ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: କୃଷକ ବିରୋଧୀ, କର୍ପୋରେଟ ସପକ୍ଷବାଦୀ କୃଷି ଆଇନ ରବ୍ଦ ଦାବିରେ ଆଜି ବ୍ରହ୍ମପୁରଠାରେ ଧିକ୍କାର ଦିବସ ପାଳିତ ହୋଇଯାଇଛି। ଏ ଅବସରରେ ଅଖିଳ ଭାରତ କିଷାନ ସଂଘର୍ଷ ସମନ୍ୱୟ ସମିତି ଏବଂ ସଂଯୁକ୍ତ କିଷାନ ମୋର୍ଚ୍ଚା ଡ଼ାକରାରେ ବିଭିନ୍ନ କୃଷକ ସଂଗଠନ ପକ୍ଷରୁ ମିଳିତ ଭାବେ ଏହା ପାଳିତ ହୋଇଛି।
ମୋଦି ସରକାର ସଂଗଠିତ ଓ ଏକତାବଦ୍ଧ କୃଷକ ଆନ୍ଦୋଳନକୁ ଦମନ, ଭଣ୍ଡୁର ଏବଂ ବିଭ୍ରାନ୍ତ କରିବା ପାଇଁ ବିଭିନ୍ନ ପଦକ୍ଷେପ ନିଆଯାଉଛି ବୋଲି ନେତୃମଣ୍ଡଳୀ ଧିକ୍କାର ଜଣାଇଛନ୍ତି।କୃଷକମାନଙ୍କ ସ୍ୱାର୍ଥକୁ ଜଳାଞ୍ଜଳି ଦେଇ ଅମ୍ବାନୀ ଅଦାନି ଭଳି କର୍ପୋରେଟ ରାକ୍ଷସମାନଙ୍କ ସ୍ୱାର୍ଥ, ମୁନାଫା ପାଇଁ ଅଣାଯାଇଥିବା କୃଷି ଆଇନ ୨୦୨୦ ପ୍ରତ୍ୟାହାର ଏବଂ ବିଦ୍ୟୁତ ସଂଶୋଧନ ବିଲ୍ ୨୦୨୦ ରବ୍ଦ ନହେବା ଯାଏଁ ଏହି ଆନ୍ଦୋଳନ ଚାଲୁ ରହିବ।
ଏଥିରେ କୃଷକ ନେତା ପି. ହରିକୃଷ୍ଣ ରେଡ୍ଡୀ, ବସନ୍ତ ନନ୍ଦ, ଗୋପାଳ ପାଣିଗ୍ରାହୀ, ନୀଳକଣ୍ଠ ଦାସ, ପ୍ରତାପ ନାୟକ, ବିଜୟ ସ୍ୱାଇଁ, ଉଦ୍ଧବ ମହାଙ୍କୁଡ଼, କାମଦେବ ନାହାକ ପ୍ରମୁଖ ନେତୃମଣ୍ଡଳୀ ସାମିଲ ହୋଇଥିଲେ।