ଚଣ୍ଡିଗଡ: କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ଆଜି ବରିଷ୍ଠ ଭାରତୀୟ ପ୍ରଶାସନିକ ସେବା ଅଧିକାରୀ ପରମଜିତ ସିଂଙ୍କୁ ୨ ଲକ୍ଷ ଟଙ୍କା ଲାଞ୍ଚ ଗ୍ରହଣ କରିଥିବା ଅଭିଯୋଗରେ ଗିରଫ କରିଛି। ପଞ୍ଜାବ ରୋଡୱେର ନିର୍ଦ୍ଦେଶକ ଭାବରେ ପଦୋନ୍ନତି କରିବା ଲାଗି ଜଣେ ଅଧିକାରୀଙ୍କ ନାମ ସୁପାରିଶ କରିବା ପାଇଁ ୨ ଲକ୍ଷ ଟଙ୍କା ଲାଞ୍ଚ ନେଉଥିବା ଅଭିଯୋଗ ହୋଇଛି।
ସିବିଆଇ ମୁଖପାତ୍ର ଆରସି ଯୋଶୀ କହିଛନ୍ତି ଯେ, ଅଭିଯୋଗ ଏବଂ ପ୍ରାଥମିକ ଯାଞ୍ଚ ପରେ ସିବିଆଇ ଟିମ୍ ଚଢାଉ କରି ୨ ଲକ୍ଷ ଟଙ୍କା ଲାଞ୍ଚ ନେଇଥିବା ଅଭିଯୋଗରେ ସିଂଙ୍କୁ ଧରିଥିଲା। ସେ କହିଛନ୍ତି ଯେ, ସିଂଙ୍କୁ ଗିରଫ କରିବା ପ୍ରକ୍ରିୟା ଚାଲିଛି। ଆଜି ଚଣ୍ଡିଗଡ଼ ଏବଂ ମୋହାଲିରେ ଅଭିଯୁକ୍ତଙ୍କ ଘର ତଲାସି କରାଯାଉଛି।