ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ସ୍ଥାନୀୟ ଷ୍ଟେସନ ରୋଡ଼୍ ସ୍ଥିତ ସ୍ପେଶାଲ୍ ସର୍କିଟ ହାଉସ୍ ସମ୍ମିଳନୀ କକ୍ଷରେ ଆଜି ଗଂଜାମ ଜିଲ୍ଲା ହ୍ୟାଣ୍ଡବଲ୍ ସଂଘର ନୂତନ କର୍ମକର୍ତ୍ତା ନିର୍ବାଚନ କରାଯାଇଥିଲା। ଏହି ନିର୍ବାଚନ ପ୍ରକ୍ରିୟାରେ ଓଡ଼ିଶା ହ୍ୟାଣ୍ଡବଲ୍ ଏସୋସିଏସନ୍ ତରଫରୁ ପର୍ଯ୍ୟବେକ୍ଷକ ଭାବରେ ଓଡ଼ିଶା ହ୍ୟାଣ୍ଡବଲ୍ ସଂଗଟନର ଭାଏସ୍ ପ୍ରେସିଡ଼େଣ୍ଟ ରମେଶ ଚନ୍ଦ୍ର ପୃଷ୍ଟି ଓ ଗଂଜାମ ଜିଲ୍ଲାର ଖେଳ ଅଧିକାରୀ (ଡ଼ିଏସ୍ଓ) ପ୍ରଶାନ୍ତ କୁମାର ସାହୁ ଉପସ୍ଥିତ ଥିଲେ ।
ନିର୍ବାଚିତ ସଭ୍ୟମାନେ ହେଲେ ସଭାପତି ଭାବେ ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, କାର୍ଯ୍ୟକାରୀ ସଭାପତି ଭାବେ ଅଶୋକ ଶୁକ୍ଳା, ମୁଖ୍ୟ ପେଟ୍ରୋନ୍ ଭାବେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ଉପସଭାପତି ଭାବେ ପ୍ରକାଶ ପଣ୍ଡା, ସରତ ପଣ୍ଡା, ଡ. ସରୋଜ କୁମାର ସାମନ୍ତ, ଉପଦେଷ୍ଟା ଭାବେ ସଂଜିତ କୁମାର ପାଣିଗ୍ରାହୀ, ସାଧାରଣ ସଂପାଦକ ଭାବେ ସୁରେଶ ଚନ୍ଦ୍ର ପାଢ଼ି, କାର୍ଯ୍ୟକାରୀ ସଂପାଦକ ରୂପେ ଶକ୍ତିଧର ରାଜଗୁରୁ, ଯୁଗ୍ମ ସଂପାଦକ ରୂପେ ଦୁସ୍ମନ୍ତ କୁମାର ପାଢ଼ି, ଜନାର୍ଦ୍ଦନ ସାହୁ, କୋଷାଧ୍ୟକ୍ଷ ଭାବେ ଡ. ସିଏଚ୍. ମନୋଜ କମାର ପାତ୍ର, କର୍ମକର୍ତ୍ତା ଭାବେ ପ୍ରଶାନ୍ତ କୁମାର ରଥ, ପିଣ୍ଟୁ ବେହେରା, ଚୋକାଡ଼ଳା ପାଣିଗ୍ରାହୀ, ବିନାୟକ ହୋତା, ଅମୂଲ୍ୟ କୁମାର ଜେନା, ଦିବ୍ୟସିଂଗ୍ ପଟ୍ଟନାୟକ, ପ୍ରେମଚନ୍ଦ୍ର ସାହୁ, ଦଣ୍ଡପାଣି ସାହୁ ନିର୍ବାଚିତ ହୋଇଥିଲେ। ସଂପାଦକ ସୁରେଶ ଚନ୍ଦ୍ର ପାଢ଼ି ଗତ ଚାରିବର୍ଷର ଜିଲ୍ଲା ହ୍ୟାଣ୍ଡବଲ୍ର କାର୍ଯ୍ୟଶୈଳୀ ଓ କ୍ରୀଡ଼ାସୂଚୀ ବିଷୟରେ ବିବରଣୀ ପଠନ କରିଥିଲେ ଏବଂ ନୂତନ ସଭାପତି ବିକ୍ରମ ପଣ୍ଡା ଜିଲ୍ଲା ହ୍ୟାଣ୍ଡବଲ୍ର ଉନ୍ନତି ପାଇଁ ପ୍ରତିଶ୍ରୁତି ଦେଇଥିଲେ। ଶେଷରେ କର୍ମକର୍ତ୍ତା ଶକ୍ତିଧର ରାଜଗୁରୁ ଧନ୍ୟବାଦ ଅର୍ପଣ କରିଥିଲେ।
