ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ବ୍ରହ୍ମପୁର ସହରରେ ଥିବା ସମସ୍ତ ମେଡ଼ିସିନ୍ ସେଲସ୍ ରିପ୍ରେଜେଣ୍ଟେଟିଭ୍ମାନଙ୍କୁ ନେଇ ଆଜିଠାରୁ କେସି ହାଇସ୍କୁଲ ପଡ଼ିଆରେ ଶୀତଦିନିଆ କ୍ରିକେଟ୍ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇଯାଇଛି। ବ୍ରହ୍ମପୁର ବିଧାୟକ ବ୍ରିକମ କୁମାର ପଣ୍ଡା ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟିତ କରିଥିବାବେଳେ ସମ୍ମାନିତ ଅତିଥି ଭାବେ ବିଜେଡ଼ି ସଂପାଦକ ସୁବାସ ମହାରଣା ଯୋଗ ଦେଇଥିଲେ।
ମ୍ୟାଚଗୁଡ଼ିକ କେବଳ ଚାରୋଟି ରବିବାର ଯଥା ୨୦.୧୨.୨୦୨୦ ଠାରୁ ୭.୧.୨୦୨୧ ମଧ୍ୟରେ ଅନୁଷ୍ଠିତ ହେବ। ଏଥିରେ ସମୁଦାୟ ୪ଟି ଦଳ(ଚମ୍ପିୟାନ ୧୧, ରାଇଜିଂ ଷ୍ଟାର, ରୟାଲ ୧୧, କୁଲ କିଙ୍ଗ) ଭାଗ ନେଉଛନ୍ତି।
ଆଜି ପ୍ରଥମ ରବିବାରରେ ଦୁଇଟି ମ୍ୟାଚ ଖେଳାଯାଇଥିଲା। ପ୍ରଥମ ମ୍ୟାଚ ଚମ୍ପିୟାନ-୧୧ ସହ ରାଇଜିଂ-୧୧ ମଧ୍ୟରେ ଅନୁଷ୍ଠିତ ହୋଇଥିବାବେଳେ ରାଇଜିଂ ଟସ୍ ଜିତି ନିର୍ଦ୍ଧାରିତ ୧୫ ଓଭର୍ରେ ୧୫୦ କରିଥିବାବେଳେ ଚମ୍ପିୟାନ-୧୧, ୧୫୪ ରନ୍ କରି ବିଜୟୀ ହୋଇଥିଲେ। ଦଳ ପକ୍ଷରୁ ବିଶ୍ୱ ପଣ୍ଡା ସର୍ବାଧିକ ୧୧୦ ରନ କରି ବିଜୟୀ କରାଇଥିଲେ।
ଦ୍ୱିତୀୟ ମ୍ୟାଚ କୁଲ କିଲର ସହ ରୟାଲ୍-୧୧ ମଧ୍ୟରେ ଅନୁଷ୍ଠିତ ହୋଇଥିଲା। ରୟାଲ୍-୧୧, ନିର୍ଦ୍ଧାରିତ ଓଭର୍ରେ ୧୪୨ ରନ କରିଥିବାବେଳେ କୁଲକିଲର ରନ୍ ପିଛା କରି ୧୪୪ ରନ୍ କରି ବିଜୟୀ ହୋଇଥିଲା। ଦଳ ପକ୍ଷରୁ ସଂଗ୍ରାମ ଧୂଆଁଦାର ୩୦ ଟି ବଲ୍ରେ ୬୦ ରନ୍ କରି ବିଜୟୀ କରାଇଥିଲେ।
ମ୍ୟାଚକୁ ଅମ୍ପାୟାର ଭାବେ ଚକ୍ରଧର ପରିଚାଳନା କରିଥିବାବେଳେ ସ୍କୋରର ଭାବେ ରବି କୁମାର ରହିଥିଲେ। ଅନ୍ୟମାନଙ୍କ ମଧ୍ୟରେ ଓସ୍ରୁର ବିଏନ୍ ସାହୁ, ମୁଖ୍ୟ ଆୟୋଜକ ସୂର୍ଯ୍ୟ ନାରାୟଣ ପରିଡ଼ା ଆୟୋଜନ କରିଥିଲେ। ସ୍ୱେଚ୍ଛାସେବୀ ଭାବେ ଈଶ୍ୱର, ଭୂଜଙ୍ଗ, ଆନନ୍ଦ, ନୀଳା, ଭବାନୀ, ଶ୍ରୀନିବାସ ପ୍ରମୁଖ ଯୋଗ ଦେଇଥିଲେ।