ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ବେଗୁନିଆ ପଡ଼ା ଥାନା ଅନ୍ତର୍ଗତ ତାଳସର ପଞ୍ଚାୟତ ଗୋପାଳପୁର ଗ୍ରାମରେ ଏକ ଲୋମହର୍ଷଣକାରୀ ଘଟଣା ଘଟିଛି। ଯାହାକି ସ୍ବାମୀ ନାରାୟଣ ଭୁୟାଁ କୁ ସ୍ତ୍ରୀ ରିନା ଭୁୟାଁ ହତ୍ୟା କରି ଘରେ ଲୁଚାଇ ରଖିଥିବା ଅଭିଯୋଗ ହୋଇଛି। ଖବର ପାଇ ବେଗୁନିଆ ପଡ଼ା ଥାନା ଅଧିକାରୀଙ୍କ ନେତୃତ୍ବରେ ଏକ ଟିମ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ରିନାକୁ ଥାନାରେ ରଖି ଜେରା କରୁଛି।
ଖବରରୁ ପ୍ରକାଶ ଯେ, ଉଭୟ ସ୍ବାମୀ ସ୍ତ୍ରୀଙ୍କ ମଧ୍ୟରେ ପାରିବାରିକ ଅଶାନ୍ତି ଲାଗିରହିଥିଲା। ଗତକାଲି ପୁଣି କୌଣସି କଥାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ରିନା ଏକ ଟାଙ୍ଗିଆରେ ନାରାୟଣକୁ ହାଣିବା ସହ ଇଟାରେ ମୁଣ୍ଡକୁ ପିଟି ହତ୍ୟା କରି ଘଟଣାକୁ ଚପାଇ ଦେବାକୁ ଘରେ ଲୁଚାଇ ରଖିଥିଲା।
ବିଶ୍ଵସ୍ତ ସୁତ୍ରରୁ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଅନ୍ୟ ପକ୍ଷରେ ଏହି ଘଟଣା କୁ ନେଇ ଗାଁ ରେ କୋଳାହଳ ପରିସ୍ଥିତି ସୃଷ୍ଟି ହୋଇଛି।
