କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବ୍ଲକ୍ ସ୍ଥିତ ରାଜୀବ ଗାନ୍ଧୀ ସେବା କେନ୍ଦ୍ର ଠାରେ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନାର ବ୍ଲକ୍ ସ୍ତରୀୟ ଜନଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି । ଏହି ଜନଶୁଣାଣୀ ଶିବିରରେ ସରୋଜ ମିଶ୍ର ଭୁଅର୍ଜନ ଅଧିକାରୀ ସମ୍ବଲପୁର ସଭାପତିତ୍ୱ କରିଥିଲେ। ଏଥିରେ ରେଢାଖୋଲ ବିଡିଓ ପରୀକ୍ଷିତ ସାହୁ, ଆର୍ତତ୍ରାଣ ଶତପଥ , ଡିଏସ୍ଏ , ସମ୍ବଲପୁର ଗୋପାଲ ପଟେଲ ଏପିଓ ରେଢାଖୋଲ , ବିକ୍ରମ ମୁର୍ମୁ ଏଇଇ,ରେଢାଖୋଲ ତଥା ରେଢାଖୋଲ ବ୍ଲକ୍ ର ସମସ୍ତ ନିର୍ବାଚିତ ଅଧିକାରୀ , ପିଇଓ , ଜିଆର୍ଏସ୍ ଆଦି ଯୋଗଦେଇଥିଲେ । ରେଢାଖୋଲ ବ୍ଲକରେ୧୦୦ ଦିନ ଶ୍ରମଦିବସ ସୃଷ୍ଟିପାଇଁ ଲକ୍ଷ୍ୟ ଧାର୍ଯ୍ୟ ହୋଇଥିବା ବେଳେ ୨୦୧୯-୨୦ ଆର୍ଥିକ ବର୍ଷରେ ୧୪୩୮୬୧ ଶ୍ରମ ଦିବସ ସୃଷ୍ଟି ହୋଇଥିବା ଜଣା ପଡିଛି । ଖର୍ଚ୍ଚ ହୋଇଛି ୪୧୯.୭୩ ଲକ୍ଷ । ନିଦ୍ଧାରିତ ସମୟରେ ଶ୍ରମ ଦିବସ ପ୍ରଦାନ ହୋଇଛି ଶତକଡା ୯୯.୧୫ । ପ୍ରକଳ୍ପ ଆରମ୍ଭ ହୋଇଛି ୨୧୭୦ ଟି ଏବଂ ସଂପୂର୍ଣ ହୋଇଛି ୧୪୨୫ ଟି । ମହିଳା ମାନଙ୍କ ଶ୍ରମଦିବସ ସୃଷ୍ଟି ଶତକଡା ୩୮.୪୫ ଓ ହାରାହାରି ଶ୍ରମ ଦିବସ ପ୍ରଦାନ ଶତକଡା ୪୦.୮୧ । ଆଧାର ସଂଯୋଗୀ କରଣ ହୋଇଛି ଶତକଡା ୯୧.୩୩ ଏବଂ ଠିକ୍ ସମୟରେ ପାଉଣା ପାଇଛନ୍ତି ଶତକଡା ୯୯.୧୫ ।
ଏହି ଶିବିରରେ ଗ୍ରାମୀଣ ଆବାସ ଯୋଜନାରେ ହିତାଧିକାରୀମାନେ କିପରି ତାଙ୍କର ପ୍ରାପ୍ୟ ଶ୍ରମଦିବସ ପାଇପାରିବେ ତା ଉପରେ ଆଲୋଚନା ହୋଇଥିଲା। ଏଥିପାଇଁ ଉପଯୁକ୍ତ ପଦକ୍ଷେପ ନିଆଯିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଥିଲା । ହେଲେ ଏହି ଜନଶୁଣାଣୀ ଏକ ପ୍ରହସନରେ ପରିଣତ ହୋଇଛି । ଶ୍ରମିକ ମାନେ ଅଧିକ ସଂଖ୍ୟାରେ ରହି ନିଜନିଜ ର ମତା ମତ ଦେବା ସହ ସେମାନେ ଠିକ୍ ସମୟରେ ପାଉଣା ପାଉଛନ୍ତି କି ନାହିଁ ସେ ସଂପର୍କରେ ଶ୍ରମିକ ମାନେ ଅଭିଯୋଗ କରିବା କଥା। ହେଲେ ଶ୍ରମିକ ମାନଙ୍କୁ ଦେଖିବାକୁ ମିଳି ନ ଥିଲା । କେବଳ ସରକାରୀ କର୍ମଚାରୀ ଓ ନିର୍ବାଚିତ ପ୍ରତିନିଧିମାନେ ବେଶୀ ସଂଖ୍ୟାରେ ଉପସ୍ଥିତ ଥିଲେ । ଯେଉଁ ଉଦ୍ଦେଶ୍ୟରେ ଏହି ଶୁଣାଣୀ ହେବା କଥା ତାହା ହୋଇ ନ ଥିଲା। ଶେଷରେ ଏନ୍ଆର୍ଇଜିଏସର ସହକାରୀ ହେମନ୍ତ କୁମାର ଅଦାବର ଧନ୍ୟବାଦ ଅର୍ପଣ କରିଥିଲେ ।