କନ୍ଦର୍ପ ବେହେରା
ରେଢାଖୋଲ : ରେଢାଖୋଲ ଥାନା ଶିମିଳିପାଳ ହାଇସ୍କୁଲ ଖେଳପଡିଆରେ ରେଢାଖୋଲ ପୋଲିସ୍ର ଏକ ଜନସମ୍ପର୍କ ଶିବିର ଅନୁଷ୍ଠିତ ହୋଇଯାଇଛି ।
ରେଢାଖୋଲ ଏସ୍ଡିପିଓ ହାଡ଼ିବନ୍ଧୁ ସ୍ବାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଚେତନତା କାର୍ଯ୍ୟକ୍ରମରେ ରେଢାଖୋଲ ଥାନାଧିକାରୀ ପ୍ରଶାନ୍ତ କୁମାର ସାମଲ, ସମ୍ବଲପୁରର ଆରଆଇ ମଧୁସୂଦନ ମହାପାତ୍ର, ସୁବେଦାର ହିମାଂଶୁ ଭୋଇ, ଡଇଁଚା ସରପଞ୍ଚ ପ୍ରବୀଣ କୁମାର ପ୍ରଧାନ, ଶିମିଳିପାଳ ସରପଞ୍ଚ ସଂଜିତ୍ ତିରିଆ, ଘୋଷରାମାଳ ସରପଞ୍ଚ ଅମ୍ରିତ ପାନ୍ନା, ଶିମିଳିପାଳ ହାଇସ୍କୁଲର ପ୍ରଧାନ ଶିକ୍ଷକ ପ୍ରଶାନ୍ତ ସାହୁ ପ୍ରମୁଖ ଅତିଥି ଭାବରେ ଯୋଗଦେଇଥିଲେ । ପୋଲିସ୍ ଓ ଜନସାଧାରଣ କୌଣସି ଅସୁବିଧାର ସମ୍ମୁଖୀନ ହେଲେ ପୋଲିସ୍ ସହ ଯୋଗାଯୋଗ ରଖିବାକୁ ଅତିଥିମାନେ ମତ୍ୟବକ୍ତ ରଖିଥିଲେ ।
ଡଇଁଚା ଓ ଶିମିଳିପାଳ କ୍ରିକେଟ୍ ଟିମ୍ ମଧ୍ୟରେ ଏକ କ୍ରିକେଟ୍ ମ୍ୟାଚ୍ ଅନୁଷ୍ଠିତ ହୋଇଥିଲା । ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ଖାତ, ଡଟପେନ୍ ତଥା ପଠନ ସାମଗ୍ରୀ ବଣ୍ଟନ କରିଥିବାବେଳେ ଗରିବ ବୃଦ୍ଧ/ବୃଦ୍ଧମାନଙ୍କୁ ଶାଢୀ, ଧୋତି, ଗାମୁଛା, ଖେଳାଳୀ ତଥା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିବା କଳାକାରମାନଙ୍କୁ ଗଞ୍ଜି/ ସାର୍ଟ ଆଦି ବଣ୍ଟନ କରାଯାଇଥିଲା । ଥାନାଧିକାରୀ ପ୍ରଶାନ୍ତ କୁମାର ସାମଲ ଧନ୍ୟବାଦ ଅର୍ପଣ କରିଥିଲେ ।
