ଅମରାବତୀ: ମାଷ୍ଟର ଡିଗ୍ରୀ ପଢିବା ପାଇଁ ଆମେରିକା ଯାଇଥିବା ଆନ୍ଧ୍ରପ୍ରଦେଶର ଜଣେ ୨୪ ବର୍ଷୀୟ ଛାତ୍ରଙ୍କୁ ଗୁଳି କରି ହତ୍ୟା କରାଯାଇଛି। ପୋଲିସର ସୂଚନାନୁସାରେ, ଆମେରିକାର ଓହିଓର ଇନ୍ଧନ ଷ୍ଟେସନରେ ଗୁଳି ଲାଗିବା ପରେ ଛାତ୍ର ଆହତ ହୋଇଥିଲେ, ଯେଉଁଠାରେ ସେ କାମ କରୁଥିଲେ। ଛାତ୍ରଏନକେ ପରିଚୟ ସାଇଶ ବୀରା ବୋଲି ଜଣାପଡିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ବୀରା ଆନ୍ଧ୍ରପ୍ରଦେଶର ବାସିନ୍ଦା ଥିଲେ।
ସୂଚନା ଅନୁଯାୟୀ, “ଏପ୍ରିଲ୍ ୨୦ ତାରିଖ ଦିନ ୧୨.୫୦ରେ କଲମ୍ବସ୍ ପୋଲିସ୍ ଅଧିକାରୀମାନେ ଡବ୍ଲୁ ବ୍ରଡ୍ ସେଣ୍ଟ ର ୧୦୦୦ ବ୍ଲକ୍ ରେ ଗୁଳି ଚଳାଇଥିବାର ଖବର ପାଇଥିଲେ। ପୋଲିସ ପହଞ୍ଚି ପୀଡିତଙ୍କୁ ସ୍ଥାନୀୟ ଡାକ୍ତରଖାନାକୁ ନେଇଥିଲେ। ପୋଲିସ କହିଶଚି ଯେ, ଜୀବନ ରକ୍ଷାକାରୀ ପଦକ୍ଷେପ ସତ୍ତ୍ୱେ ପୀଡିତଙ୍କୁ ରକ୍ଷା କରାଯାଇ ପାରି ନାହିଁ ଏବଂ ଡାକ୍ତରମାନେ ତାଙ୍କୁ ମୃତ ଘୋଷଣା କରିଛନ୍ତି। ଘଟଣାର ଅନୁସନ୍ଧାନ କରାଯାଉଛି ଏବଂ ପରିବାରବର୍ଗଙ୍କୁ ସୂଚନା ଦିଆଯାଇଛି। ସିସିଟିଭି କ୍ୟାମେରାରେ ଦେଖାଯାଇଥିବା ସନ୍ଦିଗ୍ଧଙ୍କ ଫଟୋକୁ ପୋଲିସ ମଧ୍ୟ ସେୟାର କରିଛି।
ବୀରା ଆମେରିକାରେ ତାଙ୍କ ମାଷ୍ଟର ପାଠ୍ୟକ୍ରମ ଅନୁସରଣ କରୁଥିଲେ ଏବଂ ଏଚ-୧ବି ଭିସା ନେଇ ଆମେରିକା ଯାଇଥିଲେ। ବୀରା ତାଙ୍କ ପରିବାରରେ ପ୍ରଥମ ଥର ପାଇଁ ଆମେରିକା ଆସିଥିଲେ ଏବଂ ତାଙ୍କ ପରିବାରକୁ ଉନ୍ନତ କରିବାକୁ ଚାହୁଁଥିଲେ।