Tag: ଦକ୍ଷତା ବୃଦ୍ଧି

ଉତ୍ତରପ୍ରଦେଶ ସରକାରଙ୍କ ଦକ୍ଷତା ବିକାଶ ବିଭାଗର ପ୍ରମୁଖ ସଚିବ ରାଜ୍ୟ ଦକ୍ଷତା ବିକାଶ ଉପଲବ୍ଧିର ସମୀକ୍ଷା ପ୍ରସ୍ତୁତ କରିଥିଲେ ଏବଂ ଯେଉଁଠି ଦକ୍ଷତା କ୍ଷେତ୍ରରେ ରାଜ୍ୟର ସଫଳତା ଏବଂ କେନ୍ଦ୍ରରୁ ଅତିରିକ୍ତ ସହାୟତା ଅଧିକ ପ୍ରଭାବଶାଳୀ ହୋଇପାରିବ ସେହି ସ୍ଥାନଗୁଡ଼ିକ ସମ୍ପର୍କରେ କହିଥିଲେ। ଉତ୍ତରପ୍ରଦେଶ ବର୍ତ୍ତମାନ ସୁଦ୍ଧା ପିଏମକେଭିୱାଇ ଅଧୀନରେ ୨୪.୭୩ ଲକ୍ଷରୁ ଅଧିକ ପ୍ରାର୍ଥୀଙ୍କୁ ତାଲିମ ଦେଇଛି। ସଦ୍ୟତମ ପିଏମକେଭିୱାଇ ୪.୦ ପଦକ୍ଷେପ ଅଧୀନରେ, ୯୩,୦୦୦ରୁ ଅଧିକ ବ୍ୟକ୍ତି ଆଗାମୀ ଭବିଷ୍ୟତ ଚାକିରି ପାଇଁ ଡ୍ରୋନ୍ ସେବା ଟେକ୍ନିସିଆନ୍, ଏଆଇ-ମେସିନ୍ ଲର୍ଣ୍ଣିଂ ଇଞ୍ଜିନିୟର, ଇଲେକ୍ଟ୍ରିକ ଯାନ ସେବା ଟେକ୍ନିସିଆନ, ଏବଂ ସୋଲାର ପିଭି ଇନଷ୍ଟଲର (ଇଲେକ୍ଟ୍ରିକାଲ) କ୍ଷେତ୍ରରେ ନାମ ପଞ୍ଜୀକରଣ କରିଛନ୍ତି।

ପାରମ୍ପରିକ କାରିଗରଙ୍କୁ ସଶକ୍ତ କରିବାକୁ ସରକାରଙ୍କର ପ୍ରତିବଦ୍ଧତାକୁ ଆଗକୁ ବଢାଇ, ପିଏମ୍‌ ବିଶ୍ୱକର୍ମା ଅଧୀନରେ ୪୦୫ ପ୍ରଶିକ୍ଷଣ କେନ୍ଦ୍ରରେ ପାଖାପାଖି ୧.୦୮ ଲକ୍ଷ କାରିଗରଙ୍କୁ ସଫଳତାର ସହ ପ୍ରଶିକ୍ଷଣ ଦିଆଯାଇଛି। ଉଦ୍ୟମିତା କ୍ଷେତ୍ରରେ ଅଗ୍ରଗତି ପାଇଁ ରାଜ୍ୟରେ ୪୫୦ ରୁ ଅଧିକ ଉଦ୍ୟମିତା ସଚେତନତା କାର୍ଯ୍ୟକ୍ରମ ଏବଂ ୧୪୫ ଉଦ୍ୟମିତା ବିକାଶ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଯେଉଁଥିରେ ଏହି ଉଦ୍ୟୋଗୀଙ୍କୁ ଆବଶ୍ୟକ ଓ ନିଜ ସାମର୍ଥ୍ୟ ଅନୁସାରେ ବ୍ୟବସାୟିକ କୌଶଳ ଓ ଆର୍ଥିକ ସୂଚନା ପ୍ରଦାନ କରାଯାଇଛି।

