Tag: ରାଜଧାନୀ ଦିଲ୍ଲୀ

ନୂଆଦିଲ୍ଲୀ: ରାଜଧାନୀ ଦିଲ୍ଲୀର ସାକେତ କୋର୍ଟରେ ଜଣେ ମହିଳାଙ୍କୁ ଗୁଳି କରାଯାଇଛି। ଘଟଣା ପରେ ଘଟଣାସ୍ଥଳରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ଏନଏଫସି ପୋଲିସ ଷ୍ଟେସନ ମୁଖ୍ୟ ମହିଳାଙ୍କୁ ତାଙ୍କ କାରରେ ଡାକ୍ତରଖାନାରେ ଭର୍ତ୍ତି କରିଥିଲେ।

ପ୍ରାରମ୍ଭିକ ସୂଚନାରୁ ଜଣାପଡିଛି ଯେ, ମହିଳାଙ୍କୁ ଗୁଳି ଚଳାଇଥିବା ବ୍ୟକ୍ତି ହେଉଛନ୍ତି ତାଙ୍କ ସ୍ୱାମୀ। ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବିବାଦ ଲାଗି ରହିଛି। ଓକିଲଙ୍କ ୟୁନିଫର୍ମରେ ସ୍ୱାମୀ କୋର୍ଟକୁ ଆସିଥିଲେ।

କୁହାଯାଉଛି ଯେ, ଅଭିଯୁକ୍ତ ମହିଳାଙ୍କ ସହ ଟଙ୍କାକୁ ନେଇ ବିବାଦ ହୋଇଥିଲା। ଅଭିଯୁକ୍ତ ଜଣକ ବିହାରର ବାସିନ୍ଦା।

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀର ରୋହିଣୀ କୋର୍ଟରେ ଗ୍ୟାଙ୍ଗଷ୍ଟର ଜିତେନ୍ଦ୍ର ଗୋଗିଙ୍କୁ ଗୁଳି କରି ହତ୍ୟା କରାଯାଇଛି। କୋର୍ଟକୁ ଆସିଥିବା ଜିତେନ୍ଦ୍ର ଗୋଗୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ଏହି ହତ୍ୟା ରୋହିଣୀ କୋର୍ଟର ରୁମ୍ ନମ୍ବର -୨୦୭ ଭିତରେ ହୋଇଥିଲା। ତେବେ ପୋଲିସ ଘଟଣାସ୍ଥଳରେ ଆକ୍ରମଣକାରୀଙ୍କୁ ଏନକାଉଣ୍ଟର କରିଛି। ଗୁଳି ବିନିମୟରେ ତିନିରୁ ଚାରି ଜଣ ମଧ୍ୟ ଆହତ ହୋଇଛନ୍ତି। ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ଏନକାଉଣ୍ଟରରେ ଟିଲୁ ଗ୍ୟାଙ୍ଗର ଦୁଇଜଣ ଆକ୍ରମଣକାରୀଙ୍କ ମୃତ୍ୟୁ ହୋଇଥିବା ପୋଲିସ ସୂତ୍ରରୁ ପ୍ରକାଶ। ଏହି ଆକ୍ରମଣକାରୀମାନେ ଓକିଲଙ୍କ ପୋଷାକ ପିନ୍ଧି ରୋହିଣୀ କୋର୍ଟରେ ପ୍ରବେଶ କରିଥିଲେ। ସେମାନେ ଜିତେନ୍ଦ୍ର ଗୋଗୀଙ୍କୁ ଗୁଳି କରିଥିଲେ। ଟିଲୁ ଗ୍ୟାଙ୍ଗର ଆକ୍ରମଣକାରୀଙ୍କ ପରିଚୟ ଏପର୍ଯ୍ୟନ୍ତ ମିଳିପାରିନାହିଁ। ରାଜଧାନୀରେ ଏହି ଘଟଣା ପରେ ପୋଲିସ ପ୍ରଶାସନ ଏବଂ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି।

ଜିତେନ୍ଦ୍ର ଗୋଗୀ କିଏ?:

ଦିଲ୍ଲୀର ଶ୍ରେଷ୍ଠ ଗ୍ୟାଙ୍ଗଷ୍ଟରମାନଙ୍କ ମଧ୍ୟରେ ଜିତେନ୍ଦ୍ର ଗୋଗୀଙ୍କୁ ଗଣନା କରାଯାଏ। ଦିଲ୍ଲୀ ପୋଲିସ ତାଙ୍କ ଉପରେ ୪ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିଲା। ହରିୟାଣା ପୋଲିସ ମଧ୍ୟ ତାଙ୍କ ଉପରେ ୨.୫ ଲକ୍ଷ ଟଙ୍କା ପୁରସ୍କାର ରାଶି ରଖିଥିଲା। ଦିଲ୍ଲୀର ନରେଲା ଅଞ୍ଚଳରେ ସ୍ଥାନୀୟ ନେତା ବିରେନ୍ଦ୍ର ମାନଙ୍କ ହତ୍ୟାରେ ଗୋଗି ଏବଂ ତାଙ୍କ ସହଯୋଗୀମାନେ ସମ୍ପୃକ୍ତ ଥିଲେ। ଜିତେନ୍ଦ୍ର ଗୋଗି ମଧ୍ୟ ହରିୟାଣାର ପ୍ରସିଦ୍ଧ ଗାୟକ ହର୍ଷିତା ଦାହିଆଙ୍କୁ ହତ୍ୟା କରିଥିବା ଅଭିଯୋଗ ହୋଇଥିଲା। ଦିଲ୍ଲୀ ଏବଂ ହରିୟାଣା ଭଳି ରାଜ୍ୟରେ ଏହି ଗ୍ୟାଙ୍ଗଷ୍ଟର ପୋଲିସର ଟାର୍ଗେଟରେ ଥିଲା।

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଏକ ଲଜ୍ଜାଜନକ ଘଟଣା ଘାଟିଯାଇଛି। ଜଣେ ୯ ବର୍ଷର ନାବାଳିକା ଦୁଷ୍କର୍ମର ଶିକାର ହୋଇଛି। ଦିଲ୍ଲୀର ଶାଲିମାର ବାଗ ଅଞ୍ଚଳରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି।

ପୋଲିସର ସୂଚନାନୁସାରେ, ରବିବାର ଦିନ ନାବାଳିକା ଜଣକ ଘରୁ କିଛି ଜିନିଷ କିଣିବାକୁ ବାହାରକୁ ଯାଇଥିଲା। ଏହା ପରେ ଅଭିଯୁକ୍ତ ଶାହାରୁଖ ଓରଫ ସଲିମ ସେହି ନାବାଳିକା ଜଣଙ୍କୁ ନୂଆ ପୋଷାକ ଦେବା ବାହାନରେ ଏକ ଝୁପଡିକୁ ନେଇଯାଇଥିଲା। ଅଭିଯୁକ୍ତ ଜଣଙ୍କ ନାବାଳିକାକୁ ୫ ଘଣ୍ଟା ଧରି ସେଠାରେ ରଖି ଦୁଷ୍କର୍ମ କରିଥିଲା। ଏବଂ ପରେ ଅଭିଯୁକ୍ତଜଣଙ୍କ ତାଙ୍କ ଘର ପାଖରେ ଛାଡି ଦେଇଥିଲା। ଅଭିଯୁକ୍ତକୁ ପୋଲିସ ଗିରଫ କରିବା ସହ ତଦନ୍ତ ଜାରି ରଖିଛି।