Tag: ପୂର୍ବତଟ ରେଳପଥ

ଭୁବନେଶ୍ୱର: ପୂର୍ବତଟ ରେଳପଥର ଖୋର୍ଦ୍ଧା ରୋଡ୍ ରେଳମଣ୍ଡଳ ଅନ୍ତର୍ଗତ କଟକ ରେଳ ଷ୍ଟେସନରେ ଏୟାର କନକୋର୍ସ ନିର୍ମାଣ ଏବଂ ୟାର୍ଡ଼ ନବୀକରଣ ଓ ଅନ୍ୟାନ୍ୟ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟକୁ ଦୃଷ୍ଟିରେ ରଖି, ଗୋଟିଏ ମାସ ପାଇଁ ତିନୋଟି ଦୂରଗାମୀ ଟ୍ରେନକୁ ମାର୍ଗ ପରିବର୍ତ୍ତନ କରିବାକୁ ଯୋଜନା କରାଯାଇଛି।

ଏହି ଅସ୍ଥାୟୀ ମାର୍ଗ ପରିବର୍ତ୍ତିତ ଟ୍ରେନଗୁଡ଼ିକ ବାରଙ୍ଗ-କଟକ-କପିଳାସ ରୋଡ୍ ନିର୍ଦ୍ଧାରିତ ମାର୍ଗ ପରିବର୍ତ୍ତେ ବାରଙ୍ଗ-ନରାଜ ମାର୍ଥାପୁର-କପିଳାସ ରୋଡ୍ ମାର୍ଗରେ ଚଳାଚଳ କରିବ। କଟକ ଷ୍ଟେସନରେ ଏହି ଟ୍ରେନଗୁଡ଼ିକର ରହଣିକୁ ବାଦ୍ ଦିଆଯିବ ଏବଂ 16 ଫେବୃଆରୀରୁ 17 ମାର୍ଚ୍ଚ 2025 ପର୍ଯ୍ୟନ୍ତ ନରାଜ ମାର୍ଥାପୁର ରେଳ ଷ୍ଟେସନରେ ଅସ୍ଥାୟୀ ରହଣି ପ୍ରଦାନ କରାଯିବ।

ଏହି ଆଧୁନିକୀକରଣ ଏବଂ ନିରାପତ୍ତା ସମ୍ବନ୍ଧୀୟ କାର୍ଯ୍ୟ ପାଇଁ ଅସ୍ଥାୟୀ ଭାବରେ ମାର୍ଗ ପରିବର୍ତ୍ତନ କରାଯାଇଥିବା ଟ୍ରେନଗୁଡ଼ିକର ଯାତ୍ରୀମାନଙ୍କ ପାଇଁ ପୂର୍ବତଟ ରେଳପଥ ଖୋର୍ଦ୍ଧା ରୋଡ୍ ରେଳମଣ୍ଡଳ କଟକ ରେଳ ଷ୍ଟେସନ ଏବଂ ନରାଜ ମାର୍ଥାପୁର ରେଳ ଷ୍ଟେସନ ମଧ୍ୟରେ ମାଗଣା ବସ୍ ସେବା ପ୍ରଦାନ କରିବ।

16 ଫେବୃଆରୀରୁ 16 ମାର୍ଚ୍ଚ 2025 ମଧ୍ୟରେ ପ୍ରତି ମଙ୍ଗଳବାର (ସୋମବାର ବିଳମ୍ବିତ ରାତିରେ) କଟକରେ ପହଞ୍ଚୁଥିବା 12515 କୋଏମ୍ବାଟୁର-ସୀଲଚର ସାପ୍ତାହିକ ସୁପର-ଫାଷ୍ଟ ଏକ୍ସପ୍ରେସ; ବୁଧବାର ଏବଂ ଗୁରୁବାର (ମଙ୍ଗଳବାର ଏବଂ ବୁଧବାର ବିଳମ୍ବିତ ରାତିରେ) କଟକରେ ପହଞ୍ଚୁଥିବା 22643 ଏର୍ଣ୍ଣାକୁଲମ-ପାଟନା ଦ୍ୱି-ସାପ୍ତାହିକ ଏକ୍ସପ୍ରେସ ଏବଂ ଶୁକ୍ରବାର, ଶନିବାର ଏବଂ ରବିବାର (ଗୁରୁବାର, ଶୁକ୍ରବାର ଏବଂ ଶନିବାର ବିଳମ୍ବିତ ରାତିରେ) କଟକରେ ପହଞ୍ଚୁଥିବା 12509 ବେଙ୍ଗାଲୁରୁ-ଗୌହାଟି ତ୍ରି-ସାପ୍ତାହିକ ଏକ୍ସପ୍ରେସ କଟକ ରେଳ ଷ୍ଟେସନ ପରିବର୍ତ୍ତେ ଅସ୍ଥାୟୀ ମାର୍ଗ ପରିବର୍ତ୍ତନରେ ନରାଜ ମାର୍ଥାପୁର ରେଳ ଷ୍ଟେସନରେ ରହଣି କରିବ।

ଉପରୋକ୍ତ ଟ୍ରେନଗୁଡ଼ିକ ପାଇଁ କଟକ ରେଳ ଷ୍ଟେସନ ଠାରୁ ଯାତାୟାତ କରିବାକୁ ଥିବା ଯାତ୍ରୀମାନଙ୍କୁ ଏହି ସମୟ ମଧ୍ୟରେ ନରାଜ ମାର୍ଥାପୁର ଏବଂ କଟକ ରେଳ ଷ୍ଟେସନରେ ଉଭୟ ପାର୍ଶ୍ୱରୁ ମାଗଣା ବସ୍ ସୁବିଧା ରେଳବାଇ ଦ୍ୱାରା ଯୋଗାଇ ଦିଆଯିବ।

ଭୁବନେଶ୍ୱର: ସମ୍ଭାବ୍ୟ ଦୁର୍ଘଟଣାକୁ ଏଡାଇବା ଏବଂ ଟ୍ରେନ ପରିଚାଳନାର ସୁରକ୍ଷା ଏବଂ ଅଖଣ୍ଡତା ସୁନିଶ୍ଚିତ କରି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ଅସାଧାରଣ ସତର୍କତା ଏବଂ ତୁରନ୍ତ ପଦକ୍ଷେପ ପାଇଁ ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ତିନି ଜଣ ରେଳ କର୍ମଚାରୀଙ୍କୁ ସମ୍ମାନିତ କରିଛନ୍ତି। ପୂର୍ବତଟ ରେଳପଥ ମୁଖ୍ୟାଳୟରେ ଅନୁଷ୍ଠିତ ଏହି ସମାରୋହରେ ଅତିରିକ୍ତ ମହାପ୍ରବନ୍ଧକ ମହେଶ କୁମାର ବେହେରା ଏବଂ ପ୍ରମୁଖ ନିରାପତ୍ତା ଅଧିକାରୀଙ୍କ ସମେତ ମୁଖ୍ୟାଳୟ ଭୁବନେଶ୍ୱର ଓ ଖୋର୍ଦ୍ଧା ରୋଡ଼ ରେଳ ମଣ୍ଡଳର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

ନିମ୍ନଲିଖିତ କର୍ମଚାରୀମାନଙ୍କୁ ସେମାନଙ୍କର ଉତ୍ସର୍ଗୀକୃତତା ଏବଂ ଅନୁକରଣୀୟ କାର୍ଯ୍ୟଦକ୍ଷତା ପାଇଁ ସମ୍ମାନିତ କରାଯାଇଅଛି:

1- ସୀତାବିଞ୍ଜ ରେଳ ଷ୍ଟେସନର ଷ୍ଟେସନ ମ୍ୟାନେଜର ବିନୋଦ ବିହାରୀ ବେହେରାଙ୍କ ଅସାଧାରଣ ସତର୍କତା ଏବଂ ଶୀଘ୍ର ପ୍ରତିକ୍ରିୟାର ସ୍ୱୀକୃତି ସ୍ୱରୂପ ଏକ ସମ୍ଭାବ୍ୟ ଦୁର୍ଘଟଣାକୁ ଏଡ଼ାଇଦେବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ, ଯାହା ରେଳ ସୁରକ୍ଷା ପ୍ରତି ତାଙ୍କର ପ୍ରତିବଦ୍ଧତାକୁ ସ୍ପଷ୍ଟ କରିଥିଲା। ଏହି ଘଟଣାଟି 15 ନଭେମ୍ବର 2024 ସକାଳ 5:39 ସମୟରେ ଘଟିଥିଲା, ଯେତେବେଳେ ଶ୍ରୀ ବେହେରା ସୀତାବିଞ୍ଜ-ବସନ୍ତପୁର ସେକ୍ସନ ଦେଇ ଯାଉଥିବା ସମୟରେ ଟ୍ରେନର 22ତମ ୱାଗନରୁ ଧୂଆଁ ନିର୍ଗତ ହେଉଥିବା ଦେଖିଥିଲେ। ଆକ୍ସଲଟି ଅତ୍ୟଧିକ ଗରମ ହୋଇଯାଇଥିଲା ଏବଂ ଅଧିକ କ୍ଷତିକୁ ଏଡ଼ାଇବା ପାଇଁ ତୁରନ୍ତ ପଦକ୍ଷେପ ନେବା ଆବଶ୍ୟକ ଥିଲା। ଶ୍ରୀ ବେହେରା ଏହି ସମ୍ବନ୍ଧରେ ବସନ୍ତପୁର ଷ୍ଟେସନକୁ ଶୀଘ୍ର ସୂଚନା ଦେଇ ପ୍ରଭାବିତ ୱାଗନ କୁ ଅଲଗା କରିବା କାର୍ଯ୍ୟକୁ ସୁନିଶ୍ଚିତ କରାଇଥିଲେ।

2- ଥେରୁବାଲି-ସିଙ୍ଗାପୁର ରୋଡ୍ ‘ବି’ କ୍ୟାବିନ୍ ସେକ୍ସନରେ ରାତ୍ରି ପାଟ୍ରୋଲିଂ କରୁଥିବା ସମୟରେ ଥେରୁବାଲି ରେଳ ଷ୍ଟେସନର ଗ୍ୟାଙ୍ଗ୍ ନଂ-51ର ଟ୍ରାକ୍ ରକ୍ଷଣାବେକ୍ଷଣକାରୀ-IV (ଟ୍ରାକ ମେଣ୍ଟେନର) ଡମ୍ବରୁ ଗୌଡ଼ ଡାଉନ୍ ଲାଇନରେ ଏକ ୱେଲ୍ଡ ବିଫଳତା ଚିହ୍ନଟ କରିଥିଲେ। ଘଟଣାର ଶୀଘ୍ର ସୂଚନା ଓ ତୁରନ୍ତ ବିଶେଷ ସମସ୍ୟାର ଚିହ୍ନଟ କରାଯାଇ ୩୦ କିମି/ଘଣ୍ଟା ପ୍ରତି ବେଗ ପ୍ରତିବନ୍ଧକ ଲାଗୁ କରାଯାଇଥିଲା, ଯାହା ସମ୍ଭାବ୍ୟ ଦୁର୍ଘଟଣାକୁ ଏଡା ଦିଆଯାଇପାରିଥିଲା। କନିଷ୍ଠ ଯନ୍ତ୍ରୀ/ଥେରୁବାଲି ଏବଂ ଷ୍ଟେସନ ପରିଚାଳକ/ଥେରୁବାଲିଙ୍କୁ ତାଙ୍କର ତୁରନ୍ତ ରିପୋର୍ଟ ଉପଯୁକ୍ତ ସଂଶୋଧନମୂଳକ କାର୍ଯ୍ୟ ସମୟ ମଧ୍ୟରେ ସୁନିଶ୍ଚିତ କରିଥିଲା।

3- ରାୟଗଡ଼ା ଷ୍ଟେସନର ଟ୍ରେନ ମ୍ୟାନେଜର (ସିନିୟର ଗୁଡ୍ସ) କେ. ଧନୁଞ୍ଜୟ ରାଓ 17 ନଭେମ୍ବର 2024 ରେ ଦାମନଜୋଡିରୁ ବାଇଗୁଡ଼ା ଯାଉଥିବା ସମୟରେ ବାଇଗୁଡ଼ାରେ ଏକ ମାଲଗାଡ଼ିର ଏକ ୱାଗନ୍ ଚକରୁ ଧୂଆଁ ନିର୍ଗତ ହେଉଥିବା ଦେଖିଲେ। ସେ ଏହାକୁ ଶୀଘ୍ର ଶୀଘ୍ର ଚିହ୍ନଟ କରି ତୁରନ୍ତ ପଦକ୍ଷେପ ଜନିତ 12ତମ ୱାଗନ୍ରେ ହଟ ଆକ୍ସଲ୍ ଯୋଗୁଁ ଏହି ସମସ୍ୟା ସୃଷ୍ଟି ର ସମାଧାନ କରାଇଥିଲେ। ବାଇଗୁଡ଼ା ଷ୍ଟେସନ ଠାରେ ପରିସ୍ଥିତି ନିୟନ୍ତ୍ରଣ କରିବାରେ ତାଙ୍କର ତୁରନ୍ତ ପଦକ୍ଷେପ ଟ୍ରେନ୍ ଏବଂ ଏହାର କର୍ମଚାରୀଙ୍କ ସୁରକ୍ଷା ସୁନିଶ୍ଚିତ କରିବା ସହିତ ଆହୁରି ଜଟିଳତାକୁ ଏଡାଇ ଦିଆଯାଇପାରିଥିଲା।

ମହାପ୍ରବନ୍ଧକ ଶ୍ରୀ ଫୁଙ୍କୱାଲ୍ ଏହି କର୍ମଚାରୀମାନଙ୍କୁ ସେମାନଙ୍କର ତ୍ୱରିତ ପ୍ରତିକ୍ରିୟା ଏବଂ ଅନୁକରଣୀୟ ସତର୍କତା ପାଇଁ ପ୍ରଶଂସା କରିଥିଲେ ଯାହା ରେଳ ନେଟୱାର୍କର ସୁଗମ ଏବଂ ନିରାପଦ ପରିଚାଳନା ସୁନିଶ୍ଚିତ କରିବାରେ ଗୁରୁତ୍ୱପୂର୍ଣ୍ଣ। ଶ୍ରୀ ଫୁଙ୍କୱାଲ୍ ଗୁରୁତ୍ୱାରୋପ କରି କହିଛନ୍ତି ଯେ ପ୍ରତ୍ୟେକ ରେଳ କର୍ମଚାରୀଙ୍କ ପରିଶ୍ରମ ଯାତ୍ରୀଙ୍କ ସୁରକ୍ଷା ଏବଂ ଟ୍ରେନଗୁଡ଼ିକର ଦକ୍ଷ ପରିଚାଳନାରେ ସିଧାସଳଖ ଯୋଗଦାନ କରୁଅଛି। ଶ୍ରୀ ଫୁଙ୍କୱାଲ୍ ସମସ୍ତ ରେଳ କର୍ମଚାରୀଙ୍କୁ କାର୍ଯ୍ୟ ନିର୍ଘଣ୍ଟ ସମୟରେ ବିଶେଷ ସତର୍କ ରହିବା ଏବଂ ସେମାନଙ୍କର କର୍ତ୍ତବ୍ୟ ପ୍ରତି ପ୍ରତିବଦ୍ଧ ରହିବାକୁ ଆହୁରି ଉତ୍ସାହିତ କରିଥିଲେ ଯାହା ରେଳ ପରିଚାଳନାର ପ୍ରତ୍ୟେକ ସ୍ତରରେ ସୁରକ୍ଷାର ଗୁରୁତ୍ୱକୁ ଦୃଢ଼ କରିପାରିବ।

ଭୁବନେଶ୍ୱର: ପୂର୍ବତଟ ରେଳପଥ ପକ୍ଷରୁ ଆଜି ଭୁବନେଶ୍ୱରର ରେଳ ଅଡିଟୋରିୟମ ଠାରେ ବିଶିଷ୍ଟ ରେଳ ସେବା ପୁରସ୍କର- 2024 ମହୋତ୍ସବ ପାଳନ କରି ଏହାର କର୍ମଚାରୀଙ୍କ ଅତୁଳନୀୟ ସେବା ତଥା ଉତ୍ସର୍ଗୀକୃତତାକୁ ସମ୍ମାନିତ କରିଛି। ଏହି କାର୍ଯ୍ୟକ୍ରମରେ ମୋଟ 49 ଜଣ ରେଳ କର୍ମଚାରୀଙ୍କୁ ସେମାନଙ୍କ ଉଲ୍ଲେଖନୀୟ ପ୍ରଦର୍ଶନ ପାଇଁ ପୁରସ୍କୃତ କରାଯାଇ ସ୍ୱୀକୃତି ଦିଆଯିବା ସହିତ ବିଭିନ୍ନ ରେଳ ମଣ୍ଡଳ ଏବଂ ରେଳ ୟୁନିଟ ଗୁଡିକର କାର୍ଯ୍ୟ ଦକ୍ଷତା ପାଇଁ ବିଭିନ୍ନ ଦକ୍ଷତା ସିଲ୍ଡ ପ୍ରଦାନ କରାଯାଇଅଛି।

