Tag: ମନି ଲଣ୍ଡରିଂ ମାମଲା

ନୂଆଦିଲ୍ଲୀ: ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ତୃଣମୂଳ କଂଗ୍ରେସ (ଟିଏମସି) ମୁଖପାତ୍ର ସାକେତ ଗୋଖଲେଙ୍କୁ ଗିରଫ କରିଛି। ଗଣମାଧ୍ୟମ ଅନୁଯାୟୀ ଇଡି ଅଧିକାରୀ ଏହା ନିଶ୍ଚିତ କରିଛନ୍ତି। ସୂତ୍ରରୁ ପ୍ରକାଶ ଯେ, ଇଡି ଗୋଖଲେଙ୍କୁ ତାଙ୍କ ହେପାଜତ ପାଇଁ ସ୍ଥାନୀୟ କୋର୍ଟରେ ହାଜର କରିବ।

ଚାନ୍ଦା ମାଧ୍ୟମରେ ସଂଗୃହୀତ ପାଣ୍ଠିର ଅପବ୍ୟବହାର ଅଭିଯୋଗରେ ଗୋଖଲେଙ୍କୁ ଡିସେମ୍ବର ୩୦ ତାରିଖ ୨୦୨୨ରେ ଦିଲ୍ଲୀରୁ ଅହମ୍ମଦାବାଦ ସାଇବର କ୍ରାଇମ ଶାଖା ଗିରଫ କରିଥିଲା। ତାଙ୍କ ଉପରେ ଆଇପିସି ଧାରା ୪୨୦ (ପ୍ରତାରଣା), ୪୦୬ ଏବଂ ୪୬୭ (ଜାଲିଆତି) ଅନୁଯାୟୀ ଅଭିଯୋଗ ଲାଗିଛି।

ଏହାପୂର୍ବରୁ ବ୍ରିଜ ଭୁଶୁଡ଼ିବା ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୋର୍ବି ଗସ୍ତରେ ଆସିଥିବା ଖର୍ଚ୍ଚ ସମ୍ପର୍କରେ ମିଥ୍ୟା ଖବର ପ୍ରଚାର କରି ଗୋଖଲେଙ୍କୁ ଡିସେମ୍ବର ୬ ତାରିଖରେ ସାଇବର କ୍ରାଇମ ଶାଖା ଗିରଫ କରିଥିଲା। ଏହି ମାମଲାରେ ଜାମିନ ପାଇବା ପରେ ତାଙ୍କୁ ପୁଣି ଗିରଫ କରାଯାଇଥିଲା। ସେବେଠାରୁ ଗୋଖଲେ ନ୍ୟାୟିକ ହେପାଜତରେ ଅଛନ୍ତି।

ଜାନୁଆରୀ ୨୩ ତାରିଖରେ ଗୁଜୁରାଟ ହାଇକୋର୍ଟ ଚାନ୍ଦା ମାଧ୍ୟମରେ ସଂଗୃହିତ ଅର୍ଥର ଅପବ୍ୟବହାର ଅଭିଯୋଗରେ ଗୋଖଲେଙ୍କୁ ନିୟମିତ ଜାମିନ ଦେବାକୁ ମନା କରିଦେଇଥିଲେ। ହାଇକୋର୍ଟର ଜଷ୍ଟିସ ସମୀର ଦବେ ଗୋଖଲେଙ୍କୁ ଚାର୍ଜସିଟ ଦାଖଲ ହେବା ପରେ କୋର୍ଟଙ୍କ ନିକଟକୁ ଯିବାକୁ କହିଥିଲେ। ଜଷ୍ଟିସ୍ ଦବେ କହିଛନ୍ତି ଯେ ଚାର୍ଜସିଟ୍ ଦାଖଲ ହେବା ପରେ ହିଁ ଆମେ ଏହି ଆବେଦନ ଉପରେ ବିଚାର କରିବୁ।

ଗିରଫ ଏବଂ ହେପାଜତ ଶେଷ ହେବା ପରେ ଅହମ୍ମଦାବାଦର ଏକ ସେସନ୍ କୋର୍ଟ ଏବଂ ମାଜିଷ୍ଟ୍ରେଟ୍ କୋର୍ଟ ଗୋଖଲେଙ୍କୁ ଜାମିନ ଦେବାକୁ ମନା କରିଦେଇଥିଲେ। ଏହା ପରେ ଟିଏମସି ନେତା ହାଇକୋର୍ଟଙ୍କୁ ସ୍ଥାନାନ୍ତର କରିଥିଲେ। ସେ ଜାନୁଆରୀ ୫ ତାରିଖରୁ ନ୍ୟାୟିକ ହେପାଜତରେ ଅହମ୍ମଦାବାଦର ଏକ ଜେଲରେ ରହିଛନ୍ତି।

ନୂଆଦିଲ୍ଲୀ: ମନି ଲଣ୍ଡରିଂ ମାମଲାରେ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିସଙ୍କୁ ପଟିଆଲା ହାଉସ କୋର୍ଟରୁ ଏକ ବଡ଼ ଆଶ୍ଵସ୍ତି ମିଳିଛି। ତାଙ୍କୁ ୨ ଲକ୍ଷ ଟଙ୍କା ବ୍ୟକ୍ତିଗତ ବଣ୍ଡରେ କୋର୍ଟ ଆଜି ଜାମିନ ପ୍ରଦାନ କରିଛନ୍ତି। ଏଥିସହ କୋର୍ଟ ଏକ ସର୍ତ୍ତ ମଧ୍ୟ ରଖିଛନ୍ତି। କୋର୍ଟଙ୍କ ଅନୁମତି ବିନା ଜ୍ୟାକଲିନ ଦେଶ ଛାଡି ପାରିବେ ନାହିଁ। ମହା ଠକ ସୁକେଶ ଚନ୍ଦ୍ରଶେଖରଙ୍କ ସହ ଜଡିତ ୨୦୦ କୋଟି ଟଙ୍କା ହେରଫେର ମାମଲାର ଯାଞ୍ଚ ବେଳେ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ନାମ ସାମ୍ନାକୁ ଆସିଥିଲା।