ବୈଠକର ମୁଖ୍ୟ ଆକର୍ଷଣ ଥିଲା ରାଜ୍ୟ ଆଇଟିଆଇ ଉନ୍ନୟନ ଯୋଜନା ଉପରେ ଚର୍ଚ୍ଚା, ଯାହା ଏକ ପରିବର୍ତ୍ତନକାରୀ ପଦକ୍ଷେପ, ଯାହାର ଲକ୍ଷ୍ୟ ହେଉଛି- ହବ୍‌-ଏଣ୍ଡ-ସ୍ପୋକ୍‌ ମୋଡେଲ୍‌ ଅଧୀନରେ ସାରା ଭାରତରେ ୧,୦୦୦ ରୁ ଅଧିକ ଆଇଟିଆଇକୁ ଆଧୁନିକୀକରଣ କରିବା। ପାଞ୍ଚ ବର୍ଷରେ ୬୦,୦୦୦ କୋଟି ଟଙ୍କା ବ୍ୟୟ ଅଟ୍ଟକଳ ଯୁକ୍ତ ଏହି ଯୋଜନାରେ କେନ୍ଦ୍ର ସରକାର ୩୦,୦୦୦ କୋଟି ଟଙ୍କା, ରାଜ୍ୟ ସରକାର ୨୦,୦୦୦ କୋଟି ଟଙ୍କା ଏବଂ ଶିଳ୍ପଭାଗୀଦାରୀ ୧୦,୦୦୦ କୋଟି ଟଙ୍କା ବିନିଯୋଗ କରିବେ। ଏହି ପଦକ୍ଷେପ ଆଇଟିଆଇକୁ ବିଶ୍ୱସ୍ତରୀୟ ଦକ୍ଷତା ବିକାଶ କେନ୍ଦ୍ରରେ ପରିବର୍ତ୍ତିତ କରିବ, ଯାହା ଯୁବାମାନଙ୍କ ରୋଜଗାର ପାଇଁ କ୍ଷମତା ବୃଦ୍ଧି କରିବା ସହିତ ଉଦ୍ୟୋଗ ପାଇଁ ପ୍ରତିଭାର ଏକ ସ୍ଥିର ରାସ୍ତା ସୁନିଶ୍ଚିତ କରିବ। ୭୫ ଜିଲ୍ଲାରେ ବ୍ୟାପ୍ତ ୩,୨୫୮ ଆଇଟିଆଇ ସହିତ, ଉତ୍ତରପ୍ରଦେଶ ଏହି ମହତ୍ୱାକାଂକ୍ଷୀ ପରିବର୍ତ୍ତନରେ ଗୁରତ୍ୱପୂର୍ଣ୍ଣ ଭୂମିକା ନିର୍ବାହ କରିବାକୁ ପ୍ରସ୍ତୁତ ଅଛି।

ଉଦ୍ୟୋଗ ସହଯୋଗର ମହତ୍ତ୍ୱ ଉପରେ ଗୁରୁତ୍ୱ ଦେଇ, ଶ୍ରୀ ଜୟନ୍ତ ଚୌଧୁରୀ ଉଦ୍ୟୋଗ-ସଂଚାଳିତ ପାଠ୍ୟକ୍ରମ ବିକାଶ, ବ୍ୟବହାରିକ ପ୍ରଶିକ୍ଷଣ ପଦ୍ଧତି ଏବଂ ବଜାର ଚାହିଦା ଅନୁସାରେ ବାସ୍ତବିକ ସମୟ ଦକ୍ଷତା ବିକାଶର ଆବଶ୍ୟକତା ଉପରେ ଯୋର୍‌ ଦେଇଛନ୍ତି। ସେ ଜାତୀୟ ଶିକ୍ଷା ନୀତି (ଏନ୍‌ଇପି) ୨୦୨୦ରେ ପରିକଳ୍ପିତ ମୁଖ୍ୟଧାରା ସହ ବ୍ୟବସାୟିକ ଶିକ୍ଷାର ଏକୀକରଣ ଉପରେ ଆଲୋକପାତ କରିଛନ୍ତି ଏବଂ ଯୁବକବର୍ଗଙ୍କୁ ବିକଶିତ ଡିଜିଟାଲ ଅର୍ଥବ୍ୟବସ୍ଥା ପାଇଁ ପ୍ରସ୍ତୁତ କରିବାକୁ ଅଧିକ ରୁ ଅଧିକ ଏଆଇ-ସଂଚାଳିତ ପାଠ୍ୟକ୍ରମ ପ୍ରସ୍ତୁତ କରିବାକୁ ଆହ୍ୱାନ କରିଛନ୍ତି।

