ସମୀକ୍ଷା ବ୍ୟୁରୋ
ବାଣପୁର : ବିଶ୍ବ ମହିଳା ଦିବସ ଅବସରରେ ଆଜି ବାଣପୁର ବ୍ଲକ ଅନ୍ତର୍ଗତ ଭେଟେଶ୍ବର ପଞ୍ଚାୟତ ଓ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ, ବାଣପୁର ଶାଖାର ମିଳିତ ଆନୁକୂଲ୍ୟରେ ଭେଟେଶ୍ବର ପଞ୍ଚାୟତ କାର୍ଯ୍ୟାଳୟରେ ଏକ ମେଗା ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏହି ରକ୍ତଦାନ ଶିବିରିରୁ 60 ୟୁନିଟି ରକ୍ତ ସଂଗୃହୀତ ହୋଇଛି। ଏହି ଶିବିରକୁ ଭେଟେଶ୍ବର ସରପଞ୍ଚ ଜିତେନ୍ଦ୍ର ଭୋଳ, 13 ନମ୍ବର ଜୋନ ଜିଲ୍ଲା ପରିଷଦ ସଭ୍ୟ ଅମରେନ୍ଦ୍ର ରଣସିଂ, ଏବିଭିପି ଖୋର୍ଦ୍ଧା ଜିଲ୍ଲା ସହ ପ୍ରମୁଖ ସୀତାରାମ ଅଗ୍ରଓ୍ବାଲ, ଏବିଭିପି ବାଣପୁର-ବାଲୁଗାଁ ନଗର ସମ୍ପାଦକ ଶ୍ରୀ ବିକାଶ ସେଠୀ ଓ ଭେଟେଶ୍ବର ପଞ୍ଚାୟତ ସମିତି ସଭ୍ୟ ଶ୍ରୀ ଶେଖର ସାହୁ ପ୍ରମୁଖ ଏହି ରକ୍ତଦାନ ଶିବିରକୁ ଉଦ୍ଘାଟନ କରିଥିଲେ।
ଏହି ଶିବିରରେ ପୁରୁଷଙ୍କ ସହ ତାଳ ଦେଇ ବହୁ ମହିଳାମାନେ ମଧ୍ୟ ରକ୍ତଦାନ କରିଥିଲେ। ଏହି ଶିବିରରେ 55 ବର୍ଷୀୟା ଜଣେ ଧର୍ମପରାୟଣା ମହିଳା ସୁଜାତା ରଣସିଂ ରକ୍ତଦାନ କରି ସମାଜ ପାଇଁ ଏକ ଉଦାହରଣ ସୃଷ୍ଟି କରିଛନ୍ତି। ସମାଜସେବିକା ସାବିତ୍ରୀ ଭୋଳଙ୍କ ଉଦ୍ୟମରେ ବହୁ ମହିଳା ରକ୍ତଦାନ କରିଛନ୍ତି। ‘ଦ ବ୍ଲଡ଼ ଡୋନର’ ଗ୍ରୁପ ର ସଭାପତି ଶ୍ରୀ ରଞ୍ଜନ ମହାପାତ୍ରଙ୍କ ସଂଯୋଜନାରେ ଏହି ଶିବିରରୁ ରକ୍ତ ସଂଗ୍ରହ କରିଥିଲେ ସେଣ୍ଟ୍ରାଲ ରେଡ କ୍ରସ ବ୍ଲଡ଼ ବ୍ୟାଙ୍କ, କଟକ ର ଡାକ୍ତର ଆଶିଷ କୁମାର ସାହୁ। ଏହି ଶିବିରକୁ ସଫଳ କରିବା ଦିଗରେ ଭେଟେଶ୍ବର ପଞ୍ଚାୟତ କର୍ମକର୍ତ୍ତା, ବିଦ୍ୟାର୍ଥୀ ପରିଷଦର ଅମୀୟ, ପ୍ରିତମ,ସିଦ୍ଧାର୍ଥ, ଗୁରୁ,ସୋମନାଥ, ହିମାଂଶୁ,ବଳରାମ,ଦିପୁ,ଅଜୟ ଆଦି ସହଯୋଗ କରିଥିଲେ। ବିଶ୍ୱ ମହିଳା ଦିବସ ଉପଲକ୍ଷେ ସରପଞ୍ଚ, ଜିଲ୍ଲା ପରିଷଦ ସଭ୍ୟ ଓ ଏବିଭିପିର ଉଦ୍ୟମରେ ଅନୁଷ୍ଠିତ ହୋଇଥିବା ଉକ୍ତ ମହତ ରକ୍ତଦାନ ଶିବିରକୁ ପଞ୍ଚାୟତବାସୀ ତଥା ବାଣପୁର ଅଞ୍ଚଳବାସୀ ଭୁୟସୀ ପ୍ରଶଂସା କରି ମଙ୍ଗଳ କାମନା କରିଛନ୍ତି l
