ରଣପୁର: ଆଜି ସନ୍ଧ୍ୟା ୬ ଘଟିକା ସମୟରେ ରଣପୁର ଜଗନ୍ନାଥ ସେନା ତରଫରୁ ଦୀର୍ଘ ଦିନ ଧରି ମହାପ୍ରଭୁଙ୍କ ରଥକାର୍ଯ୍ୟରେ କଳା, ସଂସ୍କୃତି ଓ ପରମ୍ପରାକୁ ବଞ୍ଚାଇ ରଖି ରଥ କାର୍ଯ୍ୟ ସୁଚାରୁରୂପେ ସମ୍ପାଦନା କରିଥିବାରୁ ପ୍ରଥମ ଥର ପାଇଁ ଜଗନ୍ନାଥ ସେନା ତରଫରୁ ମହାରଣା ସେବକଙ୍କୁ ଉତ୍ତରୀୟ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଛି। ଏହି କାର୍ଯ୍ୟକ୍ରମରେ ଜଗନ୍ନାଥ ସେନାର ସଦସ୍ୟ ମନୋରଞ୍ଜନ ମହାପାତ୍ର, ଶ୍ରୀକାନ୍ତ କୁମାର ସାହୁ, ବୁନୁ ପଟ୍ଟନାୟକ, ନିର୍ମଳ ବେହେରା, ଆଇନୀଜୀବୀ ପ୍ରିୟବ୍ରତ ପ୍ରହରାଜ, ଅବସରପ୍ରାପ୍ତ ପ୍ରାଧ୍ୟାପକ ବିଜୟ କୁମାର ଜେନା, ଅଶୋକ କୁମାର ତୋଟାଳ ପ୍ରମୁଖ ସହଯୋଗ କରିଥିଲେ।
ଏହି ସମ୍ବର୍ଦ୍ଧନା କାର୍ଯ୍ୟକ୍ରମ ପାଇଁ ରଥ ମହାରଣା ସୁରେଶ ଚନ୍ଦ୍ର ମହାରଣା ଜଗନ୍ନାଥ ସେନାର ସଦସ୍ୟମାନଙ୍କୁ ଧନ୍ୟବାଦ ଦେଇଥିଲେ।