ପୁରୀ, ଆସୁଛି ନୂଆ ବର୍ଷ। ସେଥିପାଇଁ ଚାରିଆଡେ ଚାଲିଛି ସାଜସଜା। ହେଲେ ଏଥର କରୋନା ପାଇଁ ଖିଆପିଆ ହୋଇ ନ ପାରେ। ହେଲେ ବୁଲାବୁଲି କରିବା ପାଇଁ ଅନେକ ଅନେଇ ବସିଛନ୍ତି। ବିଶେଷ କରି ପୁରୀ ଯିବା ପାଇଁ ଅନେକଙ୍କ ଆଗ୍ରହ ଥାଏ। ଏହାକୁ ଦୃଷ୍ଟିରେ ରଖି ପୁରୀ ସହରକୁ ପ୍ରଶାସନ ତରଫରୁ ବେଶ ସାଜସଜା କରାଯାଇଛି।
ପୁରୀ ସହର ଭିତରକୁ ପଶିବା ପାଇଁ ଥିବା ଅଠର ନଳା ପ୍ରବେଶ ପଥକୁ ବେଶ ସାଜସଜା କରାଯାଇଛି। ବିଭିନ୍ନ ରଂଗୀନ ଆଲୋକମାଳାରେ ସେହି ସ୍ଥାନଟି ଝଲସି ଉଠିଛି। ବିଶେଷ କରି ଐତିହାସିକ ଅଠର ନଳାକୁ ମଧ୍ୟ ଆକର୍ଷଣୀୟ ଆଲୋକମାଳାରେ ସଜାଯାଇଛି ।
ଯେକେହି ଦେଖିଲେ ତାଙ୍କର ଆଖି ଝଲସି ଯିବ। ନୂଆ ବର୍ଷରେ ଜଗନ୍ନାଥ ମନ୍ଦିର ଭିତରକୁ ପ୍ରବେଶ ମନା। ତଥାପି ଲୋକମାନେ ପୁରୀ ସହରକୁ ନିଶ୍ଚିତ ଆସିବେ। ସେଥିପାଇଁ ପୁରୀ ପ୍ରଶାସନ ତରଫରୁ ଏପରି ପଦକ୍ଷେପ ନିଆଯାଇଛି।