ଭୁବନେଶ୍ବର: ସିପିଆଇ ର ବରିଷ୍ଠ ନେତା ତଥା ପୂର୍ବତନ ରାଜ୍ୟ ସଂପାଦକ ଦିବାକର ନାୟକ ଗୁରୁତର ଅସୁସ୍ଥ ହୋଇ ଏଏମସରେ ଭର୍ତ୍ତି ହୋଇଛନ୍ତି। ଡାକ୍ତରଙ୍କ କହିବା ଅନୁସାରେ ତାଙ୍କର ଇନଫେକ୍ସନ ଯୋଗୁଁ ସେ ଗୁରୁତର ହୋଇପଡିଛନ୍ତି। ଶ୍ରୀ ନାୟକ ପୂର୍ବରୁ କିଡନୀ ରୋଗରେ ପିଡିତ ହୋଇ ଭଲ ହୋଇଥିଲେ।
ଦିବାକର ନାୟକ ସିପିଆଇର ଜଣେ ବରିଷ୍ଠ ନେତା ଭାବେ ବେଶ ଜଣାଶୁଣା। ବିଭିନ୍ନ ସମୟରେ ସେ ତୀକ୍ଷ୍ମ ସମାଲୋଚନା କରି ରାଜ୍ୟ ସରକାରଙ୍କୁ ଅଡୁଆରେ ପକାଇ ଦିଅନ୍ତି। ତାଙ୍କ ନେତୃତ୍ବରେ ସାରା ରାଜ୍ୟରେ ସିପିଆଇ ପକ୍ଷରୁ ବହୁ ଆନ୍ଦୋଳନ ତଥା ପ୍ରତିବାଦ ସଭା କରାଯାଇଛି।
ସିପିଆଇର ଅନ୍ୟତମ ବରିଷ୍ଠ ନେତା ରାମକୃଷ୍ଣ ପଣ୍ଡା ଏବଂ ଅନ୍ୟ ସିପିଆଇ ସାଥୀଗଣ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି।