ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦୀ ଆଜି ଦେଶର ଦୀର୍ଘତମ ସମୁଦ୍ର ସେତୁ ଉଦଘାଟନ କରିବେ। ପ୍ରାୟ ୧୭,୮୪୦ କୋଟି ଟଙ୍କା ବ୍ୟୟରେ ଅଟଳ ବିହାରୀ ବାଜପେୟୀ ଅଟଳ ସେତୁ ନିର୍ମାଣ କରାଯାଇଛି। ଏହା ହେଉଛି ଭାରତର ସବୁଠାରୁ ଲମ୍ବା ସମୁଦ୍ର ସେତୁ। ଜଣେ ଅଧିକାରୀ କହିଛନ୍ତି ଯେ, ଏହାର ନିର୍ମାଣରେ ଅନେକ ଟେକ୍ନୋଲୋଜି ବ୍ୟବହାର କରାଯାଇଛି, ଯାହା ଭାରତରେ ପ୍ରଥମ ଥର ପାଇଁ ବ୍ୟବହୃତ ହୋଇଛି। ଏହାକୁ ଏକ ଇଞ୍ଜିନିୟରିଂ ଚମତ୍କାର ବୋଲି ବର୍ଣ୍ଣନା କରାଯାଇଛି ବୋଲି ବିଶେଷଜ୍ଞମାନେ କହିଛନ୍ତି। ଅଧିକାରୀ କହିଛନ୍ତି ଯେ, ଭାରତର ଦୀର୍ଘତମ ସମୁଦ୍ର ସେତୁ ଅଟଳ ସେତୁରେ ବ୍ୟବହୃତ ଆଲୋକ ଜଳ ପରିବେଶକୁ କ୍ଷତି ପହଞ୍ଚାଇବ ନାହିଁ।
