‘ ଧଡକ’ ଜରିଆରେ ବଲିଉଡ୍ ଏଣ୍ଟ୍ରି କରିଥିବା ଶ୍ରୀଦେବୀ ତନୟା ଜାହ୍ନବୀ କପୁର୍ ବେଶ୍ ସଫଳ ଅଭିନୟ କରିଥିଲେ । ଆଗାମୀ ଚଳଚିତ୍ରରେ ରାଜକୁମାର ରାଓଙ୍କ ବିପକ୍ଷରେ ନଜର ଆସିବାକୁ ଯାଉଛନ୍ତି ଜାହ୍ନବୀ । ରୁହ୍ ଆଫ୍ଜା ନାମକ ଏହି ଚଳଚିତ୍ରରେ ଜାହ୍ନବୀ ଦ୍ବୈତ ଭୂମିକାରେ ନଜର ଆସିବାକୁ ଯାଉଛନ୍ତି । ଦୀନେଶ ଭିଜନ ଏହି ଫିଲ୍ମଟିର ନିର୍ମାଣ କରୁଛନ୍ତି । ସ୍ତ୍ରୀର ସଫଳତା ପରେ ଭିଜନ୍ ସମାନ ବିଷୟବସ୍ତୁକୁ ନେଇ ଏହି ଫିଲ୍ମଟି ନିର୍ମାଣ କରିବାକୁ ଯାଉଛନ୍ତି । ଫିଲ୍ମଟି ଉତ୍ତରପ୍ରଦେଶର ପୃଷ୍ଠଭୂମି ଉପରେ ଆଧାରିତ ରହିବ ବୋଲି ଜଣାପଡିଛି । ଫିଲ୍ମଟିରେ ଜାହ୍ନବୀ ରୁହି ଏବଂ ଆଫ୍ଜା ନାମକ ଦୁଇଟି ପରସ୍ପର ବିରାେଧୀ ଚରିତ୍ରରେ ନଜର ଆସିବେ । ରାଜକୁମାର ଏବଂ ଜାହ୍ନବୀଙ୍କ ବ୍ୟତିତ ଫିଲ୍ମରେ ‘ଫୁକ୍ରେ’ ଷ୍ଟାର ବରୁଣ ଶର୍ମା ମଧ୍ୟ ନଜର ଆସିବାକୁ ଯାଉଛନ୍ତି । ଫିଲ୍ମଟି ୨୦ ମାର୍ଚ୍ଚ ୨୦୨୦ରେ ରିଲିଜ୍ ହେବାକୁ ଯାଉଥିବା ବେଳେ ହାର୍ଦ୍ଦିକ୍ ମେହେଟ୍ଟା ଫିଲ୍ମଟିର ନିର୍ଦ୍ଦେଶନା ଦେଉଛନ୍ତି । ଏହି ଫିଲ୍ମ ବ୍ୟତୀତ ଜାହ୍ନବୀ ଗୁଞ୍ଜନ ଯୋଶୀ ବାୟୋପିକ୍ରେ ନଜର ଆସିବାକୁ ଯାଉଛନ୍ତି ।