ବିଶିଷ୍ଟ ରେଳ ସେବା ପୁରସ୍କାର 2024 ସମାରୋହର ମୁଖ୍ୟ ଆକର୍ଷଣ:

49 ରେଳ କର୍ମଚାରୀଙ୍କୁ ସ୍ୱୀକୃତି ପ୍ରଦାନ : କାର୍ଯ୍ୟ କ୍ଷେତ୍ରରେ ନିରନ୍ତର ନିଷ୍ଠା ଏବଂ ପରିଶ୍ରମର ସ୍ୱୀକୃତି ପାଇଁ 49 ଜଣ ରେଳ କର୍ମଚାରୀଙ୍କୁ ସମ୍ମାନଜନକ ବିଶିଷ୍ଟ ରେଳ ସେବା ପୁରସ୍କର -2024 କରାଯାଇଅଛି। ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲଙ୍କ ଦ୍ୱାରା ପ୍ରଦାନ କରାଯାଇଥିବା ଏହି ବିଶେଷ ପୁରସ୍କାର ରେଳପଥର ଲକ୍ଷ୍ୟ ପୂରଣ କରିବାରେ ସେମାନଙ୍କର ନିରନ୍ତର ଉଦ୍ୟମକୁ ସ୍ୱୀକାର କରିଛି।

ସମ୍ବଲପୁର ରେଳ ମଣ୍ଡଳକୁ ସାମଗ୍ରିକ ଦକ୍ଷତା ସିଲ୍ଡ ପୁରସ୍କାର : ଏକ ମହତ୍ୱପୂର୍ଣ୍ଣ ସଫଳତାରେ, ସମ୍ବଲପୁର ରେଳ ମଣ୍ଡଳକୁ ଉଚ୍ଚମାନର କାର୍ଯ୍ୟ ଏବଂ ସେବା ବଜାୟ ରଖିବାରେ ଏହାର ଆଦର୍ଶ ପ୍ରଦର୍ଶନକୁ ସ୍ୱୀକୃତି ଦିଆଯାଇ ସାମଗ୍ରିକ ଦକ୍ଷତା ସିଲ୍ଡ ଦ୍ୱାରା ସମ୍ମାନିତ କରାଯାଇଅଛି।

ଶ୍ରେଷ୍ଠ କ୍ଲିନ୍ (ସଫାଈ) ଷ୍ଟେସନ୍ ସିଲ୍ଡସ୍: ଖୋର୍ଦ୍ଧା ରୋଡ୍ ରେଳ ମଣ୍ଡଳ ଅଧୀନରେ ଥିବା ପୁରୀ ଏବଂ ହରିଦାସପୁର ଷ୍ଟେସନକୁ ସେମାନଙ୍କର ଉଲ୍ଲେଖନୀୟ ପରିଷ୍କାର ପରିଚ୍ଛନ୍ନତା ପାଇଁ ମାନ୍ୟତା ଦିଆଯାଇ ପୁରୀ ଷ୍ଟେସନକୁ ବଡ଼ ଷ୍ଟେସନ୍ ସ୍ୱଚ୍ଛତା ସିଲ୍ଡ ଏବଂ ହରିଦାସପୁର ଷ୍ଟେସନକୁ ଛୋଟ ଷ୍ଟେସନ ସ୍ୱଚ୍ଛତା ସିଲ୍ଡ ପ୍ରଦାନ କରାଯାଇ ସମ୍ମାନିତ କରାଯାଇଅଛି।

ଏହି ଉତ୍ସବରେ ରେଳବାଇ କର୍ମଚାରୀ ମାନଙ୍କୁ ଉଦବୋଧନ ଦେଇ ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ରେଳ କର୍ମଚାରୀଙ୍କୁ ସେମାନଙ୍କର ଅତୁଳନୀୟ ପ୍ରତିବଦ୍ଧତା ଏବଂ ସେମାନଙ୍କ ଦାୟିତ୍ୱ ପୂରଣ କରିବାରେ ଅତୁଳନୀୟ ଉଦ୍ୟମ ପାଇଁ ଅଭିନନ୍ଦନ ଜଣାଇଛନ୍ତି। ଦଳଗତ କାର୍ଯ୍ୟର ଗୁରୁତ୍ୱ ଉପରେ ଶ୍ରୀ ଫୁଙ୍କୱାଲ ଗୁରୁତ୍ୱାରୋପ କରିଥିଲେ ଏବଂ କାର୍ଯ୍ୟକ୍ଷମତା ହାସଲ କରିବାରେ ନିରନ୍ତର ଉତ୍ସର୍ଗୀକୃତ ରହିବାକୁ କର୍ମଚାରୀ ମାନଙ୍କୁ ଉପଦେଶ ଦେଇଥିଲେ।

ବିଶିଷ୍ଟ ରେଳ ସେବା ପୁରସ୍କାର 2024 ସମାରୋହରେ ଅନ୍ୟ ମାନଙ୍କ ମଧ୍ୟରେ ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନ (ଇକୋରୋ) ର ସଭାପତି କବିତା ଫୁଙ୍କୱାଲ, ଅତିରିକ୍ତ ମହାପ୍ରବନ୍ଧକ ମହେଶ କୁମାର ବେହେରା, ସମସ୍ତ ବିଭାଗୀୟ ପ୍ରମୁଖ ଓ ବରିଷ୍ଠ ଅଧିକାରୀ ଓ ସମସ୍ତ ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ମାନେ ଯୋଗ ଦେଇଥିଲେ। ରେଳପଥର ବରିଷ୍ଠ ଉପ ମହାପ୍ରବନ୍ଧକ ତଥା ମୁଖ୍ୟ ସତର୍କତା ଅଧିକାରୀ ବି.କେ.ମିଶ୍ର ଅତିଥିମାନଙ୍କୁ ସ୍ୱାଗତ କରିବା ସହ ପୁରସ୍କାରର ମହତ୍ତ୍ୱ ଉପରେ ଆଲୋକପାତ କରିଥିବାବେଳେ ଉପ ମହାପ୍ରବନ୍ଧକ କେ.କେ.ଖାଡ଼ଙ୍ଗା ଏହି କାର୍ଯ୍ୟକ୍ରମକୁ ସଂଯୋଜନା କରି ଧନ୍ୟବାଦ ଅର୍ପଣ କରିଥିଲେ।

ବିଶିଷ୍ଟ ରେଳ ସେବା ପୁରସ୍କର -2024 ସମାରୋହରେ ପୂର୍ବତଟ ରେଳପଥର ଲୁକ୍କାୟିତ ପ୍ରତିଭା ମାନଙ୍କର କଠିନ ପରିଶ୍ରମ ଓ ଉତ୍ସର୍ଗୀକୃତତାର ଆନ୍ତରିକ ସ୍ୱୀକୃତି ଏବଂ ରେଳ ବ୍ୟବସ୍ଥାର ସୁଗମ ତଥା ଦକ୍ଷ କାର୍ଯ୍ୟକୁ ସୁନିଶ୍ଚିତ କରିବାରେ ସେମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ଦର୍ଶାଇଥିଲା।

ଭୁବନେଶ୍ୱର: କିଶୋର ଏବଂ କଲେଜ ଛାତ୍ରଛାତ୍ରୀ ମାନଙ୍କୁ ରେଳ ଟ୍ରାକ ନିକଟରେ ଏବଂ ରେଳ ପରିସରର ସମ୍ବେଦନଶୀଳ ଅଞ୍ଚଳରେ ସେଲଫି ନେବାର ବିପଦପୂର୍ଣ୍ଣ ଅଭ୍ୟାସ ସମ୍ବନ୍ଧରେ ସଚେତନତା କରାଇବା ପାଇଁ ପାଇଁ ପୂର୍ବତଟ ରେଳପଥ ଏକ ଅଭିଯାନ ଆରମ୍ଭ କରିଛି। ରେଳ ଟ୍ରାକ ନିକଟରେ ଛୋଟ ଭିଡିଓ ଉତ୍ତୋଳନ କରିବା ଏବଂ ସେଲଫି ନେବା ପାଇଁ ପ୍ରୟାସ କରିବା ସମୟରେ ଯୁବବର୍ଗମାନେ ଦୁର୍ଘଟଣା ଯୋଗୁଁ ଦୁଃଖଦ ଭାବରେ ପ୍ରାଣ ହରାଇବା ଘଟଣା ବୃଦ୍ଧି ପାଇଥିବାରୁ ଏହି ପଦକ୍ଷେପ ନିଆଯାଇଛି।

ରେଳ ଷ୍ଟେସନ ପରିସରରେ କିମ୍ବା ଟ୍ରାକ ନିକଟରେ ସେଲଫି ନେଇ ସୋସିଆଲ ମିଡିଆରେ ପୋଷ୍ଟ କରିବା ଏକ ମଜାଦାର କାର୍ଯ୍ୟକଳାପ ପରି ମନେହୁଏ, କିନ୍ତୁ ଏହା ଏକ ଘାତକ ବିପଦ। ସାମ୍ପ୍ରତିକ ବର୍ଷଗୁଡ଼ିକରେ, ଅନେକ ଦୁର୍ଘଟଣା ଘଟିଛି ଯେଉଁଠାରେ ଛାତ୍ର କିମ୍ବା ଯୁବକ ବର୍ଗମାନେ ଅସୁରକ୍ଷିତ ସ୍ଥାନରେ ସେଲ୍ଫି ନେଉଥିବା ସମୟରେ ଚଳନ୍ତା ଟ୍ରେନ୍ ଦ୍ୱାରା ତଳକୁ ଖସି ପଡ଼ି ପ୍ରାଣ ହରାଇବା ଓ ଗୁରୁତର ଆହତ ହେବା ଘଟଣା ଘଟୁଅଛି। ଏହି ଘଟଣାଗୁଡ଼ିକ ମଧ୍ୟରୁ ଅନେକ ଘଟଣା ଗୁଡିକର କାରଣ ଲୋକମାନେ ସେମାନଙ୍କ ଚାରିପାଖରେ ଥିବା ବିପଦଗୁଡ଼ିକ ପ୍ରତି ଧ୍ୟାନ ଦେଉ ନାହାନ୍ତି – ଯେପରିକି ଚଳନ୍ତା ଟ୍ରେନ୍, ମୁଣ୍ଡ ଉପର ବିଦ୍ୟୁତ୍ ଶକ୍ତି ଉପକରଣ ଏବଂ ଜନଗହଳିପୂର୍ଣ୍ଣ ଷ୍ଟେସନ ଅଞ୍ଚଳ।

ଏହି ବର୍ଦ୍ଧିତ ଚିନ୍ତାର ସମାଧାନ ପାଇଁ, ଭାରତୀୟ ରେଳବାଇ କଠୋର ନିୟମ ଲାଗୁ କରିଛି। ରେଳବାଇ ଆଇନର ଧାରା ୧୪୭ ଏବଂ ୧୫୩ ଅନୁଯାୟୀ, ଚଳନ୍ତା ଟ୍ରେନ୍ ନିକଟରେ କିମ୍ବା ରେଳ ଟ୍ରାକରେ ସେଲ୍ଫି ନେଉଥିବା ବ୍ୟକ୍ତିଙ୍କୁ ଭାରୀ ଜରିମାନା, ଆଇନଗତ ପରିଣାମ କିମ୍ବା ଜେଲ୍ ମଧ୍ୟ ହୋଇପାରେ। ଏଠାରେ ସ୍ମରଣ କରାଇଦିଆଯାଉଅଛି ଯେ ସୁରକ୍ଷା ସର୍ବଦା ପ୍ରଥମେ ଥାଏ ଏବଂ କୌଣସି ଫଟୋ ପାଇଁ ଆପଣଙ୍କ ଜୀବନକୁ ବିପଦରେ ପକାଇବା ମୂଲ୍ୟବାନ ନୁହେଁ।

ମନେରଖିବା ପାଇଁ ସୁରକ୍ଷା ନିର୍ଦ୍ଦେଶାବଳୀ:

ଟ୍ରାକରେ ସେଲ୍ଫି ନେବା ଉଚିତ୍ ନୁହେଁ: ରେଳ ଟ୍ରାକ ଉପରେ କିମ୍ବା ନିକଟରେ କେବେବି ସେଲ୍ଫି ନେବା ଉଚିତ୍ ନୁହେଁ। ବିପଦକୁ ଆପଣାଇବା ଠିକ ନୁହେଁ।

ଆଇନଗତ ପରିଣାମ: ବିପଦପୂର୍ଣ୍ଣ ସ୍ଥାନରେ ସେଲଫି ନେବା ଦ୍ଵାରା ଜରିମାନା କିମ୍ବା ଜେଲଦଣ୍ଡ ହୋଇପାରେ। ସେଲ୍ଫି ଚିତା କିମ୍ବା ଭିଡିଓ ଉତ୍ତୋଳନ କରିବା ପୂର୍ବରୁ ଚିନ୍ତା କରନ୍ତୁ।

ଛାତ୍ରଛାତ୍ରୀ, ବିଦ୍ୟାଳୟ ଏବଂ ଅଭିଭାବକଙ୍କ ଦ୍ୱାରା କାର୍ଯ୍ୟାନୁଷ୍ଠାନ ପାଇଁ ଆହ୍ୱାନ:

ପୂର୍ବତଟ ରେଳପଥ ଛାତ୍ରଛାତ୍ରୀ ଏବଂ କିଶୋରମାନଙ୍କୁ ସ୍ମରଣ କରୁଛି ଯେ ଆପଣଙ୍କ ଜୀବନ ଏକ ସୋସିଆଲ ମିଡିଆ ପୋଷ୍ଟ ଅପେକ୍ଷା ବହୁତ ମୂଲ୍ୟବାନ। ଆପଣଙ୍କ ସୁରକ୍ଷାକୁ ମୂଲ୍ୟ ଦେଇ ପ୍ରସିଦ୍ଧିର ଏକ କ୍ଷଣିକ ମୁହୂର୍ତ୍ତକୁ ଆସିବାକୁ ଦିଅନ୍ତୁ ନାହିଁ।

ସ୍କୁଲ ଏବଂ କଲେଜ: ପୂର୍ବତଟ ରେଳପଥ ଶିକ୍ଷାନୁଷ୍ଠାନଗୁଡ଼ିକୁ ଏହି ସମସ୍ୟା ବିଷୟରେ ସଚେତନତା ସୃଷ୍ଟି କରିବାକୁ ଉତ୍ସାହିତ କରୁଛି। ରେଳ ଷ୍ଟେସନ ପରିସର ଏବଂ ରେଳ ଟ୍ରାକ ଭଳି ଭିଡ଼ ସ୍ଥାନରେ ସେଲଫି ନେବାର ପ୍ରକୃତ ବିପଦକୁ ଛାତ୍ରଛାତ୍ରୀମାନଙ୍କୁ ବୁଝିବାରେ ସାହାଯ୍ୟ କରିବା ପାଇଁ ସଚେତନତା କାର୍ଯ୍ୟକ୍ରମ, କର୍ମଶାଳା କିମ୍ବା ଆଲୋଚନା ଆୟୋଜନ କରି ସେମାନଙ୍କୁ ସଚେତନତା କରାଇବା ପାଇଁ ପଦକ୍ଷେପ ଗ୍ରହଣ କରନ୍ତୁ।

ପିତାମାତାଙ୍କୁ ମଧ୍ୟ ଏହି ବିପଦ ବିଷୟରେ ସେମାନଙ୍କ ପିଲାମାନଙ୍କୁ ପରାମର୍ଶ ଦେବାକୁ ଅନୁରୋଧ କରାଯାଉଛି। ସେମାନଙ୍କୁ ଅନଲାଇନରେ ବୁଦ୍ଧିମାନ ନିଷ୍ପତ୍ତି ନେବାରେ ସାହାଯ୍ୟ କରନ୍ତୁ ଏବଂ ସାର୍ବଜନୀନ ସ୍ଥାନରେ ବାହାରକୁ ଯିବା ସମୟରେ ସୁରକ୍ଷା ନିର୍ଦ୍ଦେଶାବଳୀ ପାଳନ କରିବାର ଗୁରୁତ୍ୱ ସମ୍ବନ୍ଧରେ ଶିଖାନ୍ତୁ।

ଏହି ବାର୍ତ୍ତାକୁ ଯଥାସମ୍ଭବ ଅଧିକ ଲୋକଙ୍କ ପାଖରେ ପହଞ୍ଚାଇବା ପାଇଁ ପୂର୍ବତଟ ରେଳପଥ ବିଭିନ୍ନ ପ୍ଲାଟଫର୍ମ ଯେପରିକି ଖବରକାଗଜ ବିଜ୍ଞାପନ, ଟିଭି ସ୍ପଟ୍, ସାର୍ବଜନୀନ ଘୋଷଣା ଏବଂ ସାମାଜିକ ଗଣମାଧ୍ୟମ ଅଭିଯାନ ବ୍ୟବହାର କରୁଛି। ଏହି ପ୍ରୟାସଗୁଡ଼ିକ ସମସ୍ତଙ୍କୁ, ବିଶେଷକରି କିଶୋରମାନଙ୍କୁ ସ୍ମରଣ କରାଇବା ପାଇଁ ପଦକ୍ଷେପ ଗ୍ରହଣ କରାଯାଇଛି ଯେ ରେଳ ଟ୍ରାକ ଉପରେ କିମ୍ବା ନିକଟରେ ସେଲଫି ନେଇ କେବେବି ବିପଦକୁ ଡାକନ୍ତୁ ନାହିଁ।

