ପାଟନା: ବିହାର ସରକାରଙ୍କ ପଶୁପାଳନ ମନ୍ତ୍ରୀ ତଥା ବିକାଶଶୀଳ ଇଂସାନ ପାର୍ଟିର ପ୍ରତିଷ୍ଠାତା ମୁକେଶ ସାହନି ଏକ ବଡ଼ ଅସୁବିଧାର ସମ୍ମୁଖୀନ ହୋଇଛନ୍ତି। ସମସ୍ତ ତିନିଜଣ ଭିଆଇପି ବିଧାୟକ ବିଜେପିରେ ଯୋଗ ଦେଇଛନ୍ତି। ବିଧାନସଭାର ବାଚସ୍ପତିଙ୍କୁ ଭେଟିବା ପରେ ବିଜେପିରେ ଯୋଗଦେବା ପାଇଁ ସୂଚନା ଦିଆଯାଇଛି। ଦଳର ଏହି ତିନି ବିଧାୟକ ରାଜୁ ସିଂ, ମିଶ୍ରୀଲାଲ ଏବଂ ସ୍ୱର୍ଣ୍ଣା ସିଂ ବିଜେପିରେ ଯୋଗ ଦେଇଛନ୍ତି। ବିଧାନସଭା ବାଚସ୍ପତି ବିଜୟ କୁମାର ସିହ୍ନା ଏହି ତିନିଜଣ ବିଧାୟକଙ୍କୁ ସ୍ୱୀକୃତି ପ୍ରଦାନ କରିଛନ୍ତି।
