ନୂଆଦିଲ୍ଲୀ: ଆଜି ଭାରତ ପାଇଁ ଏକ ଭଲ ଦିନ। କାରଣ ଟୋକିଓ ଅଲମ୍ପିକରେ ଭାରତକୁ ପ୍ରଥମ ସଫଳତା ମିଳିଛି। ଭାରତ ଆଜି ଟୋକିଓ ଅଲମ୍ପିକରେ ପ୍ରଥମ ପଦକ ହାସଲ କରିଛି। ଭାରତୀୟ ଭାରତ୍ତୋଳନ ଖେଳାଳି ମୀରାବାଈ ଚାନୁଙ୍କୁ ରୌପ୍ୟ ପଦକ ହାସଲ ହୋଇଛି। ମହିଳା ୪୯ କିଲୋଗ୍ରାମର ଭାରତ୍ତୋଳନରେ ମୀରାବାଈଙ୍କୁ ରୌପ୍ୟ ପଦକ ମିଳିଛି।
ତାଙ୍କର ଏଭଳି ସଫଳତା ଯୋଗୁଁ ଭାରତ ପାଇଁ ଆଜି ଏକ ଖୁସିର ଦିନ ବୋଲି କୁହାଯିବ। ମୀରାବାଈ ଆଜି ଏହି ପଦକ ଜିତିବା ପରେ ୧୩୫ କୋଟି ଭାରତୀୟ ଗର୍ବ ଅନୁଭବ କରିଛନ୍ତି। ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ଦେଶର ଅନେକ ନେତା ତାଙ୍କୁ ଶୁଭେଚ୍ଛାର ଜଣାଇଛନ୍ତି।