ରଣପୁର: ଦୁଇ ଦିନିଆ ଶିକ୍ଷଣ ସାମଗ୍ରୀ ପ୍ରସ୍ତୁତି କର୍ମଶାଳା ଆଜି ଉଦଜାପିତ ହୋଇଯାଇଛି। ନୟାଗଡ ଜିଲ୍ଲା ରଣପୁର ବ୍ଲକ ନରସିଂହପୁର କ୍ଲଷ୍ଟରର ନରସିଂହପୁର ମଧ୍ୟ ଇଁରାଜୀ ବିଦ୍ୟାଳୟରେ ଚାଲିଥିବା ଏହି କର୍ମଶାଳାକୁ ସକାଳ ୭ ଘଟିକା ସମୟରେ ବିଦ୍ୟାଳୟର ପ୍ରଧାନ ଶିକ୍ଷକ ଅଶୋକ କୁମାର ଦାଶ ଓ ସାଧନ କେନ୍ଦ୍ର କର୍ମୀ ସୁଶୀଲ କୁମାର ରଣା ପ୍ରଭୁ ଜଗନ୍ନାଥଙ୍କୁ ପୁଷ୍ପ ଓ ଧୂପ ଦେଇ କାର୍ଯ୍ୟକ୍ରମ ଆରମ୍ଭ କରିଥିଲେ। ଏହା ପରେ ପ୍ରଶିକ୍ଷିକା ଉର୍ମିଳା ଦେଇ ଅଦରକାରୀ ନିମନ୍ତ୍ରଣ କାର୍ଡ, ପେଟିରେ କିପରି ଭାବେ ପାଠ ବିଷୟ ବସ୍ତୁ ଭିତିକ ଶିକ୍ଷା ଉପକରଣ ତିଆରି ହୋଇ ପାରିବ ସେ ସମ୍ବନ୍ଧରେ ତାଲିମ ପ୍ରଦାନ କରିଥିଲେ।
ଏହା ପରେ ପ୍ରଶିକ୍ଷକ ତଥା ମାଟି କାରିଗର ମାଟିରେ ହାତୀ, ଘୋଡା, କଇଁଛ, ଦୀପ, ଗଣେଶ ଆଦି ମଡେଲ ପ୍ରସ୍ତୁତି କରିବା କୌଶଳ ସମ୍ବନ୍ଧରେ ତାଲିମ ପ୍ରଦାନ କରିଥିଲେ | ଚିତ୍ତ ରଞ୍ଜନ ବାରିକ ରଙ୍ଗୀନ କାଗଜକୁ ବ୍ୟବହାର କରି କିପରି ଭାବେ ଶ୍ରେଣୀ ଗୃହକୁ ସଜା ଯାଇ ପାରିବ ଏବଂ ପ୍ରଶିକ୍ଷକ କମଳକାନ୍ତ ସ୍ୱାଇଁ ନଡ଼ିଆ ସଢ଼େଇରେ ବିଭିନ୍ନ ପାଠ୍ୟ ଉପକରଣ ଓ ଘର ସାଜସଜ୍ଜା ଉପକରଣ ପ୍ରସ୍ତୁତି କୌଶଳ ସମ୍ବନ୍ଧରେରେ ତାଲିମ ପ୍ରଦାନ କରିଥିଲେ। ଶେଷରେ ବରିଷ୍ଠ ଶିକ୍ଷକ ନୀଳାଦ୍ରି ସୁବୁଦ୍ଧି ସମସ୍ତଙ୍କୁ ଧନ୍ୟବାଦ ପ୍ରଦାନ କରି ଏହି ଶିବିରକୁ ଉଦଯାପିତ କରିଥିଲେ।
ସେହିପରି ରାମଚନ୍ଦ୍ର ବେହେରାଙ୍କ ତତ୍ୱାବଧାନରେ ଚାଲିଥିବା ସାରଙ୍ଗଧରପୁର କ୍ଲଷ୍ଟର, ରସାନନ୍ଦ ବେହୁରାଙ୍କ ତତ୍ୱାବଧାନରେ ଚାଲିଥିବା ତାରିଆ କ୍ଲଷ୍ଟର, ପ୍ରଶାନ୍ତ କୁମାର ସାହୁଙ୍କ ତତ୍ୱାବଧାନରେ ଚାଲିଥିବା ଚାନ୍ଦପୁର କ୍ଲଷ୍ଟର, ପ୍ରଦୀପ ରଞ୍ଜନ ଖୁଣ୍ଟିଆଙ୍କ ତତ୍ୱାବଧାନରେ ଚାଲିଥିବା କେରଣ୍ଡାଟାଙ୍ଗୀ କ୍ଲଷ୍ଟର, ଅଶୋକ କୁମାର ସାମନ୍ତରାୟଙ୍କ ତତ୍ୱାବଧାନରେ ଚାଲିଥିବା ବାଉଁଶଗଡ଼ କ୍ଲଷ୍ଟର ସହିତ ଅନ୍ୟ ସମସ୍ତ କ୍ଲଷ୍ଟରରେ ମଧ୍ୟ ଏହି କର୍ମଶାଳା ଉଡାଯାପିତ ହୋଇ ଯାଇଛି।