ବବୁଲୁ ସାହୁ
କଳାହାଣ୍ଡି : ଶୁକ୍ରବାର ଅପରାହ୍ନରେ ପ୍ରବଳ ଝଡତୋଫାନ ହୋଇଛି । କାରକା ବୃଷ୍ଟି ସହିତ ପ୍ରବଳ ବର୍ଷା ହେବାରୁ ପ୍ରବଳ କ୍ଷୟୟତି ହୋଇଛନ୍ତି। ପୁରୁଣା ଗଛମାନ ଉପୁଡିବା ସହିତ କିଛି ଲୋକେ ବେସାହରା ହୋଇଥିବାର ଖବର ମିଳିଛି।
ମିଳିଥିବା ସୂଚନା ଅନୁସାରେ କଳାହାଣ୍ଡି ଜିଲ୍ଲା ନର୍ଲା ବ୍ଲକ୍ ଅନ୍ତର୍ଗତ ପଲମ ଗ୍ରାମ ପଞ୍ଚାୟତ ସ୍ଥିତ ପଲମ ଧରଣୀପଡାର ଶ୍ରୀ ହାଡୁ ଜାନୀ (୪୦)। ପରିବାର କହିଲେ ସ୍ତ୍ରୀ ସାଧନୀ ଜାନୀ ଓ ଦୁଇଝିଅ ଓ ଦୁଇପୁଅ। ସେ ଅତ୍ୟନ୍ତ ଗରିବ ଶ୍ରେଣୀର ବ୍ୟକ୍ତି ହୋଇଥିବାରୁ କୁଲି ମଜୁରି କରି ପରିବାର ପରିପୋଷଣ କରିବା ସହିତ ବହୁ କଷ୍ଟରେ ରହିବା ପାଇଁ ଏକ ଘର ତିଆରି କରିଥିଲେ। ହେଲେ ଗତ ଲଘୁଚାପରେ ଶୁକ୍ରବାର ଅପରାହ୍ନରେ ହଠାତ ଝଡତୋଫାନ ସହ ପ୍ରବଳ ବର୍ଷା ହେବାରୁ ହାଡୁ ଜାନୀଙ୍କ ପରିବାର ଘରେ ଥିବା ସମୟରେ ହଠାତ ତାଙ୍କ ରହିବା ଘରର ଛାତ ଉଡିଯାଇ ଘର ଭାଙ୍ଗିଯାଇଛି। ଏହାଫଳରେ ଭଙ୍ଗା ଘରେ ଫସି ରହିଥିବା ପରିବାର ଲୋକେ ଚିତ୍କାର କରିବାରୁ ପଡୋଶୀ ଲୋକମାନେ ଦୌଡି ଆସି ତାଙ୍କୁ ଉଦ୍ଧାର କରି ଚିକିତ୍ସା କରାଇଥିଲେ। ତାଙ୍କର ସମସ୍ତ ଚଳଣି ଜିନିଷ ପତ୍ର ଭିଜିଯାଇ ନଷ୍ଟ ହୋଇଯାଇଛି।
ବର୍ତ୍ତମାନ ତାଙ୍କ ପକ୍ଷେ ଘର ମରାମତି କରିବା ପାଇଁ ଆର୍ଥିକ ସମ୍ବଳ ନଥିବାରୁ ବାଧ୍ୟ ହୋଇ ନିକଟସ୍ଥ ପଲମ ଆରଆଇଙ୍କୁ ଲିଖିତ ଭାବରେ ଜଣାଇଛନ୍ତି। ପଲମ ଆର ଆଇ ତାଙ୍କୁ ଏକ ପଲିଥିନ ଦେଇ ସରକାରଙ୍କ ତରଫରୁ ସମସ୍ତ ପ୍ରକାର ସୁବିଧା ଯୋଗାଇଦେବା ପାଇଁ ପ୍ରତିଶ୍ରୁତି ଦେଇଛନ୍ତି । ବର୍ତ୍ତମାନ ତାଙ୍କ ଘରଟି ସମ୍ପୂର୍ଣ୍ଣ ନଷ୍ଟ ହୋଇଥିବାରୁ ଏବେ ସେ ପୁରା ବେସାହାରା ହୋଇପଡିଛନ୍ତି। ଏଣୁ ଜିଲ୍ଲା ପ୍ରଶାସନ ଏହାଙ୍କ ଉପରେ ସ୍ଵତନ୍ତ୍ର ଦୃଷ୍ଟି ଦେଇ ଏହି ପରିବାରକୁ କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନା କିମ୍ବା ରାଜ୍ୟ ସରକାରଙ୍କ ବିଜୁ ପକ୍କାଘର ଯୋଜନାରୁ ଏକ ନୂତନ ଘର ଯୋଗାଇ ଦେବାପାଇଁ ପରିବାର ବର୍ଗ ତଥା ଗ୍ରାମର ବୁଦ୍ଧିଜୀବୀ ମାନେ ଦାବି ଜଣାଇଛନ୍ତି ।