ସୁରକ୍ଷା ଆପଣଙ୍କଠାରୁ ଆରମ୍ଭ ହୁଏ: ରେଳ ଷ୍ଟେସନଗୁଡ଼ିକ ଭିଡ଼ ସ୍ଥାନ। ଦ୍ରୁତ ଗତିରେ ଯାଉଥିବା ଟ୍ରେନ୍, ବୈଦ୍ୟୁତିକ ଉପକରଣ ଏବଂ ଯାତ୍ରୀଙ୍କ ନିରନ୍ତର ଗହଳି ଯୋଗୁଁ, ବିଚଳିତ ହେବା ଅସ୍ୱାଭାବିକ ନୁହେଁ। ଜନସାଧାରଣଙ୍କୁ ନିରାପଦ ନିଷ୍ପତ୍ତି ନେବାକୁ ନିବେଦନ କରାଯାଉଛି।

“ମନେରଖିବା ଉଚିତ ଯେ ସୋସିଆଲ ମିଡିଆରେ ଆପଣମାନଙ୍କର ପ୍ରସିଦ୍ଧିର ମୁହୂର୍ତ୍ତ ଆପଣଙ୍କର କିମ୍ବା ଅନ୍ୟ କାହାର ଜୀବନର ମୂଲ୍ୟରେ ଆସିବା ଉଚିତ୍ ନୁହେଁ”। ଏହି ନିର୍ଦ୍ଦେଶାବଳୀ ପାଳନ କରି ନିଜକୁ ଏବଂ ଅନ୍ୟମାନଙ୍କ ପାଇଁ ସୁରକ୍ଷିତ ରଖନ୍ତୁ ଏବଂ ରେଳ ପରିସରରେ ସେଲଫି ଅପେକ୍ଷା ସର୍ବଦା ସୁରକ୍ଷାକୁ ବାଛି ନିଅନ୍ତୁ।

ରେଳବାଇ ଆଇନର ଧାରା 147 ଏବଂ 153 ଅନୁଯାୟୀ ଉଲ୍ଲଂଘନକାରୀଙ୍କ ବିରୁଦ୍ଧରେ ମାମଲା ରୁଜୁ କରାଯାଇପାରିବ ଯାହା ଅନଧିକାର ପ୍ରବେଶ ଏବଂ ଜନଜୀବନ ପ୍ରତି ବିପଦ ସୃଷ୍ଟି କରିବା ସହିତ ଜଡିତ।

ଭୁବନେଶ୍ୱର: ପୂର୍ବତଟ ରେଳପଥ ପକ୍ଷରୁ ଭୁବନେଶ୍ୱରସ୍ଥ ରେଳବାଇ ଷ୍ଟାଡିୟମ ଠାରେ 76 ତମ ଗଣତନ୍ତ୍ର ଦିବସ ପାଳନ କରାଯାଇଥିଲା ଯେଉଁଠାରେ ରେଳପଥର ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ ଜାତୀୟ ପତାକା ଉତ୍ତୋଳନ କରି ଆୟୋଜିତ ପ୍ୟାରେଡ଼ରେ ଅଭିବାଦନ ଗ୍ରହଣ କରିବା ସହିତ ରେଳବାଇର ସମସ୍ତ କର୍ମଚାରୀଙ୍କୁ ଶୁଭେଚ୍ଛା ଜଣାଇଥିଲେ। ଏହି ଅବସରରେ ସେ କହିଛନ୍ତି ଯେ ଗଣତନ୍ତ୍ର ଦିବସ ହେଉଛି ଦେଶର ସେବା, ସମ୍ବିଧାନରେ ଦର୍ଶାଯାଇଥିବା ମୂଲ୍ୟବୋଧକୁ ବଞ୍ଚାଇ ରଖିବା ଏବଂ ଦେଶରେ ଶାନ୍ତି, ସୌହାର୍ଦ୍ଦ୍ୟ ଏବଂ ଗଣତାନ୍ତ୍ରିକ ନୀତି ପ୍ରତି ଆମର ପ୍ରତିବଦ୍ଧତାକୁ ସୁନିଶ୍ଚିତ କରିବାର ଏକ ସମୟ।

ଏହି ମହତ୍ୱପୂର୍ଣ୍ଣ ଅବସରରେ ମହାପ୍ରବନ୍ଧକ ଚଳିତ ଆର୍ଥିକ ବର୍ଷରେ ରେଳପଥ ଦ୍ୱାରା ପ୍ରମୁଖ ସଫଳତା ସମ୍ବନ୍ଧରେ ସୂଚନା ଦେଇ ରେଳ କାର୍ଯ୍ୟ, ଭିତ୍ତିଭୂମି ବିକାଶ ଏବଂ ଯାତ୍ରୀ ସେବାରେ ଉଲ୍ଲେଖନୀୟ ମାଇଲଖୁଣ୍ଟକୁ ପ୍ରତି ଆଲୋକପାତ କରିଥିଲେ। ପୂର୍ବତଟ ରେଳପଥ ସଫଳତାର ସହିତ 200 ନିୟୁତ ଟନରୁ ଅଧିକ ଐତିହାସିକ ପଣ୍ୟ ବୋଝେଇ ମାଇଲଖୁଣ୍ଟ ହାସଲ କରିଛି ଯାହାକି ସମସ୍ତ ରେଳ ଜୋନ୍ ମଧ୍ୟରେ ସର୍ବୋଚ୍ଚ ଏବଂ ଏହା ପୂର୍ବ ବର୍ଷ ତୁଳନାରେ, ପାଞ୍ଚ ଦିନ ପୂର୍ବରୁ ରେକର୍ଡ 290 ଦିନରେ ଏହି ସଫଳତା ହାସଲ କରିଛି।

ଯାତ୍ରୀଙ୍କ କଲ୍ୟାଣ ଏବଂ ନିରାପତ୍ତାକୁ ପୂର୍ବତଟ ରେଳପଥ ପ୍ରାଥମିକତା ଦେଇ ଚାଲିଛି। ଚଳିତ ବର୍ଷ, 12 କୁମ୍ଭମେଳା ବିଶେଷ ଟ୍ରେନ ସମେତ 1,781 ଟି ସ୍ୱତନ୍ତ୍ର ଟ୍ରେନ୍ ଚଳାଚଳ କରାଯାଇଅଛି। ଏହା ସହିତ, ଯାତ୍ରୀ ଭିଡ଼ ଋତୁକାଳୀନ ଚାହିଦା ପୂରଣ କରିବା ପାଇଁ ନିୟମିତ ଟ୍ରେନରେ 4,545 କୋଚ୍ ସଂଯୋଗ କରାଯାଇଛି। ଯାତ୍ରୀଙ୍କ ଆରାମ ଦାୟକ ଯାତ୍ରା ଏବଂ ନିରାପତ୍ତାକୁ ଉନ୍ନତ କରି ଆଧୁନିକ LHB ରେକ୍ ସହିତ ଛଅ ଯୋଡ଼ା ଟ୍ରେନ୍ ପ୍ରଚଳନ କରାଯାଇଅଛି। 2024 ରଥ ଯାତ୍ରା ସମୟରେ, ପୂର୍ବତଟ ରେଳପଥ କର୍ମଚାରୀ, ବିଶେଷକରି ଖୋର୍ଦ୍ଧା ରୋଡ୍ ଡିଭିଜନରୁ 321 ଟି ସ୍ୱତନ୍ତ୍ର ଟ୍ରେନ୍ ଚଳାଚଳ କରାଯାଇ ପ୍ରାୟ 15 ଲକ୍ଷ ଭକ୍ତଙ୍କୁ ଯାତ୍ରା ସେବା ପ୍ରଦାନ କରି ଅତୁଳନୀୟ ସେବା ପ୍ରଦାନ କରାଯାଇଥିଲା।

ଭିତ୍ତିଭୂମି ବିକାଶରେ ପୂର୍ବତଟ ରେଳପଥ ଉଲ୍ଲେଖନୀୟ ଅଗ୍ରଗତି ହସ କରିଛି। ଚଳିତ ଆର୍ଥିକ ବର୍ଷରେ ପୂର୍ବତଟ ରେଳପଥ 276 କିଲୋମିଟର ନୂତନ ଲାଇନ, ଦୋହରୀକରଣ ଏବଂ ମଲ୍ଟି ଟ୍ରାକିଂ କାର୍ଯ୍ୟ ସମାପ୍ତ କରିଛି। ଉଲ୍ଲେଖନୀୟ ପ୍ରକଳ୍ପଗୁଡ଼ିକରେ ଖୋର୍ଦ୍ଧା ରୋଡ୍-ବଲାଙ୍ଗୀର ନୂତନ ରେଳ ଲାଇନ ଏବଂ ବିଭିନ୍ନ ବିଦ୍ୟୁତିକରଣ ପଦକ୍ଷେପ ଅନ୍ତର୍ଭୁକ୍ତ। ଏହି ଜୋନ୍ ଟନେଲିଂ କାର୍ଯ୍ୟ ସହିତ ଅନେକ ଯାତ୍ରୀ କୈନ୍ଦ୍ରିକ ତଥା ବରଗଡ଼ ରୋଡ୍-ନୁଆପଡା ରୋଡ୍ ନୂତନ ଲାଇନ ଏବଂ ସଡ଼କ ଓଭର ବ୍ରିଜ୍ ନିର୍ମାଣ ସମେତ ଅନେକ ସାର୍ବଜନୀନ କେନ୍ଦ୍ର ପ୍ରକଳ୍ପର କାର୍ଯ୍ୟ ମଧ୍ୟ ସମ୍ପାଦନ କରିବାରେ ସଫଳ ହୋଇଛି।

ନିରାପଦ ଏବଂ ଦକ୍ଷ ଟ୍ରେନ୍ ଚଳାଚଳ କାର୍ଯ୍ୟକୁ ସୁନିଶ୍ଚିତ କରିବା ପାଇଁ ଗୁରୁତ୍ୱପୂର୍ଣ୍ଣ ଉନ୍ନତି ମୂଳକ କାର୍ଯ୍ୟ ସହିତ ପୂର୍ବତଟ ରେଳପଥ ପାଇଁ ସୁରକ୍ଷା ଏକ ପ୍ରାଥମିକତା ଅଟେ। ନୂତନ ଇଲେକ୍ଟ୍ରୋନିକ୍ ଇଣ୍ଟରଲକିଂ ପ୍ରଣାଳୀର କାର୍ଯ୍ୟକ୍ଷମ, ହଟ୍ ଆକ୍ସଲ୍ ବକ୍ସ ଡିଟେକ୍ଟରଗୁଡ଼ିକର ସଂସ୍ଥାପନ ଏବଂ ଏକ ଫୁଲ୍ ସ୍କେଲ୍ ମିଳିତ ବିପର୍ଯ୍ୟୟ ପରିଚାଳନା ଅଭ୍ୟାସର ସଫଳ ସମାପ୍ତି ହେଉଛି ପ୍ରମୁଖ ସଫଳତା। ଏଥିସହ, ପୂର୍ବତଟ ରେଳପଥ 170 ରୋଡ୍ ଓଭର ବ୍ରିଜ୍ (ROBs) ନିର୍ମାଣ ଘୋଷଣା କରିଛି ଯେଉଁଥିରେ ପାଞ୍ଚଟି ROB ଏବଂ ତିନୋଟି ଫୁଟ୍ ଓଭର ବ୍ରିଜ୍ (FOB) ଏହି ଆର୍ଥିକ ବର୍ଷରେ ସମାପ୍ତ ହୋଇଛି। ଏହି ରେଳପଥ ମଧ୍ୟ 18 ମାନବ ସ୍ତରୀୟ ଲେଭଲ କ୍ରସିଂକୁ ହଟାଇଲା ଏବଂ ସମାନ ଅବଧିରେ 20 ଟି ଉପାମାର୍ଗ / ROB ଏବଂ 75 ରେଲୱେ ଅଣ୍ଡର ବ୍ରିଜ୍ (RUBs) କୁ କାର୍ଯ୍ୟକ୍ଷମ କରିଛି। ଅଧିକନ୍ତୁ, ରେଳ ନବୀକରଣ ମାଧ୍ୟମରେ 225 କିଲୋମିଟର ଏବଂ ସ୍ଲିପର ନବୀକରଣ ମାଧ୍ୟମରେ 351 କିଲୋମିଟର କାର୍ଯ୍ୟ ମଧ୍ୟ ସମାପ୍ତ ହୋଇଛି।

ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ସମସ୍ତ ଐତିହାସିକ ମାଇଲଖୁଣ୍ଟ ହାସଲ କରିବାରେ ଅଦମ୍ୟ ନିଷ୍ଠା, କଠିନ ପରିଶ୍ରମ ଏବଂ ପ୍ରତିବଦ୍ଧତା ପାଇଁ ସମସ୍ତ ରେଳ କର୍ମଚାରୀ ଏବଂ ସେମାନଙ୍କ ପରିବାରକୁ ଅଭିନନ୍ଦନ ଜଣାଇ ଗଣତନ୍ତ୍ର ଦିବସ ପାଳନ କରିଛନ୍ତି। ପୂର୍ବତଟ ରେଳପଥ ଏହି ଗଣତନ୍ତ୍ର ଦିବସରେ, ରେଳ ସେବା, ନିରାପତ୍ତା ଏବଂ ଭିତ୍ତିଭୂମି ବିକାଶରେ ଉତ୍କର୍ଷତା ପାଇଁ ଜାରି ରହିଥିବା ପ୍ରତିବଦ୍ଧତାକୁ ସୁନିଶ୍ଚିତ କରି ଦେଶର ପ୍ରଗତିରେ ଅବଦାନ ଜାରି ରଖିଛି।

ଏହି କାର୍ଯ୍ୟକ୍ରମରେ ଅତିରିକ୍ତ ମହାପ୍ରବନ୍ଧକ ମହେଶ କୁମାର ବେହେରାଙ୍କ ସହିତ ସମସ୍ତ ପ୍ରମୁଖ ବିଭାଗୀୟ ଅଧିକାରୀ, ବରିଷ୍ଠ ଅଧିକାରୀଗଣ ତଥା କର୍ମଚାରୀ ଏବଂ ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନ (ଇକୋରୋ) ସଭାପତି କବିତା ଫୁଙ୍କୱାଲଙ୍କ ନେତୃତ୍ୱରେ ସଂଗଠନର ସମସ୍ତ ସଦସ୍ୟାଗଣ ଉପସ୍ଥିତ ଥିଲେ। ଏହି ଉତ୍ସବକୁ ସ୍ମରଣୀୟ କରିବା ପାଇଁ ଭାରତ ସ୍କାଉଟ୍ସ ଆଣ୍ଡ ଗାଇଡ୍ସ ସ୍ବେଛାସେବୀ ମାନଙ୍କ ସହ ସ୍କୁଲ ପିଲାମାନଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।

ଭୁବନେଶ୍ୱର: ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ବର ଫୁଙ୍କୱାଲ ମହାସମୁନ୍ଦ-ଟିଟିଲାଗଡ଼ ରେଳ ସେକ୍ସନକୁ ବିସ୍ତୃତ ଭାବେ ନୀରିକ୍ଷଣ କରିଛନ୍ତି। ଏହି ନୀରିକ୍ଷଣ ସମୟରେ ରେଳ ସେକ୍ସନର ବିଭିନ୍ନ ଷ୍ଟେସନରେ ନିରାପତ୍ତା ବ୍ୟବସ୍ଥା, ଟ୍ରାଫିକ୍ ସୁବିଧା, ଯାତ୍ରୀଙ୍କ ସୁବିଧା ଏବଂ ଚାଲୁରହିଥିବା ଭିତ୍ତିଭୂମି କାର୍ଯ୍ୟ ଉପରେ ସମୀକ୍ଷା କରାଯାଇଥିଲା।

ନୀରିକ୍ଷଣ ସମୟରେ ଶ୍ରୀ ଫୁଙ୍କୱାଲ ମହାସମୁନ୍ଦ, କୋମାଖାନ, ଲଖନା, ଖରିଆର ରୋଡ, କଣ୍ଟାବାଞ୍ଜୀ ଏବଂ ଟିଟିଲାଗଡ ସମେତ ବିଭିନ୍ନ ଷ୍ଟେସନରେ ଟ୍ରାଫିକ ସୁବିଧା କାର୍ଯ୍ୟ, ଯାତ୍ରୀଙ୍କ ସୁବିଧା ତଥା ଭିତ୍ତିଭୂମି ବିକାଶ ପ୍ରକଳ୍ପର ପୁଙ୍ଖାନୁପୁଙ୍ଖ ସମୀକ୍ଷା କରିଥିଲେ। ମହାପ୍ରବନ୍ଧକ ମଧ୍ୟ ନିରାପଦ ଏବଂ ସୁଗମ ଟ୍ରେନ୍ ଚଳାଚଳ କାର୍ଯ୍ୟ ସୁନିଶ୍ଚିତ କରିବା ଉପରେ ଗୁରୁତ୍ୱାରୋପ କରିଥିଲେ ଏବଂ ଆବଶ୍ୟକୀୟ ସତର୍କତା ଅବଲମ୍ବନ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ।

