାର କରି ପଦକ୍ଷେପ ମଧ୍ୟ ଗ୍ରହଣ କରିବା ଆବଶ୍ୟକ।