ଭୁବନେଶ୍ବର: ରାଜ୍ୟରେ ୟୁଜି/ପିଜି ଫାଇନାଲ ସେମିଷ୍ଟାର ପରୀକ୍ଷା ହେବ। ଆଜି ବସିଥିବା ବିଶ୍ୱବିଦ୍ୟାଳୟ କୁଳପତିମାନଙ୍କ ବୈଠକରେ ନିଷ୍ପତ୍ତି ହୋଇଛି। ଜୁଲାଇ ମାସ କିମ୍ବା ଅଗଷ୍ଟ ମାସ ସୁଦ୍ଧା ୟୁଜି/ପିଜି ଫାଇନାଲ ପରୀକ୍ଷା ହେବ। ହେଲେ ପରୀକ୍ଷା କେବେ ହେବ, ତାହା ନେଇ ବିଶ୍ୱବିଦ୍ୟାଳୟ ତାରିଖ ନିର୍ଦ୍ଧାରଣ କରିବ। ପରୀକ୍ଷା ଅନଲାଇନରେ ହେବା ପାଇଁ ନିଷ୍ପତ୍ତି ହୋଇଛି। ଅନଲାଇନ ପରୀକ୍ଷା କେମିତି ହେବ, ତାହା ବିଶ୍ୱବିଦ୍ୟାଳୟ ସ୍ଥିର କରିବ। ଛାତ୍ରଛାତ୍ରୀ ଘରେ ରହି ପରୀକ୍ଷା ଦେଇପାରିବେ। ଯେଉଁମାନଙ୍କର ପରୀକ୍ଷା ଦେବା ପାଇଁ ଘରେ ଅସୁବିଧା ଥିବ, ସେମାନେ ବିଶ୍ୱବିଦ୍ୟାଳୟରେ ପରୀକ୍ଷା ଦେଇପାରିବେ। ଏନେଇ ଉଚ୍ଚଶିକ୍ଷା ମନ୍ତ୍ରୀ ଡା. ଅରୁଣ ସାହୁ ସୂଚନା ଦେଇଛନ୍ତି।
