ବ୍ରହ୍ମପୁର: ଆସନ୍ତା ୮ ତାରିଖ ଦିନ ବିଶ୍ବ ମହିଳା ଦିବସ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝି ଗଞ୍ଜାମ ଜିଲ୍ଲା ବ୍ରହ୍ମପୁର ଗସ୍ତରେ ଆସୁଛନ୍ତି। ବ୍ରହ୍ମପୁର ସ୍ଥିତ ଆମ୍ବପୁଆ ବିବେକ ବିହାରଠାରେ ଆୟୋଜିତ ବିରାଟ ଜନସଭାରେ ଯୋଗଦେବେ। ସେ ଏହି ଦିନ ସୁଭଦ୍ରା ଟଙ୍କା ବାଣ୍ଟିବାର କାର୍ଯ୍ୟକ୍ରମ ମଧ୍ୟ ରହିଥିବା ସୂଚନା ମିଳିଛି। ଏନେଇ ରାଜ୍ୟ ସରକାରଙ୍କ ବାଣିଜ୍ୟ, ପରିବହନ, ଖଣି ଓ ଇସ୍ପାତ ମନ୍ତ୍ରୀ ବିଭୂତି ଭୂଷଣ ଜେନା, ବ୍ରହ୍ମପୁର ବିଧାୟକ କେ ଅନୀଲ କୁମାର, ଦିଗପହଣ୍ଡି ବିଧାୟକ ଡ଼. ସିଦ୍ଧାନ୍ତ ମହାପାତ୍ର, ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା, ଗଞ୍ଜାମ ଏସପି ଶୁଭେନ୍ଧୁ ପାତ୍ର, ବ୍ରହ୍ମପୁର ଏଏସପି ସୀମା ସ୍ବାଇଁ ପ୍ରମୁଖ ସଭାସ୍ଥଳ ତଦାରଖ କରିଛନ୍ତି। ସାଧାରଣ ଲୋକ କିଭଳି ସୁବିଧାରେ ଆସିପାରିବେ ସେନେଇ ତଦାରଖ କରିଛନ୍ତି।