ଦୁଇ ମନ୍ତ୍ରୀ ଦକ୍ଷତା ବିକାଶ କ୍ଷେତ୍ରରେ କେନ୍ଦ୍ର ଓ ରାଜ୍ୟର ତାଳମେଳକୁ ସୁଦୃଢ କରିବା ପାଇଁ ତାଙ୍କର ପ୍ରତିବଦ୍ଧତା ଜାହିର କରିଛନ୍ତି। ଏଥିସହିତ ଉତ୍ତରପ୍ରଦେଶକୁ ଦକ୍ଷତା ବିକାଶ କାର୍ଯ୍ୟ ପାଇଁ ଏକ ଅଗ୍ରଣୀ କେନ୍ଦ୍ର ବନେଇବା ପାଇଁ ପ୍ରତିଶ୍ରୁତି ଦେଇଛନ୍ତି। ଚର୍ଚ୍ଚା ସକାରାତ୍ମକ ଭାବେ ସମ୍ପନ୍ନ ହୋଇଛି, ଯାହା ଦେଶର ପ୍ରାଥମିକତା ଏବଂ ବୈଶ୍ୱିକ ବ୍ୟାପାରର ଚାହିଦା ଅନୁଯାୟୀ ଭାରତର ଦକ୍ଷତା ଏଜେଣ୍ଡାକୁ ଆଗକୁ ବଢଇବାକୁ କେନ୍ଦ୍ର ଏବଂ ରାଜ୍ୟ ସରକାର ମଧ୍ୟରେ ଉତ୍କୃଷ୍ଟ ସମନ୍ୱୟ ନିମନ୍ତେ ଏକ କାର୍ଯ୍ୟଖସଡା ପ୍ରସ୍ତୁତ କରାଯାଇଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଓ ଆସନ୍ତାକାଲି ନୂଆଦିଲ୍ଲୀରେ ଦେଶର ମୁଖ୍ୟ ସଚିବମାନଙ୍କ ଚତୁର୍ଥ ଜାତୀୟ ସମ୍ମିଳନୀରେ ଅଧ୍ୟକ୍ଷତା କରିବେ। ଉଭୟ କେନ୍ଦ୍ର ଓ ରାଜ୍ୟ ମଧ୍ୟରେ ସୁସମ୍ପର୍କ ସ୍ଥାପନ ଲାଗି ଏହି ସମ୍ମିଳନୀ କାମ ଦେବ ବୋଲି କୁହାଯାଇଛି। ସଂଘୀୟ ବ୍ୟବସ୍ଥାକୁ ମଜଭୂତ କରିବା ଲାଗି ଏହା ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ବୋଲି ବିବେଚନା କରାଯାଏ।

ଗତ ତିନି ବର୍ଷ ଧରି ଏହି ବାର୍ଷିକ ସମ୍ମିଳନୀ ଆୟୋଜିତ ହୋଇଆସୁଛି। ଧର୍ମଶାଳାରେ ଜୁନ ୨୦୨୨ରେ ପ୍ରଥମକରି ଏହି ସମ୍ମିଳନୀ ଆୟୋଜିତ ହୋଇଥିଲା। ପରେ ଜାନୁୟାରୀ ୨୦୨୩ ଓ ଡିସେମ୍ବର ୨୦୨୩ରେ ନୂଆଦିଲ୍ଲୀରେ ଏହା ଅନୁଷ୍ଠିତ ହୋଇଥିଲା।

୧୩ ଡିସେମ୍ବରରୁ ୧୫ ଡିସେମ୍ବର ଯାଏ ଆୟୋଜିତ ହେଉଥିବା ଏହି ତିନି ଦିନିଆ ସମ୍ମିଳନୀ କେନ୍ଦ୍ର ଓ ରାଜ୍ୟ ମଧ୍ୟରେ ଏକକ ବିକାଶ ଏଜେଣ୍ଡା ପ୍ରସ୍ତୁତ କରିବାରେ ସହାୟକ ହେବ ବୋଲି କୁହାଯାଇଛି। ଉଭୟ ଗ୍ରାମାଂଚଳ ଓ ସହରାଂଚଳରେ ଉଦ୍ୟୋଗିତା ବିକାଶ, ଦକ୍ଷତା ବୃଦ୍ଧି ଓ ନିଯୁକ୍ତି ସୁଯୋଗ ସୃଷ୍ଟି କରିବା କ୍ଷେତ୍ରରେ ଏହା ସହାୟକ ହେବ ବୋଲି ମତପ୍ରକାଶ ପାଇଛି।