ଅଭିନେତ୍ରୀ ତାଙ୍କଠାରୁ ଅନେକ ଦାମୀ ଉପହାର ପାଇଥିଲେ। ଜ୍ୟାକଲିନଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଏହାର ଚାର୍ଜସିଟରେ ଅଭିଯୁକ୍ତ ଭାବେ ନାମିତ କରି କହିଥିଲେ ଯେ ସେ ଠକେଇ ହୋଇଥିବା ଅର୍ଥର ହିତାଧିକାରୀ। ଏହି ମାମଲାରେ ଜ୍ୟାକଲିନ ଏକ ଜାମିନ ଆବେଦନ କରିଥିଲେ, ଯାହାକୁ ଇଡି ବିରୋଧ କରିଥିଲା, ଯାହାର ଅଭିଯୋଗ ହୋଇଥିଲା ଯେ ଜ୍ୟାକଲିନ ତଦନ୍ତରୁ ରକ୍ଷା ପାଇବାଆ ପାଇଁ ଦେଶ ଛାଡିପାରନ୍ତି।

ମୁମ୍ବାଇ: ଅର୍ଥ ହେରଫେର ମାମଲାରେ ଶିବସେନା ନେତା ସଞ୍ଜୟ ରାଉତଙ୍କୁ ଆଜି କୋର୍ଟ ଜାମିନ ପ୍ରଦାନ କରିଛନ୍ତି। ଅଗଷ୍ଟ ୧ ତାରିଖରେ ଇଡି ଦ୍ୱାରା ଗିରଫ ହୋଇଥିବା ସଞ୍ଜୟ ରାଉତଙ୍କୁ ତିନି ମାସ ପରେ ଜାମିନ ମିଳିଛି। ସଞ୍ଜୟ ରାଉତଙ୍କୁ ୨ ଲକ୍ଷ ଟଙ୍କା ବଣ୍ଡରେ ଜାମିନ ପ୍ରଦାନ କରାଯାଇଛି। ASG ଏହି ନିଷ୍ପତ୍ତି ଉପରେ ରହିତାଦେଶ ଚାହୁଁଛି। କୋର୍ଟଙ୍କ ନିଷ୍ପତ୍ତି ବିରୋଧରେ ଆବେଦନ କରିବାକୁ ASG ସମୟ ମାଗିଛନ୍ତି।

କୋର୍ଟ ସଞ୍ଜୟ ରାଉତଙ୍କୁ ଜାମିନ ଘୋଷଣା କରିବା ମାତ୍ରେ ତାଙ୍କ ସମର୍ଥକମାନେ ତାଳି ବଜାଇଥିଲେ।

ଅକ୍ଟୋବର ୨୧ ତାରିଖରେ ଜାମିନ ଆବେଦନ ଉପରେ ଉଭୟ ପକ୍ଷଙ୍କ ଯୁକ୍ତି ଶୁଣିବା ପରେ କୋର୍ଟ ଏହି ରାୟ ସଂରକ୍ଷିତ ରଖିଥିଲେ।

ନୂଆଦିଲ୍ଲୀ: ମନି ଲଣ୍ଡରିଂ ମାମଲାରେ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ ଅନ୍ତରୀଣ ଜାମିନ ପାଇଛନ୍ତି। ତାଙ୍କୁ ୫୦ ହଜାର ଟଙ୍କା ବ୍ୟକ୍ତିଗତ ବଣ୍ଡରେ ଜାମିନ ପ୍ରଦାନ କରାଯାଇଛି। ଜ୍ୟାକଲିନଙ୍କୁ ଚାର୍ଜସିଟର ଏକ କପି ଦିଆଯାଇଛି। ପିଙ୍କି ଇରାନୀ ମଧ୍ୟ ଆଜି କୋର୍ଟରେ ବିଚାରପତିଙ୍କ ନିକଟରେ ହାଜର ହୋଇଥିଲେ। ପଟିଆଲା ହାଉସ କୋର୍ଟ ପରବର୍ତ୍ତୀ ସମୟରେ ଅକ୍ଟୋବର ୨୨ ତାରିଖରେ ଜ୍ୟାକଲିନଙ୍କ ମାମଲାର ଶୁଣାଣି କରିବେ। ଉଲ୍ଲେଖ ଯୋଗ୍ୟ ଯେ, ସୁକେଶ ଚନ୍ଦ୍ରଶେଖର ମନି ଲଣ୍ଡରିଂ ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ତାଙ୍କ ବିରୋଧରେ ଏକ ଚାର୍ଜସିଟ୍ ଉପସ୍ଥାପନ କରିଥିଲା। ଇଡି ତାଙ୍କୁ ଚାର୍ଜସିଟରେ ଜଣେ ଅଭିଯୁକ୍ତ ବୋଲି କହିଥିଲା।