କୋଲକାତା, ପଶ୍ଚିମବଂଗ ନିର୍ବାଚନ ପ୍ରଚାର ବେଳେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ରାଲି ଉପରକୁ ଆକ୍ରମଣ ହୋଇଛି । ଧର୍ମେନ୍ଦ୍ର ନନ୍ଦିଗ୍ରାମରେ ରାଲି କରି ଯାଉଥିବା ବେଳେ କେତେକ ଦୁର୍ବତ ହଠାତ ଆକ୍ରମଣ କରିଥିଲେ।
ଏଥିରେ ଦକ୍ଷିଣ ମଣ୍ଡଳର ଜଣେ ବିଜେପି କର୍ମୀ ଗୁରୁତର ଆହତ ହୋଇଛନ୍ତି । ଧର୍ମେନ୍ଦ୍ର ନନ୍ଦିଗ୍ରାମର ସୋନଚୂରାରେ ଏକ ଜନସଭାକୁ ସମ୍ବୋଧନ କରିବା ପାଇଁ ରାଲିରେ ଯାଉଥିଲେ। ସେହିଠାରେ ହିଁ ଆକ୍ରମଣ କରାଯାଇଛି।
ଏନେଇ ନିର୍ବାଚନ ଆୟୋଗଙ୍କୁ ବିଜେପି ପକ୍ଷରୁ ଅବଗତ କରାଯାଇଛି । ଅଧିକ ଅର୍ଦ୍ଧ ସାମରିକ ବଳ ମୁତୟନ ପାଇଁ ବିଜେପି ଦାବି କରିବା ସହ ନିରପେକ୍ଷ ନିର୍ବାଚନ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦାବି କରିଛନ୍ତି । ଏହି ଆକ୍ରମଣ ଟିଏମସି କର୍ମୀମାନେ କରିଛନ୍ତି ବୋଲି ଅଭିଯୋଗ ହୋଇଛି।