ଲକ୍ଷ୍ନୌ: ଉତ୍ତରପ୍ରଦେଶର ମୁଜାଫରନଗର ଜିଲ୍ଲାର ଏକ ମୁସଲମାନ ପରିବାର ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ୯୦ ଲକ୍ଷ ଟଙ୍କା ମୂଲ୍ୟର ବ୍ୟକ୍ତିଗତ ସମ୍ପତ୍ତି ହସ୍ତାନ୍ତର କରିବାକୁ ଘୋଷଣା କରିଛନ୍ତି। ଯାହାଦ୍ୱାରା ଦେଶ ତଥା ରାଜ୍ୟର ମୁସଲମାନ ସମାଜକୁ ବାର୍ତ୍ତା ପହଞ୍ଚୁ ଯେ ମୁସଲମାନମାନେ ଅଯୋଧ୍ୟାକୁ ଭଲ ପାଆନ୍ତି।
ବାସ୍ତବରେ, ସହରର ଖାଲାପରର ବାସିନ୍ଦା ଡକ୍ଟର ମହମ୍ମଦ ସମର ଗଜନୀ ଶୁକ୍ରବାର ଦିନ ଘୋଷଣା କରିଛନ୍ତି ଯେ, ରାମ ମନ୍ଦିର ନିର୍ମାଣ ପାଇଁ ସେ ପ୍ରାୟ ୯୦ ଲକ୍ଷ ଟଙ୍କା ମୂଲ୍ୟର ବ୍ୟକ୍ତିଗତ ସମ୍ପତ୍ତି ରାଜ୍ୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଦେବାକୁ ଚାହୁଁଛନ୍ତି। ଯାହାଫଳରେ ଏହି ସମ୍ପତ୍ତି ବିକ୍ରୟ କରି ଏହାର ଅର୍ଥ ରାମ ମନ୍ଦିର ନିର୍ମାଣରେ ବ୍ୟବହୃତ ହୋଇପାରିବ ଏବଂ ଏକ ବାର୍ତ୍ତା ମୁସଲମାନ ସମ୍ପ୍ରଦାୟକୁ ଯାଇପାରିବ ଯେ ମୁସଲମାନ ଅଯୋଧ୍ୟା ଓ ଗେରୁଆକୁ ମଧ୍ୟ ଭଲ ପାଆନ୍ତି। ପ୍ରକାଶ ଯୋଗ୍ୟ ଯେ, ସମର ଗଜନୀ ହେଉଛନ୍ତି ସେହି ବ୍ୟକ୍ତି ଯିଏ କି ଗେରୁଆ ପୋଷାକ ପିନ୍ଧି ଇଦ୍ ପ୍ରାର୍ଥନା କରିବା ପରେ ଆଲୋଚନାକୁ ଆସିଥିଲେ।
ମହମ୍ମଦ ସମର ଗଜନୀ ବିଜେପି ସଂଖ୍ୟାଲଘୁ ସମାଜର ପୂର୍ବତନ ରାଜ୍ୟ ମନ୍ତ୍ରୀ ରହିଆସିଛନ୍ତି। ଯେଉଁମାନେ ବିଜେପିର ପ୍ରେମ ଏବଂ ଯୋଗୀ ଆଦିତ୍ୟନାଥଙ୍କ କାର୍ଯ୍ୟକଳାପରେ ପ୍ରଭାବିତ ହୋଇଛନ୍ତି ସେମାନେ ରାମ ମନ୍ଦିର ପାଇଁ ସେମାନଙ୍କ ସମ୍ପତ୍ତି ଦାନ କରିବାକୁ ଘୋଷଣା କରିଛନ୍ତି।