Tag: ମାତୋଶ୍ରୀ

ମୁମ୍ବାଇ: ମାତୋଶ୍ରୀରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଦ୍ଵାରା ଡକାଯାଇଥିବା ବୈଠକରେ କେବଳ ୧୨ ଜଣ ବିଧାୟକ ପହଞ୍ଚି ପାରିଛନ୍ତି। ଆଦିତ୍ୟ ଠାକରେଙ୍କ ସମେତ କେବଳ ୧୩ ଜଣ ବିଧାୟକଙ୍କ ସେଠାରେ ଉପସ୍ଥିତ ଅଛନ୍ତି। ଉପସ୍ଥିତ ଥିବା ୧୩ ବିଧାୟକଙ୍କ ମଧ୍ୟରୁ ଆହୁରି କିଛି ବିଧାୟକ ଠାକରେଙ୍କ ହାତ ଛାଡିପାରନ୍ତି ବୋଲି ଆଲୋଚନା ହେଉଛି।

ସେପଟେ ଏକନାଥ ସିନ୍ଦେ ୪୯ ଜଣ ବିଧାୟକଙ୍କ ସମର୍ଥନ ପାଇଛନ୍ତି। ସେଥିରୁ ଶିବସେନାରେ ୪୨ ଜଣ ବିଧାୟକ ଅଛନ୍ତି। ସେ ସେହି ବିଧାୟକଙ୍କ ସହ ଏକ ଭିଡିଓ ମଧ୍ୟ ଜାରି କରିଛନ୍ତି।

ମୁମ୍ବାଇ: ମହାରାଷ୍ଟ୍ରର ରାଜନୈତିକ ଅସ୍ଥିରତା ମଧ୍ୟରେ ବଡ ଖବର ସାମ୍ନା ଆସୁଛି। ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ତାଙ୍କ ସରକାରୀ ବାସଭବନ ‘ବର୍ଷା’ ବଙ୍ଗଳାକୁ ନିଜର ଜିନିଷପତ୍ର ସହିତ ମୁମ୍ବାଇ ଛାଡିଛନ୍ତି। ତାଙ୍କର ଜିନିଷପତ୍ର ସରକାରୀ ବାସଭବନରୁ ମାତୋଶ୍ରୀକୁ ସ୍ଥାନାନ୍ତର କରାଯାଇଛି। ବର୍ଷା ବଙ୍ଗଳା ମହାରାଷ୍ଟ୍ରର ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନ। ସରକାରୀ ବାସଭବନ ଛାଡିବାବେଳେ ସେଠାରେ ଉପସ୍ଥିତ ଥିବା ଲୋକଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି।

ମହାରାଷ୍ଟ୍ର ସରକାରଙ୍କ ମନ୍ତ୍ରୀ ଆଦିତ୍ୟ ଠାକରେ ମଧ୍ୟ ତାଙ୍କ ମାଆ ରଶ୍ମୀ ଠାକରେ ଏବଂ ଭାଇ ତେଜସ ଠାକରେଙ୍କ ସହ ସରକାରୀ ବାସଭବନ ଛାଡିଛନ୍ତି। ଯିବାବେଳେ ସେ କିଛି କହି ନଥିଲେ ଏବଂ କେବଳ ହସି ହସି ବାହାରିଯାଇଥିଲେ। ଏହି ସମୟରେ ସେଠାରେ ବହୁ ସଂଖ୍ୟକ ସମର୍ଥକ ଉପସ୍ଥିତ ଥିଲେ। ମୁଖ୍ୟମନ୍ତ୍ରୀ ବାସଭବନ ଛାଡିବାବେଳେ ସମର୍ଥକମାନେ ‘ଉଦ୍ଧବ, ତୁମେ ଆଗକୁ ବଢ, ଆମେ ତୁମ ସହିତ ଅଛୁ’ ର ସ୍ଲୋଗାନ ଦେଉଥିଲେ।

ଏହା ବ୍ୟତୀତ ବହୁ ସଂଖ୍ୟାରେ ଶିବସେନା କର୍ମୀ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବାସଭବନ ମାତୋଶ୍ରୀ ବାହାରେ ଏକତ୍ରିତ ହୋଇ ମୁମ୍ବାଇରେ ନିଜର ସମର୍ଥନ ଜଣାଇଥିଲେ। ଉଲ୍ଲେଖ ଯୋଗ୍ୟ ଯେ, ଆଜି ମହାରାଷ୍ଟ୍ରର ଲୋକଙ୍କୁ ଉଦ୍ଧବ ଠାକରେ ସମ୍ବୋଧିତ କରିଛନ୍ତି। ସେ କହିଥିଲେ ଯେ ଯଦି ବିଦ୍ରୋହୀ ବିଧାୟକମାନେ ତାଙ୍କୁ ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହାଁନ୍ତି ନାହିଁ, ତେବେ ସେ ତାଙ୍କ ପଦ ଛାଡିବାକୁ ପ୍ରସ୍ତୁତ ଅଛନ୍ତି।