କନ୍ଦର୍ପ ବେହେରା
ରେଢାଖୋଲ: ଦେଶରେ ଜନସଂଖ୍ୟାର ସଠିକ୍ ସନ୍ତୁଳନ ହେଲେ ଦେଶର ଉନ୍ନତି ସମ୍ଭବ। ଅତ୍ୟଧିକ ଜନସଂଖ୍ୟା ବୃଦ୍ଧି ଯୋଗୁଁ ଭାରତରେ ଆଇନ ଶୃଙ୍ଖଳା ପରିସ୍ଥିତି ମଧ୍ୟ ଧ୍ୱଂସ ହେବାରେ ଲାଗିଛି। ସଂସଦରେ ଜନସଂଖ୍ୟା ବୃଦ୍ଧିକୁ କିପରି କମାଯାଇପାରିବ ସେ ଉପରେ ଏକ ବିଲ୍ ଆଗତ କରିବା ସହ ଦୁଇଟି ସନ୍ତାନ ଜନ୍ମ ହେବା ଉପରେ ବ୍ୟବସ୍ଥା କରିବାକୁ ଦାବୀ ହେଉଛି। ଜନସଂଖ୍ୟା ବୃଦ୍ଧି କାରଣରୁ ସରକାର ଏତେ ବଡ ଜନସଂଖ୍ୟାକୁ ପାନୀୟ ଜଳ , ପର୍ଯ୍ୟବରଣ, ସ୍ୱାସ୍ଥ୍ୟ ଓ ଶିକ୍ଷା ସମେତ ଅନ୍ୟାନ୍ୟ ସରକାରୀ ଜନ ମଙ୍ଗଳକାରୀ ଯୋଜନା ଯୋଗାଇବାରେ ଅସମ୍ଭବ ହୋଇପଡିଛି।
ଆଜି ପ୍ରଧାନମନ୍ତ୍ରୀଙ୍କ ପାଖକୁ ନାକଟିଦେଉଳ ବିଡିଓ ବିବେକାନନ୍ଦ ସାହୁଙ୍କ ମାଧ୍ୟମରେ ଏକ ସ୍ମାରକପତ୍ର ଜନସଂଖ୍ୟା ସମାଧାନ ଫାଉଣ୍ଡେସନ୍ ତରଫରୁ ପଠାଯାଇଛି। ଆଇନ୍ ଅବମାନକାରୀ ଦମ୍ପତିମାନଙ୍କ ବିରୁଦ୍ଧରେ ଦୃଢ କାର୍ଯ୍ୟନୁଷ୍ଠାନ ସହ ଆର୍ଥିକ ଜୋରିମାନା ଏବଂ ଜେଲ୍ ଦଣ୍ଡାଦେଶ ସହ ମତାଧିକାରରୁ ବଂଚିତ କରାଯିବାକୁ ଏହି ଫାଉଣ୍ଡେସନ୍ ଦାବି କରିଛି।
ଏହି ଦାବୀ ପତ୍ର ପ୍ରଦାନରେ ଜନସଂଖ୍ୟା ସମାଧାନ ଫାଉଣ୍ଡେସନ୍ ର ରାଜ୍ୟ ଉପସଭାପତି ଗୋବିନ୍ଦ ଅଗ୍ରଓାଲ , କୁମାରେଶ ସ୍ୱାଇଁ , ହରିହର ସାହୁ , ହେମନ୍ତ ନାୟକ ପ୍ରମୁଖ ସାମିଲ୍ ହୋଇଥିଲେ।