ଯାତ୍ରୀ ସୁବିଧା ବୃଦ୍ଧି ପାଇଁ ଲକ୍ଷ୍ୟ ରଖାଯାଇଥିବା ଅନେକ ଭିତ୍ତିଭୂମି ପ୍ରକଳ୍ପର ଅଗ୍ରଗତି ଉପରେ ମଧ୍ୟ ଶ୍ରୀ ଫୁଙ୍କୱାଲ ସମୀକ୍ଷା କରିଛନ୍ତି। ଏଥିମଧ୍ୟରେ ପାର୍କିଂ କ୍ଷେତ୍ରରେ ଉନ୍ନତି, ସର୍କୁଲାର ବା ଚଳପ୍ରଚଳ କ୍ଷେତ୍ର ଏବଂ ଷ୍ଟେସନରେ ଲ୍ୟାଣ୍ଡସ୍କେପ୍ ଅନ୍ତର୍ଭୁକ୍ତ। ମହାପ୍ରବନ୍ଧକ ବିଶେଷ ଭାବରେ ଅମୃତ ଷ୍ଟେସନ ଯୋଜନା ଅଧୀନରେ ଷ୍ଟେସନ ପୁନର୍ବିକାଶ କାର୍ଯ୍ୟର ଅଗ୍ରଗତି ଉପରେ ଧ୍ୟାନ ଦେଇଥିଲେ, ଯାହା ନେଟୱାର୍କରେ ଯାତ୍ରୀଙ୍କ ଅଭିଜ୍ଞତାକୁ ବୃଦ୍ଧି କରାଇବା ପାଇଁ ଲକ୍ଷ୍ୟ ରଖିଛି।

ମହାପ୍ରବନ୍ଧକ ମଧ୍ୟ ଗୁରୁତ୍ୱପୂର୍ଣ୍ଣ ପ୍ରକଳ୍ପଗୁଡିକର ଠିକ୍ ସମୟରେ ସମାପ୍ତ ହେବା ଉପରେ ଗୁରୁତ୍ୱାରୋପ କରି ଯାତ୍ରୀମାନଙ୍କ ପାଇଁ ସାମଗ୍ରିକ ସେବା ଗୁଣରେ ଉନ୍ନତି ଆଣିବାରେ ସେମାନଙ୍କର ମହତ୍ୱକୁ ଦର୍ଶାଇଛନ୍ତି।

ମହାପ୍ରବନ୍ଧକଙ୍କ ନୀରିକ୍ଷଣ ସମୟରେ ସମ୍ବଲପୁର ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ତୁଷାର କାନ୍ତ ପାଣ୍ଡେ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ଏବଂ ପ୍ରକଳ୍ପ ସମୟସୀମା ଏବଂ ନିରାପତ୍ତା ଓ ସୁରକ୍ଷା ବ୍ୟବସ୍ଥା ଉପରେ ଆଲୋଚନାରେ ସହଯୋଗ କରିଥିଲେ।

ଏହି ନିରାପତ୍ତା ଜନିତ ନିରୀକ୍ଷଣ ପୂର୍ବତଟ ରେଳପଥର ସୁବିଧାଗୁଡ଼ିକର ନବୀକରଣ ଏବଂ ଏହାର ନେଟୱାର୍କରେ କାର୍ଯ୍ୟକ୍ଷମ ଦକ୍ଷତା ବୃଦ୍ଧି ପାଇଁ ଚାଲିଥିବା ପ୍ରୟାସର ଏକ ଅଂଶ।

ଭୁବନେଶ୍ୱର: ଯୋଗାଯୋଗ ବୃଦ୍ଧି ଏବଂ ସ୍ଥାନୀୟ ଚାହିଦା ପୂରଣ କରିବା ଲକ୍ଷ୍ୟରେ ଏକ ଗୁରୁତ୍ୱପୂର୍ଣ୍ଣ ବିକାଶରେ, ଭାରତୀୟ ରେଳବାଇ ଖୋର୍ଦ୍ଧା ରୋଡ୍-ବଲାଙ୍ଗିର ରେଳ ଲାଇନରେ ଅବସ୍ଥିତ ସାନପଦର ଠାରେ ଏକ ନୂତନ ପାସେଞ୍ଜର ହଲ୍ଟ ଶୁଭାରମ୍ଭ କରିଛି। ଏହି ନୂତନ ପାସେଞ୍ଜର ହଲ୍ଟ ଅଞ୍ଚଳର ବର୍ଦ୍ଧିତ ପରିବହନ ଆବଶ୍ୟକତା ପୂରଣ କରିବ ଏବଂ ସ୍ଥାନୀୟ ଯାତ୍ରୀମାନଙ୍କ ପାଇଁ ସୁଗମତାକୁ ଉନ୍ନତ କରିବ।

ଗତବର୍ଷ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଦଶପଲ୍ଲା ଗସ୍ତ ସମୟରେ ସାଧାରଣ ଲୋକଙ୍କ ଅନୁରୋଧ ପରେ ସାନପଦର ପାସେଞ୍ଜର ହଲ୍ଟ ଖୋଲିବା ନିଷ୍ପତ୍ତି ନିଆଯାଇଥିଲା। ରେଳ ମନ୍ତ୍ରୀ ସ୍ଥାନୀୟ ଲୋକଙ୍କଠାରୁ ଉତ୍ତମ ରେଳ ସଂଯୋଗ ପାଇଁ ଦାବିକୁ ସ୍ୱୀକାର କରିଥିଲେ ଏବଂ ସେମାନଙ୍କୁ ପ୍ରତିଶ୍ରୁତି ଦେଇଥିଲେ ଯେ ସାନପଦରରେ ପାସେଞ୍ଜର ହଲ୍ଟ ପ୍ରତିଷ୍ଠା କରାଯିବ। ଏହି ଶୁଭାରମ୍ଭ ସହିତ, ଶ୍ରୀ ବୈଷ୍ଣବ ପୁଣି ଥରେ ଏହି ଅଞ୍ଚଳରେ ରେଳ ଭିତ୍ତିଭୂମିର ଉନ୍ନତି ପାଇଁ ତାଙ୍କର ପ୍ରତିବଦ୍ଧତା ପୂରଣ କରିଛନ୍ତି।

ଯାତ୍ରୀମାନଙ୍କ ଆରାମଦାୟକ ଏବଂ ସୁବିଧାଜନକ ଅନୁଭୂତି ସୁନିଶ୍ଚିତ କରିବା ପାଇଁ ସାନପଦର ପାସେଞ୍ଜର ହଲ୍ଟ ଆଧୁନିକ ସୁବିଧା ସହିତ ସଜ୍ଜିତ: ପାସେଞ୍ଜର ହଲ୍ଟ ଟି 55 ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଛି ଏବଂ ଏହାର ପ୍ଲାଟଫର୍ମ 450 ମିଟର ରହିଛି। ପାସେଞ୍ଜର ହଲ୍ଟରେ ଯୋଗାଇ ଦିଆଯାଇଥିବା ସୁବିଧାଗୁଡ଼ିକ ମଧ୍ୟରେ ଛଅଟି ଛୋଟ ଯାତ୍ରୀ ଆଶ୍ରୟସ୍ଥଳ; ପ୍ଲାଟଫର୍ମରେ 30 ଜଣ ଯାତ୍ରୀ ଏବଂ ଅପେକ୍ଷା କକ୍ଷରେ 13 ଜଣ ଯାତ୍ରୀଙ୍କ ବସିବା ପାଇଁ ଛଅଟି ବେଞ୍ଚ ମଧ୍ୟ ବ୍ୟବସ୍ଥା କରାଯାଇଅଛି। ଏହା ବ୍ୟତୀତ, ରାତ୍ରି ସମୟରେ ଯାତ୍ରା ସମୟରେ ଦୃଶ୍ୟମାନତା ଏବଂ ସୁରକ୍ଷା ସୁନିଶ୍ଚିତ କରିବା ପାଇଁ 22ଟି ଲାଇଟ ପୋଷ୍ଟ, ପାଣି ଆବଶ୍ୟକତା ପାଇଁ 1ଟି ହାତ ନଳକୂପ, 1ଟି ବୁକିଂ କାଉଣ୍ଟର, ଅପେକ୍ଷା କକ୍ଷରେ ପୁରୁଷ ଏବଂ ମହିଳାମାନଙ୍କ ପାଇଁ ପୃଥକ ଶୌଚାଳୟ ଯୋଗାଇ ଦିଆଯାଇଛି।

ସାନପଦର ଠାରେ ଚାରି ଯୋଡ଼ା ଟ୍ରେନ ରହଣି କରିବ:

ସ୍ଥାନୀୟ ଯାତ୍ରୀଙ୍କ ସୁଗମତାକୁ ଉନ୍ନତ କରିବା ପାଇଁ ପଦକ୍ଷେପର ଏକ ଅଂଶ ଭାବରେ, ପୂର୍ବତଟ ରେଳପଥ ଘୋଷଣା କରିଛି ଯେ ଗୋଟିଏ ଏକ୍ସପ୍ରେସ ଟ୍ରେନ ସମେତ ଚାରି ଯୋଡ଼ା ଟ୍ରେନ 20 ଜାନୁଆରୀ 2025 ଠାରୁ ସାନପଦର ଠାରେ ରହଣି କରିବ। ନୂତନ ଷ୍ଟେସନରେ ଅଟକିବା ପାଇଁ ନିର୍ଦ୍ଧାରିତ ଟ୍ରେନଗୁଡ଼ିକ ଏହିପରି:

18423/18424 ଭୁବନେଶ୍ୱର-ଦଶପଲ୍ଲା-ଭୁବନେଶ୍ୱର ଏକ୍ସପ୍ରେସ:

ଭୁବନେଶ୍ୱର ରୁ ଛାଡୁଥିବା ଟ୍ରେନ ସାନପଦରରେ ସନ୍ଧ୍ୟା 7ଘ.48ମି.ରେ ପହଞ୍ଚି ସନ୍ଧ୍ୟା 7ଘ.50ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ।

ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ୍ ସାନପଦରରେ ସକାଳ 7ଘ.22ମି.ରେ ପହଞ୍ଚି ସକାଳ 7ଘ.23ମି.ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ।

ଏକ୍ସପ୍ରେସ୍ ସେବା ବ୍ୟତୀତ, ତିନୋଟି ଲୋକାଲ ମେମୁ (ମେନ୍ଲାଇନ୍ ଇଲେକ୍ଟ୍ରିକାଲ୍ ମଲ୍ଟିପୁଲ ୟୁନିଟ୍) ଟ୍ରେନ୍ ସାନପଦରରେ ମଧ୍ୟ ରହଣି କରିବ, ଯାହା ସ୍ଥାନୀୟ ଟ୍ରେନ୍ ସଂଯୋଗକୁ ବୃଦ୍ଧି କରିବ:

ଭୁବନେଶ୍ୱର-ଦଶପଲ୍ଲା-ଭୁବନେଶ୍ୱର ମେମୁ

ଭୁବନେଶ୍ୱର ରୁ ଛାଡୁଥିବା ଟ୍ରେନ୍ ସାନପଦରରେ ପୂର୍ବାହ୍ନ 10ଘ.52ମି.ରେ ପହଞ୍ଚି ପୂର୍ବାହ୍ନ 10ଘ.53ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ।

ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ୍ ସାନପଦରରେ ସନ୍ଧ୍ୟା 5ଘ.04ମି.ରେ ପହଞ୍ଚି ସନ୍ଧ୍ୟା 5ଘ.05ମି.ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ।

ଭଦ୍ରକ-ଦଶପଲ୍ଲା-ଭଦ୍ରକ ମେମୁ

ଭଦ୍ରକରୁ ଛାଡୁଥିବା ଟ୍ରେନ୍ ସାନପଦରରେ ପୂର୍ବାହ୍ନ 09ଘ.53ମି.ରେ ପହଞ୍ଚି ପୂର୍ବାହ୍ନ 09ଘ.54ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ।

ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ୍ ସାନପଦରରେ ସନ୍ଧ୍ୟା 5ଘ.44ମି.ରେ ପହଞ୍ଚି ସନ୍ଧ୍ୟା 5ଘ.45ମି.ରେ ଭଦ୍ରକ ଅଭିମୁଖେ ଯାତ୍ରା କରିବ।

ପୁରୀ-ଦଶପଲ୍ଲା-ପୁରୀ ମେମୁ

ପୁରୀରୁ ଛାଡୁଥିବା ଟ୍ରେନ୍ ସାନପଦରରେ ସନ୍ଧ୍ୟା 08ଘ.15ମି.ରେ ପହଞ୍ଚି ସନ୍ଧ୍ୟା 08ଘ.16ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ।

ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ ସାନପଦରରେ ସକାଳ 7ଘ.43ମି.ରେ ପହଞ୍ଚି ସକାଳ 7ଘ.44ମି.ରେ ପୁରୀ ଅଭିମୁଖେ ଯାତ୍ରା କରିବ।

ବୋଲାଗଡ଼ ଟାଉନରେ ଉନ୍ନତ ସଂଯୋଗ

ସାନପଦର ହଲ୍ଟ ବ୍ୟତୀତ, ଭୁବନେଶ୍ୱର-ଦଶପଲ୍ଲା-ଭୁବନେଶ୍ୱର ଏକ୍ସପ୍ରେସ ମଧ୍ୟ 20 ଜାନୁଆରୀ, 2025 ଠାରୁ ବୋଲାଗଡ଼ ଟାଉନ ପାସେଞ୍ଜର ହଲ୍ଟରେ ରହଣି ଆରମ୍ଭ କରିବ।  ଭୁବନେଶ୍ୱର ରୁ ଛାଡୁଥିବା ଟ୍ରେନ ବୋଲଗଡ଼ ଟାଉନ ଠାରେ ସନ୍ଧ୍ୟା 08ଘ.03ମି.ରେ ପହଞ୍ଚି ସନ୍ଧ୍ୟା 08ଘ.04ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ। ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ ବୋଲଗଡ଼ ଟାଉନ ଠାରେ ସକାଳ 7ଘ.08ମି.ରେ ପହଞ୍ଚି ସକାଳ 7ଘ.09ମି.ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ।

ସ୍ଥାନୀୟ ରେଳ ବିକାଶରେ ଏକ ମାଇଲଖୁଣ୍ଟ

ସାନପଦର ପାସେଞ୍ଜର ହଲ୍ଟ ଖୋଲିବା ସ୍ଥାନୀୟ ଜାଣସମୂଦାୟର ପରିବହନ ଆବଶ୍ୟକତା ପୂରଣ କରିବା ଦିଗରେ ଏକ ପ୍ରମୁଖ ପଦକ୍ଷେପ ଭାବରେ ଦେଖାଯାଉଛି। ସ୍ଥାନୀୟ ଜନପ୍ରତିନିଧିମାନେ, ରେଳ କର୍ତ୍ତୃପକ୍ଷଙ୍କ ସହ, ଏହି ଦୀର୍ଘ ପ୍ରତୀକ୍ଷିତ ବିକାଶକୁ ସୁନିଶ୍ଚିତ କରିବା ପାଇଁ କଠିନ ପରିଶ୍ରମ କରିଛନ୍ତି। ଏହି ପଦକ୍ଷେପ ଆଖପାଖ ଅଞ୍ଚଳର ଅଧିବାସୀ ମାନଙ୍କ ପାଇଁ ଉତ୍ତମ ସଂଯୋଗ ପ୍ରଦାନ କରିବ ବୋଲି ଆଶା କରାଯାଉଛି, ଯାହା ଯାତାୟାତକୁ ସହଜ ଏବଂ ସୁବିଧାଜନକ କରିବ।

ରେଳବାଇ ଯାତ୍ରୀ ସୁବିଧା ବୃଦ୍ଧି କରିବା ପାଇଁ ପ୍ରତିବଦ୍ଧ ଏବଂ ଏହି ପଦକ୍ଷେପ ଜନସାଧାରଣଙ୍କ ଚାହିଦାକୁ କିପରି ତୁରନ୍ତ ସମାଧାନ କରାଯାଉଛି ତାହାର ଆଉ ଏକ ଉଦାହରଣ। ପୂର୍ବତଟ ରେଳପଥ ଦକ୍ଷ ଏବଂ ନିରାପଦ ସେବା ପ୍ରଦାନ କରିବା, ଆର୍ଥିକ ଅଭିବୃଦ୍ଧିକୁ ପ୍ରୋତ୍ସାହିତ କରିବା ଏବଂ ଜନସାଧାରଣଙ୍କ ପାଇଁ ପରିବହନ ସୁବିଧା ଉନ୍ନତ କରିବା ପାଇଁ ସମର୍ପିତ।

