ଭୁବନେଶ୍ବର: ଝାଡଖଣ୍ଡ ନିର୍ବାଚନ ପ୍ରଚାରରେ ନିଜକୁ ସାମିଲ କଲେ ମୁଖ୍ୟମନ୍ତ୍ରୀ ମୋହନ ମାଝୀ। ସେ ଆଜି ଦିନିକିଆ ଗସ୍ତରେ ଯାଇ ସେଠାରେ ଷଢେଇକଳା ଖରସୁଆଁ ଏବଂ ପଶ୍ଚିମ ସିହଂଭୂମିରେ ପ୍ରଚାର କରିଛନ୍ତି। ସେହି ଅଞ୍ଚଳରେ ବହୁ ଓଡିଆ ତଥା ଆଦିବାସୀ ରହିଥିବାରୁ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ପ୍ରଭାବ ପଡିବ ବୋଲି ରାଜ୍ୟ ବିଜେପି ଆଶା କରିଛି।
ଏହି ପ୍ରଚାର ବେଳେ ସେ ଓଡିଶାର ପୂର୍ବ ସରକାର କିପରି ଖଣି ଦୁର୍ନିତିରେ ଲିପ୍ତ ରହିଥିଲା ତାହା ଭାଷଣ ମାଧ୍ୟମରେ କହିଥିଲେ। ଏଥିସହିତ ସେଠାରେ ବର୍ତ୍ତମାନ ଡବଲ ଇଂଜିନ ସରକାର ଚାଲିବା ପରେ କିପରି ସୁଫଳ ମିଳିଛି ସେ ସଂପର୍କରେ ଲୋକଙ୍କୁ କହିଥିଲେ। ଏଥିସହିତ ଝାଡଖଣ୍ଡରେ ମଧ୍ୟ ଡବଲ ଇଂଜିନ ସରକାର ଚାଲିବା ବୋଲି ସେ ଦୃଢତାର ସହିତ କହିଛନ୍ତି।
ମୁକ୍ୟମନ୍ତ୍ରୀ ବିବାଦୀୟ ନେତା ଚମ୍ପେଇ ସୋରେନଙ୍କ ପାଇଁ ମଧ୍ୟ ପ୍ରଚାର କରିଛନ୍ତି। ସୋରେନ ଷଢେଇକଳା ନିର୍ବାଚନ ମଣ୍ଡଳୀରୁ ବିଜେପି ପ୍ରାର୍ଥୀ ହୋଇଛନ୍ତି। ସେଠାରେ ସେ କହିଛନ୍ତି ଯେ, ଝାଡଖଣ୍ଡ ବାସୀ ବିଜେପି ସରକାର ଆଣିବା ପାଇଁ ମନସ୍ଥ କରିସାରିଛନ୍ତି। ଭୋଟ ଗଣତି ପରେ ଏଠାରେ ବିଜେପି ସରକାର ଆସିବ।
ମୁଖ୍ୟମନ୍ତ୍ରୀ ମୋହନ ମାଝୀ ଝାଡଖଣ୍ଡ ନିର୍ବାଚନର ଷ୍ଟର ପ୍ରଚାରକ ଅଛନ୍ତି। ଏଥିସହିତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଝାଡଖଣ୍ଡର ଷ୍ଟାର ପ୍ରଚାରକ ଅଛନ୍ତି। ମୁଖ୍ୟମନ୍ତ୍ରୀଙ୍କ ସହିତ ସଂସ୍କୃତି ଓ ଉଚ୍ଚ ଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜଙ୍କ ସହିତ ବହୁ ଓଡିଶା ନେତା ଓ ମନ୍ତ୍ରୀ ସାମିଲ ହୋଇଛନ୍ତି। ଝାଡଖଣ୍ଡରେ ଆସନ୍ତା 13 ଏବଂ 20 ତାରିଖରେ ଦୁଇଟି ପର୍ଯ୍ୟାୟରେ ଭୋଟ ଗ୍ରହଣ ହେବ।