ଗାଜିପୁର: ଦିଲ୍ଲୀ-ଉତ୍ତରପ୍ରଦେଶ ସୀମାରେ ଆନ୍ଦୋଳନ କରୁଥିବା କୃଷକମାଙ୍କ ଉପରେ ପୋଲିସ କାର୍ଯ୍ୟାନୁଷ୍ଠାନ ନେବାକୁ ପ୍ରସ୍ତୁତ ହେଉଛି। ବହୁ ସଂଖ୍ୟାରେ ପୋଲିସ, ଆରଏଏଫ ଏବଂ ବଜ୍ର ଗାଡିକୁ ଦେଖି ସ୍ପଷ୍ଟ ହୋଇଯାଉଛି। ସମଗ୍ର ଦେଶର ନଜର ବର୍ତ୍ତମାନ ଗାଜିପୁର ସୀମା ଉପରେ ରହିଛି। ବହୁ ସଂଖ୍ୟାରେ ପୋଲିସ ଫୋର୍ସଙ୍କୁ ଦେଖି କୃଷକ ନେତା ମଧ୍ୟ ସତର୍କ ରହିଛନ୍ତି। ୨୬ ଜାନୁୟାରୀରେ ଟ୍ରାକ୍ଟର ପରେଡ଼ ସମୟରେ ହିଂସାକୁ ନେଇ ସୀମାରେ ହଲଚଲ ବଢିଯାଇଛି।
ଯୋଗୀ ସରକାର ସୀମାରେ ଧାରଣାସ୍ଥଳ ଖାଲି କରିବାକୁ ନିର୍ଦ୍ଦେଶ ଦେଇଛି। ସୀମାରେ ଆନ୍ଦୋଳନରତ ଚାଷିମାନଙ୍କୁ ମଧ୍ୟ ଧାରା ୧୩୩ ଅନୁଯାୟୀ ନୋଟିସ ହୋଇଛି। ସେଠାରେ ୧୪୪ ଧାରା ମଧ୍ୟ ଲଗାଯାଇଛି। ଏପରିକି ପ୍ରଦର୍ଶନକାରୀଙ୍କୁ ଧାରଣସ୍ଥଳରୁ ଉଠାଇବା ପାଇଁ ଗାଡ଼ିର ବ୍ୟବସ୍ଥା ମଧ୍ୟ ହୋଇଛି। ଗାଜିପୁର ସୀମାକୁ ଦୁଇ ପାର୍ଶ୍ଵରୁ ବନ୍ଦ କରିଦିଆଯାଇଛି। ଏହା ପୂର୍ବରୁ ସେଠାରେ ସବୁ ପ୍ରକାର ସୁବିଧା ଯଥା ପାଣି, ଆଲୋକ ବ୍ୟବସ୍ଥାକୁ ମଧ୍ୟ ହଟାଇ ଦିଆଯାଇଛି।
ଏହାସହିତ କୃଷକମାନଙ୍କୁ ସେହି ସ୍ଥାନରୁ ହଟି ଘରକୁ ଯିବା ପାଇଁ ନିବେଦନ କରୁଥିବା ଦେଖାଯାଇଛି। ସୂଚନା ଅନୁଯାୟୀ, ଯଦି ସେମାନେ ଧାରଣସ୍ଥଳରୁ ନ ହଟନ୍ତି, କୌଣସି ମୁହୂର୍ତ୍ତରେ ବଳପୂର୍ବକ ହଟାଇବା ଲାଗି ପୋଲିସ ପ୍ରୟାସ କରିବେ ବୋଲି ଖବର ମିଳୁଛି।