ବାଣପୁର (ସୀତାରାମ ଅଗ୍ରୱାଲ): ବିଶ୍ୱ ଦୃଷ୍ଟିଶକ୍ତି ଦିବସ ଉପଲକ୍ଷେ ଆଜି ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ତୁମୁରାପୁଟ ପଞ୍ଚାୟତର ରାଣୀପଡ଼ା ଠାରେ ଏକ ମାଗଣା ଚକ୍ଷୁ ଚିକିତ୍ସା ଶିବର ଅନୁଷ୍ଠିତ ହୋଇଯାଇଛି। ଶ୍ରୀ ଅରବିନ୍ଦ ମହିଳା ପାଠଚକ୍ର ଉପଦେଷ୍ଟା ଗୋପୀନାଥ ସାହୁଙ୍କ ତତ୍ୱାବଧାନରେ ଉକ୍ତ ଚିକିତ୍ସା ଶିବିରର ଆୟୋଜନ ହୋଇଥିଲା।
ଉକ୍ତ ଶିବିରକୁ ବାଣପୁର ବ୍ଲକ ଅଧକ୍ଷ ଅମରେନ୍ଦ୍ର ରଣସିଂହ, ସମାଜସେବୀ ଜିତେନ୍ଦ୍ର କୁମାର ଭୋଳ ଏବଂ ପ୍ରକାଶ ପଟ୍ଟନାୟକ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଲୋକମାନଙ୍କୁ ଉନ୍ନତ ମାନର ଦୃଷ୍ଟିଶକ୍ତି ପ୍ରଦାନ କରିବା ଲକ୍ଷରେ ଭୁବନେଶ୍ୱର ନୟାପଲ୍ଲୀ ସ୍ଥିତ ସେଣ୍ଟର ଫର ସାଇଟ ହସ୍ପିଟାଲର ଅଭିଜ୍ଞ ଡାକ୍ତର ମାନଙ୍କ ଦ୍ୱାରା ଅଞ୍ଚଳର ଲୋକମାନଙ୍କୁ ମାଗଣା ଚିକିତ୍ସା କରାଯାଇଥିଲା।
ଡାକ୍ତର ସୁଧାଂଶୁ ଶେଖର ମହାପାତ୍ର, ମୁରଲୀ ମନୋହର ଏବଂ ସ୍ୱାସ୍ଥ୍ୟ ସହାୟକ ପ୍ରଦୀପ କୁମାର ସାହୁ ଉକ୍ତ ଶିବିରରେ ଯୋଗଦେଇ ରୋଗୀ ମାନଙ୍କ ଚିକିତ୍ସା କରିଥିଲେ। ଉକ୍ତ ଶିବିରରେ ସ୍ଥାନୀୟ ଅଞ୍ଚଳବାସି ଯୋଗଦେଇ ଏହାର ଲାଭ ଉଠାଇଥିଲେ। ଉକ୍ତ କାର୍ଯ୍ୟକ୍ରମକୁ ଶ୍ରୀ ଅରବିନ୍ଦ ଆଶ୍ରମ ପରିଚାଳକ ଦୁର୍ଯ୍ୟୋଧନ ସାହୁ ପରିଚାଳନା କରିଥିଲେ।
