ନୂଆଦିଲ୍ଲୀ: ଆଜି ଦିଲ୍ଲୀ ପୋଲିସ ଅଭିନେତ୍ରୀ ନୋରା ଫତେହିଙ୍କୁ ସୁକେଶ ଚନ୍ଦ୍ରଶେଖରଙ୍କ ସହ ଜଡିତ ୨୦୦ କୋଟି ଟଙ୍କା ମାମଲାରେ ପଚରାଉଚରା କରିଛି। ଦିଲ୍ଲୀ ପୋଲିସ ସାମ୍ନାରେ ନୋରା ଫତେହି ଅନେକ ଖୁଲାସା କରିଛନ୍ତି। ପଚରାଉଚରା ବେଳେ ନୋରା ପୋଲିସକୁ କହିଥିଲେ ଯେ, ସେ ସୁକେଶଙ୍କ ସହ ସମ୍ପର୍କ ଭାଙ୍ଗିଥିବାରୁ ସେ ବଳପୂର୍ବକ ସମ୍ପର୍କ ରଖିବାକୁ ଚେଷ୍ଟା କରୁଥିଲେ।
ପ୍ରକାଶ ଯୋଗ୍ୟ ଯେ, ଆଜି ନୋରା ଫତେହି ଏବଂ ପିଙ୍କି ଇରାନୀଙ୍କୁ ପଚରାଉଚରା କରାଯାଇଥିଲା। ଦିଲ୍ଲୀ ପୋଲିସର ଇକୋନୋମିକ୍ ଅଫେନ୍ସ ୱିଙ୍ଗ (EOW) ୫ ଘଣ୍ଟିଆ ଜେରା ବେଳେ ଅନେକ ପ୍ରଶ୍ନ ଉଠାଇଥିଲା। ଦିଲ୍ଲୀ ସ୍ପେଶାଲ ସେଲ ସିପି କ୍ରାଇମ ରବିନ୍ଦ୍ର ସିଂ ଯାଦବ କହିଛନ୍ତି ଯେ, ଆଜି ନୋରା, ମେହବୁବ ଏବଂ ପିଙ୍କି ଇରାନୀଙ୍କୁ ଏକାଠି ବସି ପଚରାଉଚରା କରାଯାଇଥିଲା। ଆମେ ତିନିଜଣଙ୍କ ବିବୃତ୍ତି ପରେ ସନ୍ତୁଷ୍ଟ। ମେହବୁବକୁ ଉପହାର ଦିଆଯାଇଥିବା ୬୫ ଲକ୍ଷ କାରକୁ ସେ ଆଗରୁ ବିକ୍ରି କରିଦେଇଥିଲେ। ଏହି ସୂଚନା ମଧ୍ୟ ଇଡି ସଜ୍ଞାନରେ ଅଛି।
ଏଥି ସହିତ, ସେ କହିଥିଲେ ଯେ, ନୋରା ଥରେ ଉପହାର ନେଇଥିଲେ ଏବଂ ଯେତେବେଳେ ସେ ଜାଣିବାକୁ ପାଇଲେ ଯେ ଏହା ଅଧିକ ଘଟୁଛି, ସେତେବେଳେ ସେ ସମ୍ପର୍କ ଭାଙ୍ଗିଥିଲେ। ଦ୍ୱିତୀୟ (ଜ୍ୟାକଲିନ୍) ମାମଲାରେ ଉପହାର ନିଆଯାଇଥିଲା। କିନ୍ତୁ ସେ ମନା କରିବା ପରେ ମଧ୍ୟ ଜାରି ରଖିଥିଲେ। ତେଣୁ ଉଭୟ ମାମଲାରେ ପାର୍ଥକ୍ୟ ଅଛି, ଏହା ପରବର୍ତ୍ତୀ ଅନୁସନ୍ଧାନରେ ଜଣା ପଡିବ।