କେନ୍ଦ୍ରୀୟ ମନ୍ତ୍ରଣାଳୟ/ବିଭାଗ, ନିତି ଆୟୋଗ, ରାଜ୍ୟ ଓ କେନ୍ଦ୍ର ଶାସିତ ଅଂଚଳ ଓ ବିଶେଷଜ୍ଞମାନଙ୍କ ପରାମର୍ଶକ୍ରମେ ଏହି ଚତୁର୍ଥ ଜାତୀୟ ସମ୍ମିଳନୀ ଉଦ୍ୟୋଗିତା ବିକାଶ, ଦକ୍ଷତା ବୃଦ୍ଧି ଓ ନିଯୁକ୍ତି ସୁଯୋଗ ସୃଷ୍ଟି କରିବା ପ୍ରସଙ୍ଗରେ ବିଶେଷ ଧ୍ୟାନ ଦେବ। ଏହି କାର୍ଯ୍ୟକ୍ରମ ଅଧୀନରେ ଛଅଟି ବିଷୟ ଉପରେ ବିଶେଷ ଆଲୋଚନା କରାଯିବ। ଏଗୁଡିକ ହେଲା ମାନୁଫାକଚରିଂ, ନିଯୁକ୍ତି, ଗ୍ରାମାଂଚଳ ଅଣଫାର୍ମ, ସହରାଂଚଳ, ନବୀକରଣଯୋଗ୍ୟ ଊର୍ଜା ଓ ଚଳନକ୍ଷମ ଅର୍ଥନୀତି। ଏହାଛଡା ଚାରିଟି ପ୍ରସଙ୍ଗ ଉପରେ ବି ସ୍ୱତନ୍ତ୍ର ଅଧିବେଶନ ବସିବ ବୋଲି କୁହାଯାଇଛି। ଏଗୁଡିକ ହେଲା ବିକଶିତ ଭାରତ ଲାଗି ଅଗ୍ରଣୀ ଯାନ୍ତ୍ରିକ ବିଦ୍ୟା, ଅର୍ଥନୀତିର ପେଣ୍ଠସ୍ଥଳ ଭାବରେ ବିକଶିତ ସହର, ପୁଞ୍ଜି ନିବେଶ ଲାଗି ରାଜ୍ୟରେ ଆର୍ଥିକ ସୁଧାର, ମିଶନ କର୍ମଯୋଗୀ ମାଧ୍ୟମରେ ଦକ୍ଷତା ବୃଦ୍ଧି। କୃଷିରେ ଆତ୍ମନିର୍ଭରଶୀଳତା, ବୟସ୍କଙ୍କ ଲାଗି ସହାୟକ ଅର୍ଥନୀତି, ପ୍ରଧାନମନ୍ତ୍ରୀ ସୂର୍ଯ୍ୟ ଘର ଓ ଭାରତୀୟ ଜ୍ଞାନ ପରମ୍ପରା ପରି ପ୍ରସଙ୍ଗ ଉପରେ ଅଧିବେଶନ ବି ବସିବ।

ଏସବୁ ପ୍ରସଙ୍ଗ ଉପରେ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଂଚଳର ସର୍ବୋତ୍ତମ ପରିପ୍ରକାଶକୁ ଉପସ୍ଥାପିତ କରାଯିବ। ଏହି ସମ୍ମିଳନୀରେ ବିଭିନ୍ନ ରାଜ୍ୟର ମୁଖ୍ୟ ସଚିବ, ରାଜ୍ୟ ଓ କେନ୍ଦ୍ରଶାସିତ ଅଂଚଳର ବରିଷ୍ଠ ପଦାଧିକାରୀ ଓ ଏକାଧିକ ବିଶେଷଜ୍ଞ ଉପସ୍ଥିତ ରହିବେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆଦିଲ୍ଲୀର ଡକ୍ଟର ଆମ୍ବେଦକର ଅନ୍ତର୍ଜାତୀୟ କେନ୍ଦ୍ରରେ ଆଜି ସକାଳ ୧୦:୩୦ ସମୟରେ ‘କର୍ମଯୋଗୀ ସପ୍ତାହ’ –  ଜାତୀୟ ଶିକ୍ଷା ସପ୍ତାହର ଶୁଭାରମ୍ଭ କରିବେ।

ମିଶନ କର୍ମଯୋଗୀ ସେପ୍ଟେମ୍ବର ୨୦୨୦ରେ ଆରମ୍ଭ କରାଯାଇଥିଲା ଏବଂ ସେବେଠାରୁ ଏହା ଯଥେଷ୍ଟ ଅଗ୍ରଗତି କରିଛି। ଏହା ଏକ ବିଶ୍ୱସ୍ତରୀୟ ଦୃଷ୍ଟିକୋଣ ସହିତ ଭାରତୀୟ ନୈତିକତା ଆଧାରରେ ଏକ ଭବିଷ୍ୟତ ପାଇଁ ପ୍ରସ୍ତୁତ ପ୍ରଶାସନିକ ସେବାର କଳ୍ପନା କରେ।

