ଭୁବନେଶ୍ବର: ପଞ୍ଜାବର ରୋଡେ ଗ୍ରାମରେ ଥିବା ଗୁରୁଦ୍ୱାରରୁ ଉଗ୍ରବାଦୀ ଅମ୍ରିତପାଲ୍ ସିଂହ କୁ ପଞ୍ଜାବ ପୋଲିସ ୩୬ ଦିନ ପରେ ଗିରଫ କରିଛି । ଖଲିସ୍ଥାନୀ ଆନ୍ଦୋଳନକୁ ଉଷୁକାଉ ଥିବା ଅମ୍ରିତପାଲ୍ “ୱାରିସ ପଞ୍ଜାବ ଦେ” ନାମକ ସଂଗଠନର ମୁଖ୍ୟ ଥିଲା । ବିଦେଶୀ ସହାୟତାଏବଂ ଚାନ୍ଦା ବଳରେ ପଞ୍ଜାବରେ ଖଲିସ୍ଥାନ ଆନ୍ଦୋଳନକୁ ପୁନର୍ଜୀବିତ କରିବାକୁ ଚାଲିଥିବା ଷଡଯନ୍ତ୍ରକୁ ଅମ୍ରିତପାଲ୍ ର ଗିରଫଦାରୀ ପରେ ବଡ ଧକ୍କା ଲାଗିଛି ।
ପଞ୍ଜାବ ପୋଲିସର ଆଇଜି ଶ୍ରୀ ସୁଖଚୈନ୍ ସିଂହ ଗିଲ୍ ଙ୍କ ପ୍ରଦତ୍ତତଥ୍ୟ ଅନୁସାରେ ପଞ୍ଜାବ ପୋଲିସ ବାହିନୀ ଗୋଇନ୍ଦା ସୂଚନାକୁ ଆଧାର କରି ଅମ୍ରିତପାଲ୍ ରହିଥିବା ଗୁରୁଦ୍ୱାରକୁ ଚାରିପଟୁ ଘେରି ଯାଇଥିଲେ । ଗୁରୁଦ୍ୱାରର ପବିତ୍ରତାକୁ ନଷ୍ଟ ନ କରି ଅମ୍ରିତପାଲ୍ କୁ ଆରେଷ୍ଟ କରାଗଲା । ଏହା ଆମ୍ ଆଦ୍ମୀ ପାର୍ଟିସରକାର ଏବଂ ମୁଖ୍ୟମନ୍ତ୍ରୀ ଶ୍ରୀ ଭଗୱନ୍ତ ସିଂହ ମାନ୍ ଙ୍କରଏକ ବଡ ସଫଳତା । ଧର୍ୟ୍ୟର ସହିତ ବିନା ସାଂପ୍ରଦାୟିକ ଉତ୍ତେଜନାରେ ଗୁଳିଗୋଳା ନ ଚଳାଇ ଏହି ସମସ୍ୟାର ଯେଉଁପରି ଭାବରେ ମାନ୍ ସରକାର ସମାଧାନ କଲେ ତାହା ସମସ୍ତଙ୍କ ପାଇଁ ଉଦାହରଣ ଯୋଗ୍ୟ। ରାଷ୍ଟ୍ରୀୟ ଅଖଣ୍ଡତାଏବଂ ସୁରକ୍ଷାର ପ୍ରଶ୍ନରେ ଉଭୟ କେନ୍ଦ୍ର ସରକାର ଏବଂ ପଞ୍ଜାବସରକାର ମିଳିତ ଭାବରେ ଯେଉଁପରି କାମ କଲେ ତାହାମଧ୍ୟ ଅନୁକରଣୀୟ।
ଅମ୍ରିତପାଲ୍ ସିଂହଙ୍କୁ ଗିରଫକରିବା ସହିତ ତାଙ୍କ ସହିତ ଜଡିତ ସମସ୍ତ ଖଲିସ୍ଥାନୀ ଆତଙ୍କବାଦୀଙ୍କ ବିରୋଧରେ ଦୃଢ କାର୍ୟ୍ୟାନୁଷ୍ଠାନ ଗ୍ରହଣ କରିଥିବାରୁ ଆମ୍ ଆଦମୀ ପାର୍ଟି ଓଡିଶା, ପଞ୍ଜାବ ସରକାରଙ୍କୁ ଶୁଭେଚ୍ଛା ଜଣାଇବା ସହିତ ସମସ୍ତ ପ୍ରକାର ସଫଳତା କାମନା କରୁଛି। ଆମ୍ ଆଦ୍ମୀ ପାର୍ଟିଦେଶର ଅଖଣ୍ଡତା ଏବଂ ପଞ୍ଜାବରେ ଶାନ୍ତି ପୂର୍ଣ୍ଣ ସରକାର ଚଳାଇବା ପାଇଁ ପ୍ରତିଶୃତିବଦ୍ଧ। କୌଣସି ପ୍ରକାର ଅପପ୍ରଚାର ଏହାକୁ ପ୍ରଭାବିତ କରିପାରିବ ନାହିଁ।
ଉକ୍ତ ପ୍ରେସମିଟ ରେ ଆମ୍ ଆଦ୍ମୀ ପାର୍ଟି ଓଡ଼ିଶାର ରାଜ୍ୟ ଆବାହକ ଶ୍ରୀ ନିଶିକାନ୍ତ ମହାପାତ୍ର ଉପସ୍ଥିତ ଥିଲେ।