ଭୁବନେଶ୍ୱର: ଭାରତୀୟ ରେଳର ଜଣେ ଦକ୍ଷ ଅଧିକାରୀ ଅମିତାଭ ସିଂଘଲ ପୂର୍ବତଟ ରେଳପଥ ଅଧୀନରେ ନୂତନ ଭାବରେ ପ୍ରତିଷ୍ଠିତ ରାୟଗଡା ରେଳ ମଣ୍ଡଳର ପ୍ରଥମ ମଣ୍ଡଳ ରେଳବାଇ ପ୍ରବନ୍ଧକ (ଡିଆରଏମ) ଭାବରେ ଆନୁଷ୍ଠାନିକ ଭାବରେ ଯୋଗ ଦେଇଛନ୍ତି। ଏହି ନିଯୁକ୍ତି ନୂତନ ଡିଭିଜନକୁ କାର୍ଯ୍ୟକ୍ଷମ କରିବା ଏବଂ ଏହି ଅଞ୍ଚଳରେ ଭିତ୍ତିଭୂମି ବିକାଶକୁ ଆଗକୁ ବଢ଼ାଇବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ।

ରାୟଗଡା ରେଳ ମଣ୍ଡଳର ଗଠନ ହେଉଛି ଓଡ଼ିଶାର ବିଶେଷକରି ଦକ୍ଷିଣ ଜିଲ୍ଲାଗୁଡ଼ିକରେ ରେଳ ନେଟୱର୍କର ବିକାଶକୁ ତ୍ୱରାନ୍ୱିତ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପର ଅଂଶ। ଏହି ରେଳ ମଣ୍ଡଳ ରାୟଗଡା, କୋରାପୁଟ, ଗଜପତି, ନବରଙ୍ଗପୁର, ମାଲକାନଗିରି ଏବଂ କଳାହାଣ୍ଡିର ଆଦିବାସୀ ଏବଂ ଆକାଂକ୍ଷୀ ଜିଲ୍ଲାଗୁଡ଼ିକ ଉପରେ ବିଶେଷ ଧ୍ୟାନ ଦେବ, ଯାହା ଏହି ଉପାନ୍ତ ଓ ଅନୁନ୍ନତ ଅଞ୍ଚଳରେ ଏକ ଦ୍ରୁତ ପରିବର୍ତ୍ତନ ଆଣିବ।

ଶ୍ରୀ ସିଂଘଲଙ୍କ ଏହି ଗୁରୁତ୍ୱପୂର୍ଣ୍ଣ ଭୂମିକାରେ ଯୋଗଦାନର ଲକ୍ଷ୍ୟ ହେଉଛି ରାୟଗଡା ରେଳ ମଣ୍ଡଳ ହେଡକ୍ୱାର୍ଟରର ଦ୍ରୁତ କାର୍ଯ୍ୟାନ୍ୱୟନ ଏବଂ ଏହି ଅଞ୍ଚଳଗୁଡ଼ିକରେ ରେଳ ଭିତ୍ତିଭୂମିର ଦ୍ରୁତ ବିକାଶ। ତାଙ୍କ ନେତୃତ୍ୱ, ବିଶେଷକରି ଦକ୍ଷିଣ ଓଡ଼ିଶାର ଆଦିବାସୀ ଅଞ୍ଚଳରେ ଆର୍ଥିକ ଅଭିବୃଦ୍ଧି, ସଂଯୋଗୀକରଣରେ ଉନ୍ନତି ଏବଂ ନିଯୁକ୍ତି ସୁଯୋଗ ସୃଷ୍ଟି କରିବାରେ ଏକ ପରିବର୍ତ୍ତନକାରୀ ଭୂମିକା ଗ୍ରହଣ କରିବ ବୋଲି ଆଶା କରାଯାଉଛି।

ଶ୍ରୀ ସିଂଘଲ ଭାରତୀୟ ରେଳରେ ଏକ ପ୍ରଭାବଶାଳୀ ଟ୍ରାକ୍ ରେକର୍ଡ ସୃଷ୍ଟି କରିଛନ୍ତି। ଏନଆଇଟି ତ୍ରିଚିରୁ ବୈଦ୍ୟୁତିକ ଏବଂ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂରେ ସ୍ନାତକ ପରେ ଶ୍ରୀ ସିଂଘଲ 1999 ମସିହାରେ ସହାୟକ ମଣ୍ଡଳ ବୈଦ୍ୟୁତିକ ଇଞ୍ଜିନିୟର ଭାବରେ ଭାରତୀୟ ରେଳରେ ଯୋଗ ଦେଇଥିଲେ। ବନ୍ଦେ ଭାରତ ଏକ୍ସପ୍ରେସ (ଟ୍ରେନ-18) ର ଡିଜାଇନ୍, ନିର୍ମାଣ ଏବଂ କାର୍ଯ୍ୟକ୍ଷମ ସହିତ ରେଳ ବିଦ୍ୟୁତୀକରଣରେ ନବସୃଜନ ସମେତ ପ୍ରମୁଖ ପ୍ରକଳ୍ପଗୁଡ଼ିକରେ ଗୁରୁତ୍ୱପୂର୍ଣ୍ଣ ଅବଦାନ ରଖିଛନ୍ତି।

ରେଳ ବିକାଶର ଏହି ନୂତନ ଅଧ୍ୟାୟ ସ୍ଥାନୀୟ ସମ୍ପ୍ରଦାୟକୁ ଗୁରୁତ୍ୱପୂର୍ଣ୍ଣ ଲାଭ ପ୍ରଦାନ କରିବା ସହିତ ବଜାର, ସ୍ୱାସ୍ଥ୍ୟସେବା ଏବଂ ଶିକ୍ଷାର ସୁଗମତା ବୃଦ୍ଧି କରିବ। ଏହା କୃଷିଭିତ୍ତିକ କ୍ଷେତ୍ର ଭଳି ସ୍ଥାନୀୟ ଶିଳ୍ପର ଅଭିବୃଦ୍ଧିକୁ ମଧ୍ୟ ସହଜ କରିବ ଏବଂ ଦକ୍ଷିଣ ଓଡ଼ିଶାର ପ୍ରାକୃତିକ ଏବଂ ସାଂସ୍କୃତିକ ସମୃଦ୍ଧ ଅଞ୍ଚଳରେ ପର୍ଯ୍ୟଟନକୁ ଏକ ଗୁରୁତ୍ୱପୂର୍ଣ୍ଣ ପ୍ରୋତ୍ସାହନ ପ୍ରଦାନ କରିବ।

ରାୟଗଡା ରେଳ ମଣ୍ଡଳ ଏହି ଅଞ୍ଚଳର ଆର୍ଥିକ ଅଭିବୃଦ୍ଧି ପାଇଁ ଏକ ପ୍ରମୁଖ ଭୂମିକା ଗ୍ରହଣ କରିବାକୁ ପ୍ରସ୍ତୁତ ଥିବା ବେଳେ ଓଡ଼ିଶାକୁ ଏକ ପ୍ରମୁଖ ଯାତାୟାତ ଏବଂ ଅର୍ଥନୈତିକ ଗନ୍ତବ୍ୟସ୍ଥଳ ଭାବରେ ସ୍ଥାନିତ କରିବ। ଏହା କୋରାପୁଟ କଫି ଏବଂ ହଳଦୀ ଭଳି ସ୍ଥାନୀୟ ଉତ୍ପାଦର ପ୍ରୋତ୍ସାହନରେ ମଧ୍ୟ ସାହାଯ୍ୟ କରିବ ଯାହା ବ୍ୟାପକ ବଜାର ଏବଂ ପ୍ରସାର ପାଇଁ ଅଧିକ ସୁଯୋଗ ଦେଖିବାକୁ ପ୍ରସ୍ତୁତ।

ଏହି ରେଳ ମଣ୍ଡଳର ପ୍ରତିଷ୍ଠା ସଂଯୋଗୀକରଣକୁ ବୃଦ୍ଧି କରିବା, ଅଞ୍ଚଳର ଅର୍ଥନୀତିକୁ ସୁଦୃଢ଼ କରିବା ଏବଂ ଭାରତର ବ୍ୟାପକ ଭିତ୍ତିଭୂମି ଏବଂ ଅର୍ଥନୈତିକ ଅଭିବୃଦ୍ଧିରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେବା ପାଇଁ ଏକ ରଣନୈତିକ ପଦକ୍ଷେପ।

ଦକ୍ଷିଣ ଓଡ଼ିଶାରେ ରେଳ ନେଟୱର୍କକୁ ସୁଦୃଢ଼ କରିବା ପାଇଁ ବ୍ୟାପକ ପ୍ରୟାସର ଅଂଶ ଭାବରେ ରାୟଗଡା ରେଳ ମଣ୍ଡଳ ପ୍ରତିଷ୍ଠିତ ହୋଇଛି। ଏହା ରାଜ୍ୟର ଆଦିବାସୀ ଏବଂ ଆକାଂକ୍ଷୀ ଜିଲ୍ଲାଗୁଡ଼ିକୁ ସେବା ପ୍ରଦାନ କରାଇବା ସହ ଉନ୍ନତ ରେଳ କାର୍ଯ୍ୟ ମାଧ୍ୟମରେ ଆଞ୍ଚଳିକ ସଂଯୋଗୀକରଣ, ଭିତ୍ତିଭୂମି ବିକାଶ ଏବଂ ଆର୍ଥିକ ଉନ୍ନତି ଉପରେ ଧ୍ୟାନ ଦେବ।

ଭୁବନେଶ୍ୱର: ଭାରତୀୟ ରେଳପଥ ପାଇଁ ଏକ ଐତିହାସିକ ପଦକ୍ଷେପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିକଟରେ ରାୟଗଡା ରେଳ ମଣ୍ଡଳ କାର୍ଯ୍ୟାଳୟ ଭବନ ପାଇଁ ଶିଳାନ୍ୟାସ କରିଥିବାବେଳେ ଜାମ୍ମୁ ରେଳମଣ୍ଡଳର ଉଦଘାଟନ କରି ରେଳ ନେଟୱର୍କର ବିସ୍ତାରରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ସୃଷ୍ଟି କରିଛନ୍ତି। ଏହି ବିକାଶ ସହିତ ଜାମ୍ମୁ ରେଳମଣ୍ଡଳକୁ 69 ତମ ରେଳ ମଣ୍ଡଳ ଏବଂ ରାୟାଗଡାକୁ 70 ତମ ରେଳମଣ୍ଡଳ ଭାବେ ସ୍ଥାନିତ କରାଯାଇଅଛି ଏବଂ ସାରା ଦେଶରେ ରେଳ ଭିତ୍ତିଭୂମିକୁ ଆହୁରି ମଜବୁତ କରିଛି।

ନୂତନ ଭାବେ ପ୍ରତିଷ୍ଠିତ ରାୟଗଡା ରେଳ ମଣ୍ଡଳ ମୁଖ୍ୟତ ଓଡିଶାର ଦକ୍ଷିଣାଞ୍ଚଳ ଜିଲ୍ଲାଗୁଡ଼ିକରେ ରେଳ କାର୍ଯ୍ୟର ତଦାରଖ ପାଇଁ ଉତ୍ତରଦାୟୀ ରହିବ। ଏହି ରେଳମଣ୍ଡଳ ରାୟଗଡା, କୋରାପୁଟ, ଗଜପତି, ନବରଙ୍ଗପୁର, ମାଲକାନଗିରି ଏବଂ କଳାହାଣ୍ଡି ସମେତ ଆଦିବାସୀ ବହୁଳ ତଥା ଆକାଂକ୍ଷା ଜିଲ୍ଲାର ସ୍ୱାର୍ଥ ପାଇଁ ସେବା କରିବ। ଏହି ଅଞ୍ଚଳର ରଣନୀତିକ ଅବସ୍ଥାନ ଏବଂ ବୃଦ୍ଧି ପାଉଥିବା ଗୁରୁତ୍ୱ ଓଡିଶା ରେଳ ନେଟୱର୍କର ବିକାଶ ପାଇଁ ଏହି ରେଳମଣ୍ଡଳ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।

ରାୟଗଡା ରେଳ ମଣ୍ଡଳର ସୃଷ୍ଟି ଏହି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଉଭୟ ଟ୍ରେନ୍ ଚଳାଚଳ କାର୍ଯ୍ୟ ଏବଂ ଭିତ୍ତିଭୂମି ବିକାଶକୁ ଯଥେଷ୍ଟ ତ୍ୱରାନ୍ୱିତ କରିବ ବୋଲି ଆଶା କରାଯାଉଛି। ବିଭାଗୀୟ ମୁଖ୍ୟାଳୟର ତ୍ୱରିତ କାର୍ଯ୍ୟକାରିତାକୁ ସୁନିଶ୍ଚିତ କରିବା ଏବଂ ଏହି ଅଞ୍ଚଳରେ ରେଳ ଭିତ୍ତିଭୂମିର ଦ୍ରୁତ ଗତିରେ ବିକାଶକୁ ସୁନିଶ୍ଚିତ କରିବା ପାଇଁ ନୂତନ ଡିଆରଏମ ପଦବୀ ପୂରଣ କରିବା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।

ଏହି ପଦକ୍ଷେପ ଦକ୍ଷିଣ ଓଡିଶାର ଆଦିବାସୀ ବହୁଳ ଅଞ୍ଚଳରେ ଏକ ପରିବର୍ତ୍ତନଶୀଳ ପ୍ରଭାବ ପକାଇବ, ଆଞ୍ଚଳିକ ଅର୍ଥନୈତିକ ଅଭିବୃଦ୍ଧି, ସ୍ଥାନୀୟ ଶିଳ୍ପ ସହିତ ଯୋଗାଯୋଗରେ ଉନ୍ନତି ଆଣିବା ଏବଂ ବହୁ ନିଯୁକ୍ତି ସୁଯୋଗ ପ୍ରଦାନ କରିବ। ଉନ୍ନତ ରେଳ ସେବା ସହିତ, ସ୍ଥାନୀୟ ଜାଣସମୂଦାୟର ବଜାର ଚାହିଦା, ସ୍ୱାସ୍ଥ୍ୟସେବା ଏବଂ ଶିକ୍ଷା ପାଇଁ ବର୍ଦ୍ଧିତ ରେଳ ଭିତ୍ତିଭୂମି ଓ ଯୋଗାଯୋଗ ବହୁପରିମାଣରେ ସହାୟତା ପ୍ରଦାନ କରିବ ଯାହାକି ଏହି ଅଂଚଳର ଅଧିବାସୀ ମାନଙ୍କ ପାଇଁ ଏକ ଉନ୍ନତ ମାନର ଜୀବନଯାପନ ପ୍ରଣାଳୀ ଅଭିଜ୍ଞତା ପ୍ରଦାନ କରିବ।

ଦକ୍ଷିଣ ଓଡିଶାର ଭବିଷ୍ୟତର ସଂଯୋଗ ଏବଂ ଭିତ୍ତିଭୂମି ବିକାଶ ପର୍ଯ୍ୟଟନକୁ ଯଥେଷ୍ଟ ବୃଦ୍ଧି କରିବ। କୋରାପୁଟ-ରାୟାଗଡା ରେଳମାର୍ଗ ପୂର୍ବ ଘାଟଗୁଡିକର ଚମତ୍କାର ସୌନ୍ଦର୍ଯ୍ୟମୟ ଦୃଶ୍ୟ ପ୍ରଦାନ କରିବା ସହିତ ଏହି ମାର୍ଗଗୁଡ଼ିକ ସବୁଜିମା, ଜଳପ୍ରପାତ ଏବଂ ଆଦିବାସୀ ଐତିହ୍ୟ, ପରମ୍ପରା ଓ ସଂସ୍କୃତିର ଦୃଶ୍ୟମାନ ବିଶେଷ ଅଭିଜ୍ଞତା ପ୍ରଦାନ କରିଥାଏ। ଏହି ଅଞ୍ଚଳ ଉଭୟ ଜାତୀୟ ତଥା ଆନ୍ତର୍ଜାତୀୟ ପର୍ଯ୍ୟଟକଙ୍କୁ ଆକର୍ଷିତ କରିବ ବୋଲି ଆଶା କରାଯାଉଛି। ଏହା କୋରାପୁଟ କଫି ଏବଂ ହଳଦୀ ପାଇଁ ବଜାରକୁ ବୃଦ୍ଧି କରିବ ଏବଂ ଏଗ୍ରୋ ଭିତ୍ତିକ ଶିଳ୍ପଗୁଡିକୁ ମଧ୍ୟ ସମର୍ଥନ କରିବ।