ରାଷ୍ଟ୍ରୀୟ ଶିକ୍ଷା ସପ୍ତାହ (ଏନ୍‌ଏଲ୍‌ଡବ୍ଲ୍ୟୁ) ଏହି କ୍ଷେତ୍ରରେ ଏକ ସର୍ବବୃହତ ଆୟୋଜନ ହେବ ଯାହା ସରକାରୀ କର୍ମଚାରୀଙ୍କ ପାଇଁ ବ୍ୟକ୍ତିଗତ ଏବଂ ସାଂଗଠନିକ ଦକ୍ଷତା ବିକାଶ ଦିଗରେ ନୂତନ ପ୍ରେରଣା ପ୍ରଦାନ କରିବ। ଏହି ପଦକ୍ଷେପ ଶିକ୍ଷା ଏବଂ ବିକାଶ ପାଇଁ ଏକ ନୂତନ ପ୍ରତିବଦ୍ଧତାକୁ ଉତ୍ସାହିତ କରିବ। ଏନ୍‌ଏଲ୍‌ଡବ୍ଲ୍ୟୁ “ଗୋଟିଏ ସରକାର” ବାର୍ତ୍ତା ଆରମ୍ଭ କରିବା ସହ ସମସ୍ତଙ୍କୁ ଜାତୀୟ ଲକ୍ଷ୍ୟ ସହିତ ସମାନ କରିବା ଏବଂ ଆଜୀବନ ଶିକ୍ଷାକୁ ପ୍ରୋତ୍ସାହିତ କରିବାକୁ ଲକ୍ଷ୍ୟ ରଖିଛି।

ଏନ୍‌ଏଲ୍‌ଡବ୍ଲ୍ୟୁ ବ୍ୟକ୍ତିଗତ ଅଂଶଗ୍ରହଣକାରୀ ଏବଂ ମନ୍ତ୍ରଣାଳୟ, ବିଭାଗ ଏବଂ ସଂଗଠନ ଦ୍ୱାରା ବିଭିନ୍ନ ପ୍ରକାରର ଯୋଗଦାନ ମାଧ୍ୟମରେ ଶିକ୍ଷା ପାଇଁ ଉତ୍ସର୍ଗୀକୃତ ହେବ। ଏନ୍‌ଏଲ୍‌ଡବ୍ଲ୍ୟୁ ସମୟରେ ପ୍ରତ୍ୟେକ କର୍ମଯୋଗୀ ଅତି କମରେ ୪ ଘଣ୍ଟା ଦକ୍ଷତା-ସମ୍ବନ୍ଧିତ ଶିକ୍ଷାର ଲକ୍ଷ୍ୟ ହାସଲ କରିବାକୁ ପ୍ରତିଶୃତି ଦେବ। ଅଂଶଗ୍ରହଣକାରୀମାନେ ପ୍ରତିଷ୍ଠିତ ବ୍ୟକ୍ତିମାନଙ୍କ ଦ୍ୱାରା ଆଇଜିଓଟି, ୱେବିନାର୍ସ (ସର୍ବସାଧାରଣ ବକ୍ତୃତା / ନୀତି ମାଷ୍ଟରକ୍ଲାସ୍‌) ଉପରେ ବ୍ୟକ୍ତିଗତ ଭୂମିକା ଆଧାରିତ ମଡ୍ୟୁଲଗୁଡିକର ମିଶ୍ରଣ ମାଧ୍ୟମରେ ଧାର୍ଯ୍ୟ ସମୟକୁ ସମ୍ପୂର୍ଣ୍ଣ କରିପାରିବେ।

ସପ୍ତାହ ମଧ୍ୟରେ, ବିଶିଷ୍ଟ ବ୍ୟକ୍ତିମାନେ ସେମାନଙ୍କର ପ୍ରତିଷ୍ଠିତ କ୍ଷେତ୍ର୍ର ଉପରେ ଆଲୋଚନା କରିବେ ଏବଂ ସେମାନଙ୍କୁ ଅଧିକ ପ୍ରଭାବଶାଳୀ ଢ଼ଙ୍ଗରେ ନାଗରିକ-କୈନ୍ଦ୍ରିକ ବିତରଣ ଦିଗରେ କାର୍ଯ୍ୟ କରିବାରେ ସାହାଯ୍ୟ କରିବେ। ଏହି ସପ୍ତାହ ମଧ୍ୟରେ, ମନ୍ତ୍ରଣାଳୟ, ବିଭାଗ ଏବଂ ସଂଗଠନ ମଧ୍ୟ ଡୋମେନ୍ ଆଧାରିତ ଦକ୍ଷତା ବୃଦ୍ଧି ପାଇଁ ସେମିନାର ଏବଂ କର୍ମଶାଳା ଆୟୋଜନ କରିବେ।