ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାରେ ନୂତନ ସିଡ଼ିଏମଓ ଭାବେ ବରିଷ୍ଠ ଚିକିତ୍ସକ ଡାଃ. ରାଜ୍ୟଶ୍ରୀ ପଟ୍ଟନାୟକ କାର୍ଯ୍ୟରେ ଯୋଗଦେଇଛନ୍ତି। ଡାଃ. ପଟ୍ଟନାୟକ ଏହା ପୁର୍ବରୁ କ୍ୟାପିଟାଲ ହସ୍ପିଟାଲରେ ସମ୍ୱନ୍ୱିତ ପରୀକ୍ଷାଗାର ବିଭାଗୀୟ ମୁଖ୍ୟ ଭାବେ କାର୍ଯ୍ୟରତ ଥିଲେ। ତାହା ପୁର୍ବରୁ ସେ କନ୍ଧମାଳ ସିଡ଼ିଏମଓ ଭାବେ ମଧ୍ୟ କାର୍ଯ୍ୟ କରିସାରିଛନ୍ତି।
ତେବେ ଖୋର୍ଦ୍ଧା ସିଡ଼ିଏମଓ ଭାବେ ଦାଇତ୍ୱ ନେବା ପରେ ଜିଲ୍ଲାରେ ୫-ଟି ଉପକ୍ରମରେ ଆମ ହସ୍ପିଟାଲ ଯୋଜନାରେ ନିର୍ମାଣାଧୀନ ମେଡିକାଲ ଗୁଡିକୁ ଯଥାଶୀଘ୍ର କାର୍ଯ୍ୟକ୍ଷମ କରିବା, ବିଭିନ୍ନ ସରକାରୀ ମେଡିକାଲରେ ଆବଶ୍ୟକୀୟ ଡାକ୍ତର ନିଯୁକ୍ତି, ଭିତ୍ତିଭୂମି ସୁଦୃଢ଼ୀକରଣ ଆଦିକୁ ପ୍ରାଥମିକତା ଦେବେ ବୋଲି କହିଛନ୍ତି।
ସୂଚନା ଥାଉକି ପୂର୍ବତନ ଖୋର୍ଦ୍ଧା ସିଡ଼ିଏମଓ ଡାଃ. ଆର୍ତ୍ତବନ୍ଧୁ ନାୟକଙ୍କ ରାଜ୍ୟ ନର୍ସିଙ୍ଗ ନିର୍ଦ୍ଦେଶକ ଭାବେ ପଦୋନ୍ନତି ହେବାପରେ ଉକ୍ତ ପଦବୀ ଖାଲି ପଡିଥିଲା।