ଓଡ଼ିଶାରେ ପର୍ଯ୍ୟଟନ, ଅର୍ଥନୈତିକ ବିକାଶ ଏବଂ ଭିତ୍ତିଭୂମି ଅଭିବୃଦ୍ଧିରେ ରାୟଗଡା ରେଳ ମଣ୍ଡଳ ପ୍ରତିଷ୍ଠା ଏକ ପ୍ରମୁଖ ଭୂମିକା ଗ୍ରହଣ କରିବ। ଉନ୍ନତ ରେଳ ନେଟୱର୍କ କେବଳ ସ୍ଥାନୀୟ ଶିଳ୍ପ ପାଇଁ ସଂଯୋଗକୁ ଉନ୍ନତ କରିବ ନାହିଁ ବରଂ ଏହି ଅଞ୍ଚଳକୁ ଏକ ପ୍ରମୁଖ ଅର୍ଥନୈତିକ କେନ୍ଦ୍ର ଭାବରେ ପରିଣତ କରିବ। ଏହି ପ୍ରକଳ୍ପ ଆକାଂକ୍ଷୀ ଜିଲ୍ଲାମାନଙ୍କରେ ସଂଯୋଗ ବୃଦ୍ଧି, ପର୍ଯ୍ୟଟନକୁ ପ୍ରୋତ୍ସାହିତ କରିବା ଏବଂ ଏହି ଅଞ୍ଚଳର ଅଭିବୃଦ୍ଧିରେ ଦେଶର ସାମଗ୍ରିକ ପ୍ରଗତିରେ ଉଲ୍ଲେଖନୀୟ ଯୋଗଦାନ ଦେବାକୁ ସ୍ଥିର ହୋଇଛି।

ଭୁବନେଶ୍ୱର: ପୂର୍ବତଟ ରେଳପଥ ମୁଖ୍ୟାଳୟ ରେଳ ସଦନ ଠାରେ ଆୟୋଜିତ ଏକ ମହତ୍ତ୍ୱପୂର୍ଣ୍ଣ ସମାରୋହରେ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ୍ କର୍ତ୍ତବ୍ୟରତ ଥିବା ସମୟରେ ଅଭୂତପୂର୍ବ ସଚେତନତା ଏବଂ ଉଲ୍ଲେଖନୀୟ ପ୍ରଦର୍ଶନ ପାଇଁ ପାଞ୍ଚଜଣ ଆଦର୍ଶ ରେଳ କର୍ମଚାରୀଙ୍କୁ ସମ୍ବର୍ଦ୍ଧିତ କରିଛନ୍ତି। ପ୍ରମୁଖ ଘଟଣାକୁ ଅଟକାଇବାରେ, ଟ୍ରେନ୍ ସେବାଗୁଡିକର ନିରାପତ୍ତା ଏବଂ ସୁଗମ କାର୍ଯ୍ୟକୁ ସୁନିଶ୍ଚିତ କରିବାରେ ସେମାନଙ୍କର ଦ୍ରୁତ କାର୍ଯ୍ୟଗୁଡ଼ିକ ପ୍ରମୁଖ ଭୂମିକା ଗ୍ରହଣ କରିଥିଲା।

ଏହି ସମାରୋହରେ ରେଳପଥର ଅତିରିକ୍ତ ମହାପ୍ରବନ୍ଧକ ମହେଶ କୁମାର ବେହେରା, ମୁଖ୍ୟ ସୁରକ୍ଷା ଅଧିକାରୀଙ୍କ ସମେତ ସମସ୍ତ ବିଭାଗୀୟ ପ୍ରମୁଖ ଓ ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ। ମିଳିତ ଭାବରେ ସେମାନେ ପୂର୍ବତଟ ରେଳପଥ ମଧ୍ୟରେ ସର୍ବୋଚ୍ଚ ନିରାପତ୍ତା ଏବଂ କାର୍ଯ୍ୟକ୍ଷମ ଉତ୍କର୍ଷର ମାନ ବଜାୟ ରଖିବା ପାଇଁ ସାମୂହିକ ପ୍ରତିବଦ୍ଧତାକୁ ଆଲୋକିତ କରିଥିଲେ।

ସମ୍ମାନଜନକମାନଙ୍କ ମଧ୍ୟରେ ବିଜୟନଗରମ ସ୍ଥିତ କ୍ୟାରେଜ ଓ ୱାଗନ ବିଭାଗର ଟେକ୍ନିସିଆନ୍ ଗ୍ରେଡ୍-II ସିଏଚ ହରିଥା ଏବଂ ଟେକ୍ନିସିଆନ୍ ଗ୍ରେଡ୍-I କେ. ଅରୁଣା; ରାଜମହେନ୍ଦ୍ରୀ ସ୍ଥିତ ପଣ୍ୟବାହୀ ଟ୍ରେନ ମ୍ୟାନେଜର ଗିଦିଜାଲା ରମେଶ; କୁନେରୁ ଷ୍ଟେସନରେ କାର୍ଯ୍ୟରତ ପଏଣ୍ଟସମ୍ୟାନ-ବି ଡୁବା ଚରଣ କୁମାର, ଏବଂ ଅନୁଗୁଳରେ କାର୍ଯ୍ୟରତ ଟ୍ରାକ୍ ମେଣ୍ଟଣର-II ଜ୍ଞାନେନ୍ଦ୍ର କୁମାର ମହାକୁଡ଼।

ଏହି ସମ୍ବର୍ଦ୍ଧନା ସଭାରେ ମହାପ୍ରବନ୍ଧକ ଶ୍ରୀ ଫୁଙ୍କୱାଲ ରେଳ କର୍ମଚାରୀଙ୍କ ନିଷ୍ଠାପର ଉତ୍ସର୍ଗକୁ ପ୍ରଶଂସା କରିଥିଲେ, ଯେଉଁଥିରେ ଟ୍ରେନର ନିରାପଦ ତଥା କାର୍ଯ୍ୟକ୍ଷମତାକୁ ସୁନିଶ୍ଚିତ କରିବା ପାଇଁ ପ୍ରତିକୂଳ ପରିସ୍ଥିତିକୁ ସାମ୍ନା କରି ନିରନ୍ତର ପରିଶ୍ରମ କରୁଥିବା ଗ୍ୟାଙ୍ଗମେନ, ଟ୍ରଲିମେନ, ଗେଟମେନ, ଓଏଚଇ ଟେକ୍ନିସିଆନ, ଟୋକେନ୍ ପୋର୍ଟର ଏବଂ ଅନ୍ୟାନ୍ୟ ରକ୍ଷଣାବେକ୍ଷଣ କର୍ମଚାରୀମାନଙ୍କର ଯୋଗଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସେମାନଙ୍କର କଠିନ ପରିଶ୍ରମକୁ ସ୍ୱୀକାର କରିବା ସମ୍ବନ୍ଧରେ ମହାପ୍ରବନ୍ଧକ ଗୁରୁତ୍ୱାରୋପ କରିଥିଲେ ଏବଂ ସମସ୍ତ ରେଳ କର୍ମଚାରୀଙ୍କୁ ନିଜ କାର୍ଯ୍ୟରେ ପ୍ରତିବଦ୍ଧ ତଥା ସଜାଗ ରହିବାକୁ ପ୍ରୋତ୍ସାହିତ କରିଥିଲେ ଏବଂ ନିରାପଦ ତଥା ସୁଗମ ଟ୍ରେନ୍ ଚଳାଚଳ କାର୍ଯ୍ୟ ସମ୍ବନ୍ଧରେ ରେଳପଥର ଧ୍ୟାନକୁ ଦୃଢ଼ୀଭୁତ କରିଥିଲେ।

ଆମର ରେଳ ନେଟୱର୍କର ସୁରକ୍ଷା ଏବଂ ନିରାପତ୍ତା ପାଇଁ ପ୍ରତ୍ୟେକ କର୍ମଚାରୀଙ୍କ ଉତ୍ସର୍ଗ ଗୁରୁତ୍ୱପୂର୍ଣ୍ଣ ବୋଲି ଶ୍ରୀ ଫୁଙ୍କୱାଲ କହିଛନ୍ତି। ଆମର ଯାତ୍ରୀମାନଙ୍କ ପାଇଁ ସର୍ବୋଚ୍ଚ ସୁରକ୍ଷା ମାନ ବଜାୟ ରଖିବା ପାଇଁ ସଚେତନତା ଏବଂ ଉତ୍ସର୍ଗୀକୃତ ସେବା ହେଉଛି ଆମର ମୂଳଦୁଆ ବୋଲି ଶ୍ରୀ ଫୁଙ୍କୱାଲ ରେଳ କର୍ମଚାରୀମାନଙ୍କୁ ପରାମର୍ଶ ଦେଇଛନ୍ତି।

ଏହି ସମାରୋହ କେବଳ ବ୍ୟକ୍ତିବିଶେଷଙ୍କ ଉଦ୍ୟମକୁ ସ୍ୱୀକୃତି ଦେଇନଥିଲା ବରଂ ରେଳ କାର୍ଯ୍ୟର ଅଖଣ୍ଡତା ରକ୍ଷା କରିବାରେ ଦଳଗତ କାର୍ଯ୍ୟ ଏବଂ ପ୍ରତିବଦ୍ଧତାର ଗୁରୁତ୍ୱକୁ ମଧ୍ୟ ଦର୍ଶାଇଥିଲା। ସୁରକ୍ଷା ପ୍ରୋଟୋକଲ ବୃଦ୍ଧି କରାଇବା ଏବଂ ଏହାର କର୍ମଜୀବୀମାନଙ୍କ ମଧ୍ୟରେ ଉତ୍କର୍ଷର ସଂସ୍କୃତି ପ୍ରତିପାଦନ କରିବାକୁ ପୂର୍ବତଟ ରେଳପଥର ପ୍ରତିବଦ୍ଧତାରେ ସ୍ଥିର ରହିଛି।

ଭୁବନେଶ୍ୱର: ଇସ୍ପାତ ଶିଳ୍ପର ଦକ୍ଷତା ଏବଂ କାର୍ଯ୍ୟରେ ଉନ୍ନତି ଆଣିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପରେ, ପୂର୍ବତଟ ରେଳପଥ (ଇକୋର) ଇସ୍ପାତ କ୍ଷେତ୍ରର ବିକାଶମୂଳକ ଆବଶ୍ୟକତାକୁ ଆକଳନ କରିବା ପାଇଁ ଡିସେମ୍ବର 19, 2024 ରେ ଏହାର ମୁଖ୍ୟାଳୟ, ରେଳ ସଦନ ଠାରେ ଏକ ବ୍ୟାପକ କର୍ମଶାଳା ଆୟୋଜନ କରିଥିଲା। ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରମୁଖ ଇସ୍ପାତ ଉତ୍ପାଦନକାରୀଙ୍କ ପ୍ରତିନିଧୀ, ଲଜିଷ୍ଟିକ୍ ବିଶେଷଜ୍ଞ ଏବଂ ରେଳ ବୋର୍ଡ ଏବଂ ଅନୁସନ୍ଧାନ ଡିଜାଇନ୍ ଏବଂ ମାନକ ସଂଗଠନ (ଆରଡିଏସଓ) ର ପ୍ରତିନିଧୀମାନେ ଯୋଗ ଦେଇଥିଲେ।

ପରିବହନ ସାମଗ୍ରୀ ସହିତ ଜଡିତ ଆହ୍ୱାନର ମୁକାବିଲା, କାର୍ଯ୍ୟକ୍ଷମ ଦକ୍ଷତା ବୃଦ୍ଧି ଏବଂ ଇସ୍ପାତ ପରିବହନ ସାମଗ୍ରୀର ସୁରକ୍ଷାକୁ ବୃଦ୍ଧି କରାଇବା ପାଇଁ ଇସ୍ପାତ ଶିଳ୍ପ ଏବଂ ରେଳବାଇ ମଧ୍ୟରେ ଘନିଷ୍ଠ ସହଯୋଗ ବୃଦ୍ଧି କରିବାକୁ ଏହି କର୍ମଶାଳାର ଉଦ୍ଦେଶ୍ୟ ଥିଲା।

କର୍ମଶାଳାର ମୁଖ୍ୟ ବିଷୟବସ୍ତୁ:

01. ଅଭିନବ ୱାଗନ୍ ଡିଜାଇନ୍: ଆଲୋଚନାର ଏକ ମୁଖ୍ୟ ବିଷୟ ହେଲା କାର୍ଯ୍ୟସଂପନ୍ନ କ୍ଷେତ୍ରରେ ଉନ୍ନତ କରିବା, ମୂଲ୍ୟ-ଦକ୍ଷତା ବୃଦ୍ଧି ଏବଂ ବିଭିନ୍ନ ପ୍ରକାରର ଇସ୍ପାତ ଦ୍ରବ୍ୟ ପରିଚାଳନା ପାଇଁ ୱାଗନ୍ଗୁଡ଼ିକୁ ବହୁମୁଖୀ କରିବା ପାଇଁ ନୂତନ ୱାଗନ୍ ଡିଜାଇନ୍ଗୁଡ଼ିକର ଅନୁସନ୍ଧାନ ଓ ନିର୍ମାଣ କରିବା।

02. ଗମନାଗମନ ସମୟରେ ଇସ୍ପାତକୁ ସୁରକ୍ଷିତ କରିବା: ଇସ୍ପାତର ସୁଗମ ଏବଂ ନିରାପଦ ପରିବହନ ପାଇଁ ଚାହିଦା ବୃଦ୍ଧି କରାଇବା ସହିତ କର୍ମଶାଳା ସୁରକ୍ଷା ବ୍ୟବସ୍ଥାକୁ ଉନ୍ନତି କରାଇବା ଏବଂ ଗମନାଗମନ ସମୟରେ କ୍ଷୟ କ୍ଷତି ହ୍ରାସ କରିବା ପାଇଁ ରଣନୀତି ଉପରେ ଧ୍ୟାନ ଦିଆଯାଇଥିଲା ଯାହା ସୁନିଶ୍ଚିତ କରେ ଯେ ପରିବହନ ସାମଗ୍ରୀ ସେମାନଙ୍କ ଗନ୍ତବ୍ୟ ସ୍ଥଳରେ ପହଞ୍ଚାଇବା ପର୍ଯ୍ୟନ୍ତ ଅକ୍ଷୁର୍ଣ୍ଣ ରହିବ।

03. ଇଣ୍ଡଷ୍ଟ୍ରି ଫିଡବ୍ୟାକ୍ ଏବଂ ଓପନ୍ ଫୋରମ୍: ଟାଟା ଷ୍ଟିଲ୍ ଲିମିଟେଡ୍, ଜିନ୍ଦଲ ଷ୍ଟେନଲେସ୍ ଲିମିଟେଡ୍, NMDC ଷ୍ଟିଲ୍ ଲିମିଟେଡ୍, ଜିନ୍ଦଲ ଷ୍ଟିଲ୍ ଏବଂ ପାୱାର୍ ଲିମିଟେଡ୍, ରାଷ୍ଟ୍ରିୟ ଇସ୍ପାତ ନିଗମ ଲିମିଟେଡ୍, ଭୂଷଣ ପାୱାର ଆଣ୍ଡ ଷ୍ଟିଲ୍ ଲିମିଟେଡ୍ ଏବଂ ଟିଏମ୍ ଇଣ୍ଟରନ୍ୟାସନାଲ ଲଜିଷ୍ଟିକ୍ସ ସହିତ ଇସ୍ପାତ ନିର୍ମାତାମାନେ ସକ୍ରିୟ ଭାବରେ ଏହି ପ୍ରକ୍ରିୟାରେ ଅଂଶଗ୍ରହଣ କରିଥିଲେ ଯେଉଁଠାରେ ସେମାନେ କାର୍ଯ୍ୟକ୍ଷମ ଆହ୍ୱାନ ଗୁଡିକର ମତାମତ ଆଦାନ ପ୍ରଦାନ କରିଥିଲେ ଏବଂ ରେଳ ସଂଯୋଗ ଏବଂ ସେବାରେ ଉନ୍ନତି ଆଣିବା ପାଇଁ ମୂଲ୍ୟବାନ ପରାମର୍ଶ ଦେଇଥିଲେ।

ପୂର୍ବତଟ ରେଳପଥର ମହାପ୍ରବନ୍ଧକ ଇସ୍ପାତର ବୃଦ୍ଧି ପାଉଥିବା ଚାହିଦାକୁ ପୂରଣ କରିବା ଏବଂ ଠିକ୍ ସମୟରେ ବିତରଣ ସୁନିଶ୍ଚିତ କରିବା ପାଇଁ ରେଳବାଇ ଏବଂ ଇସ୍ପାତ କ୍ଷେତ୍ର ମଧ୍ୟରେ ଦୃଢ଼ ସହଭାଗୀତାର ବିଷୟବସ୍ତୁ ଉପରେ ଗୁରୁତ୍ୱାରୋପ କରିଥିଲେ। ପୂର୍ବତଟ ରେଳପଥ ଅଧୀନରେ ଥିବା ଲୋଡିଂ, ଅନଲୋଡିଂ ଏବଂ ୱାଗନ୍ ଟର୍ଣ୍ଣଏରାଉଣ୍ଡ ସମୟ ଭଳି ପ୍ରକ୍ରିୟାକୁ ଶୃଙ୍ଖଳିତ କରିବା, ସୁଗମ କାର୍ଯ୍ୟକୁ ସୁନିଶ୍ଚିତ କରିବା ଏବଂ ବିଳମ୍ବକୁ ହ୍ରାସ କରିବା ପାଇଁ ପୂର୍ବତଟ ରେଳପଥର ପ୍ରତିବଦ୍ଧତା ଉପରେ ଏହି ବୈଠକରେ ଆଲୋକପାତ କରାଯାଇଛି।

ମୁଖ୍ୟ ଫଳାଫଳ ଏବଂ ଭବିଷ୍ୟତ ଯୋଜନା:

