ଆଜି ରଥଯାତ୍ରା ବେଳେ ବାଣପୁରରେ ଏକ ଦୁର୍ଘଟଣା ଘଟି ଜଣେ ବାଳକର ମୃତ୍ୟୁ ଘଟିଛି। ବାଳକଟିର ନାମ ହେଉଛି ସୁନୀଲ ପାତ୍ର। ବାଣପୁରର ଐତିହାସିକ ପଲଟନ ପଡିଆରେ ସବୁ ବର୍ଷ ପରି ଏ ବର୍ଷ ମଧ୍ୟ ଧୂମଧାମରେ ରଥଯାତ୍ରାର ଆୟୋଜନ କରାଯାଇଥିଲା। ହେଲେ ରଥଟଣା ବେଳେ ଦୁର୍ଘଟଣା ଘଟି ଏହି ବାଳକର ମୃତ୍ୟୁ ଘଟିଛି। ଏହାପରେ ସାଧାରଣରେ ବେଶ୍ ଉତ୍ତେଜନା ଦେଖା ଦେଇଥିଲା। ଲୋକମାନେ ସ୍ଥାନୀୟ ପ୍ରଶାସନକୁ ଦାୟୀ କରି ରାସ୍ତା ରୋକ କରିଥିଲେ। ଏପରିକି ଥାନା ଆଗରେ ମଧ୍ୟ ଧାରଣା ଦେଇଥିଲେ। ଏହି ଘଟଣା ପରେ ସ୍ଥାନୀୟ ବିଧାୟକ ପ୍ରଶାନ୍ତ ଜଗଦେବ ଘଟଣା ସ୍ଥଳରେ ପହଁଚି ପରିସ୍ଥିତିକୁ ଆୟତ୍ତ କରିବାକୁ ଚେଷ୍ଠା କରିଛନ୍ତି। ହେଲେ ଲୋକମାନେ କ୍ଷତିପୂରଣ ଦାବି କରି ଧାରଣାରେ ବସିରହିଛନ୍ତି। ସାଧାରଣତଃ ଏହି ରଥଯାତ୍ରା ସ୍ଥାନୀୟ ପ୍ରଶାସନ ଦ୍ବାରା ନିୟନ୍ତ୍ରଣ କରାଯାଇଥାଏ। ସେଥିପାଇଁ ପୋଲିସ ତରଫରୁ ମଧ୍ୟ ସୁରକ୍ଷା ବ୍ୟବସ୍ଥା କରାଯାଇଥାଏ। ଏସବୁ ସତ୍ବେ ଏହି ବାଳକର ମୃତ୍ୟୁ ହେବା ସ୍ଥାନୀୟ ପ୍ରଶାସନର ସଂପୂର୍ଣ୍ଣ ବିଫଳତାକୁ ପ୍ରମାଣିତ କରିଛି।
