ଭୁବନେଶ୍ବର: ରାଜ୍ୟରେ ଦର ଦାମ ବୃଦ୍ଧି ପ୍ରତିବାଦରେ ବିଜୁ ଜନତା ଦଳ ଆନ୍ଦୋଳନକୁ ଓହ୍ଲାଇଛି। ଆଜି ବିଜୁ ଜନତା ଦଳ ଦର ଦାମ ବୃଦ୍ଧି ପ୍ରତିବାଦରେ ରାଜଭବନ ସମ୍ମୁଖରେ ଆନ୍ଦୋଳନ କରୁଛି। ପେଟ୍ରୋଲ-ଡିଜେଲ ଏବଂ ଇନ୍ଧନ ଗ୍ୟାସ ଦରର ବୃଦ୍ଧିକୁ ନେଇ ବିଜୁ ଜନତା ଦଳ ରାସ୍ତାକୁ ଓହ୍ଲାଇଛି।
ନଭେମ୍ବର ପହିଲାରୁ ରାଜ୍ୟର ୧୪୭ ନିର୍ବାଚନମଣ୍ଡଳୀରେ ଆନ୍ଦୋଳନ କରାଯିବ ବୋଲି ବିଜେଡ଼ି ଘୋଷଣା କରିଛି। ଆସନ୍ତାକାଲି ମହିଳା ବିଜେଡ଼ି ମଧ୍ୟ ରାସ୍ତାକୁ ଓହ୍ଳାଇବ। ସେମାନେ ଗ୍ୟାସ ଦର ବୃଦ୍ଧି ପ୍ରତିବାଦରେ କେନ୍ଦ୍ର ସରକାର ବିରୋଧରେ ଆନ୍ଦୋଳନ କରିବେ। ସେହିଭଳି ଆସନ୍ତା ୫ ତାରିଖରେ ରାଜ୍ୟର ସବୁ ପେଟ୍ରୋଲ ପମ୍ପ ସମ୍ମୁଖରେ ଛାତ୍ର ବିଜେଡ଼ି ମଧ୍ୟ ବିରୋଧ ପ୍ରଦର୍ଶନ କରିବ।