ଉନ୍ନତ ସମନ୍ୱୟ: ଇସ୍ପାତ କାରଖାନା, ରେଳ ନେଟୱାର୍କ ଏବଂ ରାଜ୍ୟ କର୍ତ୍ତୃପକ୍ଷଙ୍କ ମଧ୍ୟରେ ସମନ୍ୱୟ ବୃଦ୍ଧି ଉପରେ ଅଧିକ ଗୁରୁତ୍ୱ ଦିଆଯିବ ଯାହା ଜଟିଳ ପ୍ରକଳ୍ପଗୁଡିକ ପାଇଁ ଅନୁମୋଦନକୁ ତ୍ୱରାନ୍ୱିତ କରିବ।

ନିରାପତ୍ତା ଏବଂ ଦକ୍ଷତା: ନିରାପତ୍ତା ପଦକ୍ଷେପଗୁଡିକର ଉନ୍ନତି ଏବଂ ଇସ୍ପାତ ଶିଳ୍ପ ପାଇଁ ଦକ୍ଷ ଗମନାଗମନ ସମାଧାନ ସୁନିଶ୍ଚିତ କରିବାକୁ ନିରନ୍ତର ଧ୍ୟାନ ଦିଆଯିବ।

ଅଭିବୃଦ୍ଧି ପାଇଁ ପ୍ରତିବଦ୍ଧତା: ପୂର୍ବତଟ ରେଳପଥ ଇସ୍ପାତ କ୍ଷେତ୍ରର କାର୍ଯ୍ୟକ୍ଷମ ଆବଶ୍ୟକତା ପୂରଣ କରିବା ଏବଂ ଭିତ୍ତିଭୂମି ବିକାଶ ତଥା ଦକ୍ଷ ପରିବହନ ସମାଧାନ ମାଧ୍ୟମରେ ଏହାର ଅଭିବୃଦ୍ଧିକୁ ସମର୍ଥନ କରିବା ପାଇଁ ଉତ୍ସର୍ଗୀକୃତ।

ପୂର୍ବତଟ ରେଳପଥର ଏକ ସହଯୋଗୀ ତଥା ସ୍ୱଚ୍ଛ ପରିବେଶ ସୃଷ୍ଟି ପାଇଁ ଚାଲିଥିବା ପ୍ରୟାସରେ ଏହି କର୍ମଶାଳା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବରେ ଚିହ୍ନିତ ହୋଇଛି ଯାହା ଉଭୟ ରେଳ ଏବଂ ଇସ୍ପାତ କ୍ଷେତ୍ର ପାଇଁ ଲାଭଦାୟକ ଅଟେ। ଅଭିନବ ସମାଧାନ ଏବଂ ନିରନ୍ତର ସଂଳାପ ମାଧ୍ୟମରେ ଇସ୍ପାତ ଶିଳ୍ପର ଆବଶ୍ୟକତାକୁ ସମାଧାନ କରି ପୂର୍ବ ତଟ ରେଳ ଏହି ଅଞ୍ଚଳରେ ଭବିଷ୍ୟତର ଅଭିବୃଦ୍ଧି ଏବଂ ସଫଳତା ପାଇଁ ମଞ୍ଚ ସ୍ଥିର କରୁଛି।

ପୂର୍ବତଟ ରେଳପଥ ଭାରତର 17 ଟି ରେଳ ଜୋନ୍ ମଧ୍ୟରୁ ଅନ୍ୟତମ, ଯାହା ପୂର୍ବାଞ୍ଚଳରେ ଟ୍ରେନ୍ ଏବଂ ସାମଗ୍ରୀ ପରିବହନ ପାଇଁ ଗୁରୁତ୍ୱପୂର୍ଣ ଭୂମିକା ଗ୍ରହଣ କରୁଅଛି। ପରିବହନ ସେବାରେ ଉନ୍ନତି ଆଣିବା, ନିରାପତ୍ତାକୁ ବୃଦ୍ଧି କରାଇବା ଏବଂ ସାମଗ୍ରୀର ଦକ୍ଷ ତଥା ସମୟାନୁବର୍ତ୍ତୀ ପରିବହନ ସୁନିଶ୍ଚିତ କରିବା ପାଇଁ ଏହା ପ୍ରତିବଦ୍ଧ, ବିଶେଷକରି ଇସ୍ପାତ ପରି କ୍ଷେତ୍ରଗୁଡିକ ଯାହା ଏହି ଅଞ୍ଚଳର ଅର୍ଥନୀତି ପାଇଁ ଗୁରୁତ୍ୱପୂର୍ଣ୍ଣ ଅଟେ।

ଭୁବନେଶ୍ୱର: ପୂର୍ବତଟ ରେଳପଥ ନିର୍ଦ୍ଧାରିତ ସମୟସୀମା ମଧ୍ୟରେ ଭଦ୍ରକ୍ ରେଳ ଷ୍ଟେସନରେ ପ୍ରମୁଖ ୟାର୍ଡ଼ ପୁନଃ ନିର୍ମାଣ କାର୍ଯ୍ୟକୁ ସଫଳତାର ସହିତ ସମାପ୍ତ କରିଛି, ଯାହା ଷ୍ଟେସନର ଆଧୁନିକୀକରଣ ପ୍ରୟାସରେ ଏକ ମହତ୍ୱପୂର୍ଣ୍ଣ ମାଇଲଖୁଣ୍ଟ ଅଟେ। କାର୍ଯ୍ୟକ୍ଷମ ଦକ୍ଷତା ବୃଦ୍ଧି ଏବଂ ଟ୍ରେନ୍ ପରିଚାଳନାକୁ ଶୃଙ୍ଖଳିତ କରିବା ପାଇଁ ଲକ୍ଷ୍ୟ ରଖାଯାଇଥିବା ଏହି କାର୍ଯ୍ୟ, କୌଣସି ବିଳମ୍ବ କିମ୍ବା ଅତିରିକ୍ତ ସମୟ ଆବଶ୍ୟକ ନକରି ସମାପ୍ତ ହୋଇଛି। ଗୁରୁତ୍ୱପୂର୍ଣ୍ଣ ଭାବରେ, ଏହି ପ୍ରକଳ୍ପ କାର୍ଯ୍ୟ ସମୟରେ କୌଣସି ଅତିରିକ୍ତ ଟ୍ରେନ୍ ବାତିଲ୍ ହୋଇନଥିଲା ଏବଂ ସାଧାରଣ ସ୍ଥିରୀକୃତ କାର୍ଯ୍ୟସୂଚୀ ଅନୁଯାୟୀ ରକ୍ଷଣାବେକ୍ଷଣ କାର୍ଯ୍ୟ ସମ୍ପାଦନ କରାଯାଇଥିଲା।

ଭଦ୍ରକ୍ ରେଳ ଷ୍ଟେସନର ପୁନଃନିର୍ମାଣରେ ବିଭିନ୍ନ ପ୍ଲାଟଫର୍ମ ଅପଗ୍ରେଡ୍, ବର୍ଦ୍ଧିତ ଟ୍ରେନ୍ ଚଳାଚଳ ପାଇଁ ଅତିରିକ୍ତ ଲାଇନ ଏବଂ ଭଦ୍ରକ ଏବଂ ରାଣୀତାଲ ରେଳ ଷ୍ଟେସନ ମଧ୍ୟରେ ତୃତୀୟ ଲାଇନର କାର୍ଯ୍ୟ କାର୍ଯ୍ୟକ୍ଷମ ସମେତ ବିଭିନ୍ନ ପ୍ରମୁଖ ଉନ୍ନତି କାରଣ କାର୍ଯ୍ୟ ସଂଯୋଗ କରାଯାଇଥିଲା। ବର୍ଦ୍ଧିତ ଟ୍ରାଫିକ୍ ପରିଚାଳନା, ଟ୍ରେନ୍ ବିଳମ୍ବକୁ ହ୍ରାସ କରିବା ଏବଂ ସାମଗ୍ରିକ ଷ୍ଟେସନ୍ କାର୍ଯ୍ୟକାରିତାକୁ ଉନ୍ନତ କରିବା ପାଇଁ ଏହି ଉନ୍ନତିଗୁଡିକ ପରିକଳ୍ପନା କରାଯାଇଛି।

ସମାପ୍ତ ହୋଇଥିବା କାର୍ଯ୍ୟର ମୁଖ୍ୟ ବୈଶିଷ୍ଟ୍ୟଗୁଡିକ:

ନୂତନ ପ୍ଲାଟଫର୍ମ ନିର୍ମାଣ: ଅଧିକ ଟ୍ରେନ୍ ରହିବା ଏବଂ ଷ୍ଟେସନରେ ଯାତ୍ରୀ ପ୍ରବାହକୁ ସହଜ କରିବା ପାଇଁ ଏକ ନୂତନ ପ୍ଲାଟଫର୍ମ ସଂଯୋଗ କରାଯାଇଛି।

ସୁଗମ ଚଳାଚଳ ପାଇଁ ଅତିରିକ୍ତ ଲାଇନ୍: ଟ୍ରେନର କାର୍ଯ୍ୟକ୍ଷମତା ଏବଂ ଟ୍ରେନ୍ ଚଳାଚଳ କ୍ଷେତ୍ରରେ କାର୍ଯ୍ୟସୂଚୀକୁ ଉନ୍ନତ ନିୟନ୍ତ୍ରଣ କରିବା ପାଇଁ ଅତିରିକ୍ତ ଲାଇନ ସଂଯୋଗ କରାଯାଇଅଛି।

ଭଦ୍ରକ ଏବଂ ରାଣୀତାଲ ମଧ୍ୟରେ ତୃତୀୟ ଲାଇନ: ତୃତୀୟ ଲାଇନର କାର୍ଯ୍ୟକ୍ଷମ ଯୋଗୁଁ ଭଦ୍ରକ ଷ୍ଟେସନକୁ ଆସୁଥିବା ଟ୍ରେନ୍ ମାନଙ୍କର ପରିଚାଳନା ପାଇଁ ଷ୍ଟେସନର କ୍ଷମତାକୁ ଯଥେଷ୍ଟ ବୃଦ୍ଧି କରାଯାଇଅଛି ଯାହାକି ଆଖପାଖ ଷ୍ଟେସନରେ ଟ୍ରେନ ଗୁଡିକର ନିୟନ୍ତ୍ରଣ ହ୍ରାସ କରିଛି।

ଏହି ପ୍ରକଳ୍ପର ସଫଳ ସମାପ୍ତି ଭାରତୀୟ ରେଳବାଇର ଯାତ୍ରୀମାନଙ୍କ ପାଇଁ ଭିତ୍ତିଭୂମି ତଥା ସେବା ଗୁଣବତ୍ତା ବୃଦ୍ଧି ପାଇଁ ନିରନ୍ତର ପ୍ରତିବଦ୍ଧତାକୁ ପ୍ରତିଫଳିତ କରୁଛି। କାର୍ଯ୍ୟବଳକୁ ସଠିକ ସର୍ବୋକୃଷ୍ଟ ପରିଚାଳନା କରି ଏବଂ ପ୍ରଭାବଶାଳୀ ସମନ୍ୱୟ ସୁନିଶ୍ଚିତ କରି, ଯୋଜନା ଅନୁଯାୟୀ ଟ୍ରେନ୍ ସମୟସୀମା ମଧ୍ୟରେ ସୁରୁଖୁରୁରେ ଏହି କାର୍ଯ୍ୟ ସମାପ୍ତ ହୋଇଅଛି ଯାହା ସେବା ଯୋଗାଇବାରେ କୌଣସି ଅତିରିକ୍ତ ଟ୍ରେନ ବାତିଲ୍ କିମ୍ବା ବ୍ୟାଘାତ କରାଯାଇନଥିଲା।

ଏହି ପୁନଃ ନିର୍ମାଣ ପ୍ରକ୍ରିୟା ସମୟରେ ଯାତ୍ରୀମାନଙ୍କୁ ସେମାନଙ୍କ ସହଯୋଗ ଓ ସମର୍ଥନ ପାଇଁ ପୂର୍ବତଟ ରେଳପଥନ କୃତଜ୍ଞତା ଜଣାଉଅଛି ଏବଂ ଭବିଷ୍ୟତରେ ଏହି ଉନ୍ନତିକାରଣ କାର୍ଯ୍ୟ ଟ୍ରେନ ଚଳାଚଳ ପରିଚାଳନା କ୍ଷେତ୍ରରେ ସହାୟକ ହେବ ବୋଲି ନିଶ୍ଚିତ କରୁଛି।

ଭୁବନେଶ୍ଵର: ଭୁବନେଶ୍ୱରର ପୂର୍ବତଟ ରେଳପଥ ମୁଖ୍ୟାଳୟ, ରେଳ ସଦନ ଠାରେ ହାଇ-ଟେକ୍ ମେଡିକାଲ ଦ୍ୱାରା ଆୟୋଜିତ ଏକ ମାଗଣା ସ୍ୱାସ୍ଥ୍ୟ ଯାଞ୍ଚ ଶିବିର ଅନୁଷ୍ଠିତ ହୋଇଯାଇଅଛି। ରେଳ କର୍ମଚାରୀଙ୍କୁ ସ୍ୱାସ୍ଥ୍ୟ ସେବା ଯୋଗାଇବା ଲକ୍ଷ୍ୟରେ ଏହି ଶିବିରକୁ ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ଉଦ୍ଘାଟନ କରିଥିଲେ।

ଏହି ପଦକ୍ଷେପ ମୁଖ୍ୟାଳୟର କାର୍ଯ୍ୟାଳୟରେ କାର୍ଯ୍ୟ କରୁଥିବା କର୍ମଚାରୀଙ୍କ ସ୍ୱାସ୍ଥ୍ୟ ଏବଂ କଲ୍ୟାଣକୁ ପ୍ରୋତ୍ସାହିତ କରିବା ଉପରେ ଧ୍ୟାନ ଦିଆଯାଇଥିଲା। ସାଧାରଣ ସ୍ୱାସ୍ଥ୍ୟ ମୂଲ୍ୟାଙ୍କନ, ରକ୍ତଚାପ ମନିଟରିଂ ଏବଂ ଅନ୍ୟାନ୍ୟ ଜରୁରୀ ନିରାକରଣ ସେବା ସହିତ ଏହି ଶିବିରରେ ବିଭିନ୍ନ ପ୍ରକାରର ଡାକ୍ତରୀ ଯାଞ୍ଚ ପ୍ରଦାନ କରାଯାଇଥିଲା, ଯାହା ଦ୍ୱାରା କର୍ମଚାରୀମାନେ ଗୁଣାତ୍ମକ ସ୍ୱାସ୍ଥ୍ୟସେବା ପାଇପାରିବେ।

ଏହି କାର୍ଯ୍ୟକ୍ରମ ପୂର୍ବତଟ ରେଳପଥର କର୍ମଚାରୀ ମାନଙ୍କ କଲ୍ୟାଣ ପାଇଁ ପ୍ରତିବଦ୍ଧତାକୁ ସୂଚିତ କରୁଛି।

ଭୁବନେଶ୍ୱର: କର୍ମକ୍ଷେତ୍ରରେ ମହିଳାଙ୍କ ପ୍ରତି ଯୌନ ନିର୍ଯ୍ୟାତନା ନିବାରଣ ସପ୍ତାହରେ ପୂର୍ବତଟ ରେଳପଥ ପକ୍ଷରୁ ଏକ ଏନଜିଓ ପରିଚାଳିତ ଜେଣ୍ଡର ରିସୋର୍ସ ସେଣ୍ଟର ‘ଅସ୍ଥିତ୍ୱ’ ସହ ମିଳିତ ସହଯୋଗରେ କର୍ମକ୍ଷେତ୍ରରେ ହେଉଥିବା ନିର୍ଯ୍ୟାତନାକୁ ଦୂର କରିବା ପାଇଁ ଏକ ସୂଚନାପୂର୍ଣ୍ଣ ତଥା ଆକର୍ଷଣୀୟ କର୍ମଶାଳା ଆୟୋଜନ କରାଯାଇଥିଲା କରିଥିଲା। ସୋମବାର ଦିନ ଅନୁଷ୍ଠିତ ଏହି କର୍ମଶାଳା 9 ଡିସେମ୍ବରରେ କର୍ମକ୍ଷେତ୍ରରେ ମହିଳାଙ୍କ ଯୌନ ନିର୍ଯ୍ୟାତନା (ପ୍ରତିରୋଧ, ନିଷେଧାଦେଶ ଏବଂ ପୁନଃନିର୍ମାଣ) ଆଇନ ଘୋଷଣାକୁ ସ୍ମରଣୀୟ କରିବା ପାଇଁ ଆୟୋଜିତ ହୋଇଥିଲା।

