ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଐତିହାସିକ ପଞ୍ଚୁଦୋଳ ଦେଖିବା ପାଇଁ ପଲଟଣ ପଡିଆ ଠାରେ ଲକ୍ଷାଧିକ ଜନ ସମାବେଶ ହୋଇଥିଲା। ଯାହାଫଳରେ ପଡିଆ ଭିତରେ ବହୁ ଆବର୍ଜନା ପଡି ପୁତିଗନ୍ଧମୟ ପରିବେଶ ସୃଷ୍ଟି ହୋଇଥିଲା। ଏହାକୁ ସଫା କରିବାକୁ ଅଣ୍ଟା ଭିଡ଼ିଥିଲା ବାଣପୁର ବିଜେପି।
ଆଜି ପ୍ରଧାନମନ୍ତ୍ରୀଙ୍କ ଆହ୍ୱାନ କ୍ରମେ ବିଜେପିର ବହୁ କର୍ମୀ ଏହି ସ୍ୱଚ୍ଛତା ଅଭିଯାନରେ ସାମିଲ ହୋଇ ପଞ୍ଚୁଦୋଳ ପଡିଆକୁ ସଫା କରିଥିଲେ। ଉକ୍ତ ସ୍ୱଚ୍ଛତା ଅଭିଯାନରେ ବାଣପୁର ମଣ୍ଡଳ ସଭାପତି ଭଗବାନ ପ୍ରଧାନ, ବିରିଜାଈ ମଣ୍ଡଳ ସଭାପତି ଜିତେନ୍ଦ୍ର ଭୋଳ, ବାଣପୁର ଯୁବମୋର୍ଚ୍ଚା ସଭାପତି ଅମିତାଭ ପଟ୍ଟଯୋଶୀ, ସୁଧୀର କୁମାର ପାତ୍ର, ବିଜେପିର ସମସ୍ତ କାଉନସିଲ ଏବଂ ବିଜେପିର ବହୁକର୍ମୀ ଉପସ୍ଥିତ ଥିଲେ। ଏହି କାର୍ଯ୍ୟକୁ ଜନସାଧାରଣମାନେ ପ୍ରଶଂସା କରିଛନ୍ତି।