କର୍ମକ୍ଷେତ୍ରରେ ମହିଳାମାନଙ୍କ ପାଇଁ ଏକ ନିରାପଦ ତଥା ସମ୍ମାନଜନକ ପରିବେଶ ସୃଷ୍ଟି କରିବାର ମହତ୍ୱ ବିଷୟରେ ପୂର୍ବତଟ ରେଳପଥର ଅତିରିକ୍ତ ମୁଖ୍ୟ ଚିକିତ୍ସା ନିର୍ଦ୍ଦେଶକ ଡକ୍ଟର ଶ୍ରୀମତୀ ଏସ୍ ଏସ୍ ରାୟ ଉଦ୍ଘାଟନ କରିଥିଲେ। ଯୌନ ଉତ୍ପୀଡ଼ନ ଅଭିଯୋଗର ସମାଧାନ ସହ ଜଡିତ ଆଇନଗତ ପ୍ରକ୍ରିୟାକୁ ଗୁରୁତ୍ୱ ଦେଇ ଡକ୍ଟର ରାୟ POSH ଆକ୍ଟ 2013 ର ମୁଖ୍ୟ ବ୍ୟବସ୍ଥା ଉପରେ ଆଲୋକପାତ କରିଥିଲେ।

କର୍ମଶାଳାର ମୂଳ ଉଦ୍ଦେଶ୍ୟ ଥିଲା ମହିଳା କର୍ମଚାରୀ ଏବଂ ଅଧିକାରୀମାନଙ୍କୁ ସମ୍ପୃକ୍ତ ଆଇନ ଏବଂ ନିର୍ଦ୍ଦେଶାବଳୀଗୁଡିକର ପ୍ରଭାବଶାଳୀ କାର୍ଯ୍ୟକାରିତା ଉପରେ ଅତ୍ୟାବଶ୍ୟକ ଜ୍ଞାନ ସମ୍ବନ୍ଧରେ ସୂଚନା ତଥା ସଶକ୍ତ କରିବା। ଅଭିଯୋଗକୁ କିପରି ସଠିକ୍ ଭାବରେ ପରିଚାଳନା କରାଯିବ ଏବଂ ଏକ ସକରାତ୍ମକ ଏବଂ ନିରାପଦ କାର୍ଯ୍ୟ ପରିବେଶ ବଜାୟ ରଖିବାରେ ଅଧିକାରୀ, ସଦସ୍ୟ ଏବଂ ଆଭ୍ୟନ୍ତରୀଣ ଅଭିଯୋଗ କମିଟି (ଆଇସିସି) ର ଚେୟାରମ୍ୟାନ୍ ମାନଙ୍କୁ ସାହାଯ୍ୟ କରିବାକୁ ଏହା ଲକ୍ଷ୍ୟ ଧାର୍ଯ୍ୟ କରିଥିଲା।

କର୍ମକ୍ଷେତ୍ରରେ ମହିଳାଙ୍କ ଯୌନ ନିର୍ଯ୍ୟାତନା (ପ୍ରତିରୋଧ, ନିଷେଧାଦେଶ ଏବଂ ପୁନଃନିର୍ମାଣ) ଅଧିନିୟମ, 2013 ଅନୁଯାୟୀ ବର୍ଣ୍ଣିତ ବାଧ୍ୟତାମୂଳକ ଆବଶ୍ୟକତାକୁ ମଧ୍ୟ କର୍ମଶାଳାରେ ସମ୍ବୋଧିତ କରାଯାଇଥିଲା, ଯାହା ନିଶ୍ଚିତ କରେ ଯେ ସମସ୍ତ ଅଂଶଗ୍ରହଣକାରୀ ଏଥିରେ ଅଦ୍ୟତନ ସୂଚନା ପାଇଛନ୍ତି:

– କର୍ମକ୍ଷେତ୍ରରେ ଯୌନ ଉତ୍ପୀଡ଼ନକୁ ବନ୍ଦ କରିବା ପାଇଁ ଆଇନଗତ ଢାଞ୍ଚା

-ଆଇନ ଅନୁଯାୟୀ ଅଭିଯୋଗଗୁଡିକ କିପରି ପରିଚାଳନା ଏବଂ ସମାଧାନ କରାଯିବ

– ଏକ ସକରାତ୍ମକ, ନିର୍ଯ୍ୟାତନା ମୁକ୍ତ କାର୍ଯ୍ୟ ସଂସ୍କୃତି ବଜାୟ ରଖିବା ପାଇଁ ସର୍ବୋତ୍ତମ ଅଭ୍ୟାସ

ଏହି କାର୍ଯ୍ୟକ୍ରମରେ ଯୋଗ ଦେଇଥିବା ଅନ୍ୟ ମାନ୍ୟଗଣ୍ୟ ବ୍ୟକ୍ତି ମୁଖ୍ୟ ଆଇନଜୀବୀ ଭାବରେ ଓଡ଼ିଶାର ଜାତୀୟ ଆଇନ ବିଶ୍ୱବିଦ୍ୟାଳୟର ଆସୋସିଏଟ୍ ପ୍ରଫେସର ଡକ୍ଟର ପ୍ରିୟଙ୍କା ଆନନ୍ଦ ତାଙ୍କର ଅଭିଭାଷଣରେ କାର୍ଯ୍ୟ କ୍ଷେତ୍ରରେ ଯୌନ ଉତ୍ପୀଡ଼ନ ସମସ୍ୟାର ବିଭିନ୍ନ ବାସ୍ତବ ଜୀବନର ଉଦାହରଣ ଉପରେ ବର୍ଣ୍ଣନା କରିଥିଲେ।  ତାଙ୍କର ଭାଷଣ କର୍ମକ୍ଷେତ୍ରରେ ମହିଳାଙ୍କ ଅଧିକାର ଏବଂ ସମ୍ମାନ ରକ୍ଷା କରିବାରେ ଏକ ସାମୂହିକ ପ୍ରୟାସର ଗୁରୁତ୍ୱକୁ ଦୃଷ୍ଟାନ୍ତ କରିଥିଲା। ଏହି ସମାରୋହରେ ବେସରକାରୀ ସଂସ୍ଥା ‘ଆସ୍ଥା’ର ସମ୍ପାଦକ ଡକ୍ଟର ମମତା ଦାସ ଏବଂ ପୂର୍ବତନ ଓଡିଶା ମହିଳା କମିଶନ ସଦସ୍ୟା ତଥା ଆସ୍ଥାର ସଦସ୍ୟା ସୁଶ୍ରୀ ସ୍ନେହାଞ୍ଜଳୀ ମହାନ୍ତି ସେମାନଙ୍କର ଅଭିଭାଷଣରେ ଯୌନ ଉତ୍ପୀଡ଼ନର ବାସ୍ତବତା ତଥା ସମ୍ଭାବ୍ୟ ସମାଧାନର ବାସ୍ତବତା ସମ୍ପର୍କରେ ମତାମତ ଦେଇଥିଲେ।

ପୂର୍ବତଟ ରେଳପଥ ଏହାର ସମସ୍ତ କର୍ମଚାରୀଙ୍କ ପାଇଁ ଏକ ନିରାପଦ, ସମାବେଶୀ ଏବଂ ନିର୍ଯ୍ୟାତନା ମୁକ୍ତ ପରିବେଶ ପ୍ରତିପାଦନ କରିବାରେ ଏକ ଅଗ୍ରଣୀ ଭୂମିକାକୁ ନିଶ୍ଚିତ କରିବା ପାଇଁ ଏହି କର୍ମଶାଳା ଗୁରୁତ୍ୱପୂର୍ଣ୍ଣ ପଦକ୍ଷେପ ଥିଲା।

ଭୁବନେଶ୍ୱର: ଦେଶର ପ୍ରମୁଖ ଷ୍ଟେସନଗୁଡିକର ନବୀକରଣ ଏବଂ ଆଧୁନିକୀକରଣ ପାଇଁ ଭାରତୀୟ ରେଳବାଇର ବୃହତ ଯୋଜନାର ଏକ ଅଂଶ ଭାବରେ ଭଦ୍ରକ ରେଳ ଷ୍ଟେସନରେ ଗୁରୁତ୍ୱପୂର୍ଣ୍ଣ ୟାର୍ଡ଼ ପୁନଃନିର୍ମାଣ କାର୍ଯ୍ୟ ଚାଲୁରହିଛି। ପୂର୍ବତଟ ରେଳପଥ ରେଳ ନେଟୱାର୍କର ଏକ ପ୍ରମୁଖ ହବ୍, ଏହି ଗୁରୁତ୍ୱପୂର୍ଣ୍ଣ ଷ୍ଟେସନରେ କାର୍ଯ୍ୟକ୍ଷମ ଦକ୍ଷତା ବୃଦ୍ଧି ଏବଂ ଟ୍ରେନ୍ ପରିଚାଳନାରେ ଉନ୍ନତି ଆଣିବାକୁ ଏହି ପ୍ରକଳ୍ପ ଲକ୍ଷ୍ୟ ରଖିଛି।

ଭଦ୍ରକ ରେଳ ଷ୍ଟେସନ ଆଞ୍ଚଳିକ ଲଜିଷ୍ଟିକ୍ସ ଏବଂ ଯାତ୍ରୀ ପରିବହନରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ, ଯାହା ପୂର୍ବତଟ ରେଳ ଜୋନ୍ ଅନ୍ତର୍ଗତ ଏକ ଗୁରୁତ୍ୱପୂର୍ଣ୍ଣ ଷ୍ଟେସନ ଅଟେ। ଏହି ଆଧୁନିକୀକରଣ ପ୍ରକଳ୍ପ କେବଳ ଷ୍ଟେସନର ପରିଚାଳନା କ୍ଷମତା ବୃଦ୍ଧି କରିବ ନାହିଁ ବରଂ ଯାତ୍ରୀ ଏବଂ ସାମଗ୍ରୀ ଯାତାୟାତ ପାଇଁ ଅଧିକ ଶୃଙ୍ଖଳିତ, ଦକ୍ଷ ରେଳ ସେବା ସୁନିଶ୍ଚିତ କରିବ। ଏହି କାର୍ଯ୍ୟ ସମାପ୍ତ ହେବା ପରେ, ଯାତ୍ରୀମାନେ ଟ୍ରେନ୍ ଚଳାଚଳ, ଅପେକ୍ଷା ସମୟ ହ୍ରାସ ଏବଂ ସାମଗ୍ରିକ ସେବା ଗୁଣବତ୍ତା ବୃଦ୍ଧି ଆଶା କରିପାରନ୍ତି।

ଭଦ୍ରକ-ରାଣୀତାଲ ରେଳ ସେକ୍ସନରେ ତୃତୀୟ ଲାଇନ ନିର୍ମାଣ କାର୍ଯ୍ୟ ଚାଲି। ଭଦ୍ରକ ରେଳ ଷ୍ଟେସନରେ ଟ୍ରେନଗୁଡିକର ସୁଗମ ଯାତାୟାତ ପାଇଁ ନନ-ଇଣ୍ଟରଲକିଂ କାର୍ଯ୍ୟ କରାଯିବ। ଏହା ବ୍ୟତୀତ, ବିସ୍ତୃତ ୟାର୍ଡ ନବୀକରଣ ପରି ଅନ୍ୟାନ୍ୟ ଚାଲୁଥିବା କାର୍ଯ୍ୟଗୁଡ଼ିକ ଯଥା ରେଳ ଲାଇନ୍ ବୃଦ୍ଧିକରଣ, ଲୋକୋ ରିଭର୍ସାଲ୍ ଲାଇନ୍ ଏବଂ ଇନ୍ସପେକ୍ସନ ଗାଡି ସାଇଡିଂ ସ୍ଥାନାନ୍ତର କରିବ। ଏହି ଆଧୁନିକୀକରଣ କାର୍ଯ୍ୟର ଏକ ଅଂଶ ଭାବରେ ବହୁଗୁଣିତ ରେଳ ଲାଇନକୁ ଏକ ପୂର୍ଣ୍ଣ ଦୈର୍ଘ୍ୟ ପ୍ଲାଟଫର୍ମକୁ ବିସ୍ତାର କରାଯିବ। ଏହି ପ୍ରକଳ୍ପ ପାଇଁ ଅଧିକ ସମୟ ଲାଗୁଥିବାବେଳେ ମାତ୍ର 10 ଦିନ ପାଇଁ ଟ୍ରେନ ସେବା ଆଂଶିକ ପ୍ରଭାବିତ ହେବ ପାଇଁ ଯୋଜନା କରାଯାଇଅଛି। ଯାତ୍ରୀଙ୍କ ଚାହିଦା, ଆଞ୍ଚଳିକ ବିକାଶ ଏବଂ ଜାତୀୟ ଲଜିଷ୍ଟିକ୍ ଆବଶ୍ୟକତା ଅନୁଯାୟୀ ଭିତ୍ତିଭୂମି ନବୀକରଣ ପାଇଁ ଭାରତୀୟ ରେଳ ପ୍ରତିବଦ୍ଧ ରହିଛି।

ପୁନଃନିର୍ମାଣ କାର୍ଯ୍ୟର ମୁଖ୍ୟ ଦିଗ:

ସମସ୍ତ ପ୍ଲାଟଫର୍ମ ସହିତ ଇଣ୍ଟରଲକ୍ କରିବା: ଭଦ୍ରକ ରେଳ ଷ୍ଟେସନରେ ଥିବା ସମସ୍ତ ପ୍ଲାଟଫର୍ମଗୁଡିକ ତୃତୀୟ ଲାଇନ ଏବଂ ଅତିରିକ୍ତ ଲୁପ୍ ଲାଇନ୍ ସହିତ ଅନ୍ତର୍ଭୂକ୍ତ ହେବ, ଅଧିକ ଟ୍ରେନ୍ ଏବଂ ଯାତ୍ରୀଙ୍କୁ ପରିଚାଳନା କରିବା ପାଇଁ ଷ୍ଟେସନର କ୍ଷମତା ବୃଦ୍ଧି ପାଇବ।

ସୁଗମ ଟ୍ରେନ ଚଳାଚଳ ପାଇଁ ଅତିରିକ୍ତ ଲାଇନ୍: ଟ୍ରେନର ସହଜ ଚଳାଚଳ ଏବଂ ନିୟନ୍ତ୍ରଣକୁ ସୁଗମ କରିବା, ବିଳମ୍ବକୁ ହ୍ରାସ କରିବା ଏବଂ ସମୟାନୁବର୍ତ୍ତିତାକୁ ବୃଦ୍ଧି କରାଇବା ପାଇଁ ଅତିରିକ୍ତ ଲାଇନଗୁଡ଼ିକ ଯୋଡାଯାଉଛି।

* ଉନ୍ନତ ଟ୍ରେନ୍ ଯାତାୟାତ : ଏହି କାର୍ଯ୍ୟ ସମାପ୍ତ ହେବା ପରେ ଟ୍ରେନ୍ ଗୁଡିକ ନିକଟସ୍ଥ ଷ୍ଟେସନଗୁଡିକରେ ଅଟକାଇ ରଖା ନଯାଇ ଭଦ୍ରକ ଷ୍ଟେସନରେ ସୁଗମ ଭାବରେ ପ୍ରବେଶ କରିପାରିବେ।

ଉପରୋକ୍ତ ବିଷୟକୁ ଦୃଷ୍ଟିରେ ରଖି 10 ଦିନ ପାଇଁ ଅସ୍ଥାୟୀ ଭିତ୍ତିରେ କିଛି ଟ୍ରେନକୁ ବାତିଲ କରାଯାଉଥିବାବେଳେ ଦୁଇ ଯୋଡ଼ା ଟ୍ରେନ ର ଆଂଶିକ ବାତିଲ କରିବାକୁ ନିଷ୍ପତ୍ତି ନିଆଯାଇଛି ଯାହା ଭବିଷ୍ୟତରେ ଅଧିକ ଲାଭ ପ୍ରଦାନ କରିବ। ବାତିଲ ହେବାକୁ ଥିବା ଟ୍ରେନ ଗୁଡିକ ମଧ୍ୟରୁ ପ୍ରତିଦିନ ଚଳାଚଳ କରୁଥିବା 04 ଯୋଡ଼ା ନିୟମିତ ମେଲ / ଏକ୍ସପ୍ରେସ ଟ୍ରେନ, 05 ଯୋଡ଼ା ନିୟମିତ ଲୋକାଲ ପାସେଞ୍ଜର / ମେମୁ ଟ୍ରେନ, 11 ଯୋଡ଼ା ସାପ୍ତାହିକ ଟ୍ରେନ ଏବଂ 03 ଯୋଡ଼ା ଦ୍ବି-ସାପ୍ତାହିକ ଟ୍ରେନ ଅନ୍ତର୍ଭୁକ୍ତ। ଦୁଇ ଯୋଡି ଟ୍ରେନ୍ ଆଂଶିକ ବାତିଲ୍ ହେବ। ପ୍ରଭାବିତ ଟ୍ରେନଗୁଡିକ ସମ୍ବନ୍ଧରେ ସୂଚନା ପାଇଁ ସଂଲଗ୍ନରେ ଉଲ୍ଲେଖ କରାଯାଇଛି। ଭବିଷ୍ୟତରେ ସୁଗମ ଟ୍ରେନ୍ ଚଳାଚଳ ପାଇଁ ଏହି ଆଧୁନିକୀକରଣ କାର୍ଯ୍ୟ ପାଇଁ ରେଳବାଇକୁ ସହଯୋଗ କରିବାକୁ ଯାତ୍ରୀମାନଙ୍କୁ ମଧ୍ୟ ଅନୁରୋଧ କରାଯାଇଛି।