Tag: ଆନ୍ଦୋଳନ

ଭୁବନେଶ୍ଵର: ଓଡିଶା ଗ୍ରାମ୍ୟ କୃଷି କର୍ମଚାରୀ ସଂଘର କ୍ୟାଡର ପୁନର୍ଗଠନ, ଗ୍ରେଡ ପେ ଆଦି ଦାବିକୁ ନେଇ କାର୍ଯ୍ୟ ବନ୍ଦ ଆନ୍ଦୋଳନର ଆରମ୍ଭରେ ଅତ୍ୟନ୍ତ ବିନମ୍ରତାର ସହ ଜଣାଉ ଅଛୁ ଯେ, ଦୀର୍ଘ ୫୦ ବର୍ଷରୁ ଊର୍ଦ୍ଧ୍ଵ ସମୟ ଧରି କୃଷି ବିଭାଗର ମୂଳ ମେରୁଦଣ୍ଡ ଭାବରେ କାମ କରୁଥିବା ଓଡିଶା ଗ୍ରାମ୍ୟ କୃଷି କର୍ମଚାରୀମାନଙ୍କର ମୁଖ୍ୟ ଦାବି କ୍ୟାଡର ପୁନର୍ଗଠନ, ଗ୍ରେଡ ପେ ଆଦି ଅନ୍ୟାନ୍ୟ ଦାବୀର ବିଚାର କରାଗଲା ନାହିଁ। ଦୀର୍ଘ ଏକ ବର୍ଷ ଧରି ସଂଘ ପକ୍ଷରୁ ଶତାଧିକ ପତ୍ର ମାଧ୍ୟମରେ ଅନୁନୟ ବିନୟ କରାଯାଇ ଆସୁଥିଲେ ମଧ୍ୟ କର୍ତ୍ତୁପକ୍ଷ ଏ ଦିଗରେ ସଂପୂର୍ଣ୍ଣ ଉଦାସୀନ ରହି ଆସୁଛନ୍ତି। ଏପରିକି ଆଲୋଚନା ମାଧ୍ୟମରେ ସଂଘ ପକ୍ଷରୁ ଆଗତ କ୍ୟାଡର ପୁନର୍ଗଠନ ପ୍ରସ୍ତାବ ଉପରେ ସାମାନ୍ୟ ଆଲୋଚନା କରି ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଗଲା ନାହିଁ। ଏପରିକି ଆନ୍ତମନ୍ତ୍ରୀ ମଣ୍ଡଳ କମିଟିକୁ କ୍ୟାଡର ପୁନର୍ଗଠନ ପ୍ରସ୍ତାବ ର ସବିଶେଷ ତଥ୍ୟ ପ୍ରଦାନ କରାଗଲା ନାହିଁ।

ଆଉ ମାତ୍ର ଅଳ୍ପ ଦିନ ବ୍ୟବଧାନରେ ସାଧାରଣ ନିର୍ବାଚନ ଓ ଏଥିପାଇଁ ଆଦର୍ଶ ଆଚରଣ ବିଧି ମୁଖ୍ୟ ନିର୍ବାଚନ ଆୟୁକ୍ତଙ୍କ ଦ୍ଵାରା ଜାରିହେବ। ଦୀର୍ଘ ଏକ ବର୍ଷ ଧରି ଏ ଦିଗରେ ସାମାନ୍ୟ ପଦକ୍ଷେପ ଗ୍ରହଣ କରାନଯାଇ ଆମଭଳି ସ୍ୱଳ୍ପ ଦରମାରେ ଦିନରାତି ଅକ୍ଲାନ୍ତ ପରିଶ୍ରମ କରୁଥିବା ଗ୍ରାମ୍ୟ କୃଷି କର୍ମଚାରୀଙ୍କ ପ୍ରତି ବିଭାଗୀୟ ହେୟଜ୍ଞାନ , ଅବହେଳା ତଥା ନିଷ୍ଠୁରତା କୁ କୃଷି କର୍ମଚାରୀ ମାନେ ଅଧିକ ଦିନ ବରଦାସ୍ତ କରିବାକୁ ଉଚିତ ମାନେ କରୁ ନାହାନ୍ତି।

ଏଣୁ ବାଧ୍ୟ ହୋଇ ନିଜ ପେଟ ପାଟଣା ଓ ଭବିଷ୍ୟତ ର ସୁରକ୍ଷା ଦୃଷ୍ଟିରୁ ସାରା ରାଜ୍ୟର ସମସ୍ତ ଗ୍ରାମ୍ୟ କୃଷି କର୍ମଚାରୀ ଫେବୃୟାରୀ ୮ ତାରିଖ ଠାରୁ ୧୨ ତାରିଖ ପର୍ଯ୍ୟନ୍ତ ବ୍ୟକ୍ତିଗତ ମୋବାଇଲକୁ କୌଣସି ସରକାରୀ ସେବା ନିମନ୍ତେ ଆମେ ବ୍ୟବହାର କରି ନାହୁଁ ଓ ଅଧିକାରୀଙ୍କ ଦ୍ଵାରା ଗଠିତ ଗ୍ରୁପ / ଆପ ରୁ ଓହରି ଆସିଛୁ। ଏହା ସତ୍ତ୍ୱେ କର୍ତ୍ତୁପକ୍ଷ ତଥାପି ଆମ ଦାବି ପୁରଣରେ ଉଦାସୀନ ରହିଛନ୍ତି। ତେଣୁ ଆସନ୍ତା ୧୩ ତାରିଖରୁ ୧୯ ତାରିଖ ପର୍ଯ୍ୟନ୍ତ ସମ୍ପୃକ୍ତ ଜିଲ୍ଲାର ଗ୍ରାମ୍ୟ କୃଷି କର୍ମଚାରୀ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କ ସରକାରୀ ଦପ୍ତର ସମ୍ମୁଖରେ ସାମୁହିକ ଶାନ୍ତି ପୂର୍ଣ୍ଣ ଧାରଣା ଦିଆଯିବ।

ଏହା ସତ୍ତ୍ୱେ କର୍ତ୍ତୁପକ୍ଷ ତଥାପି ଆମ ଦାବି ପୁରଣରେ ଯଦି ଉଦାସୀନ ରହନ୍ତି, ତେବେ ଆସନ୍ତା ୨୦ ତାରିଖ ଠାରୁ ଦାବି ପୂରଣ ପର୍ଯ୍ୟନ୍ତ କୃଷି ଭବନ, ଭୁବନେଶ୍ଵର ଠାରେ ଶାନ୍ତି ପୂର୍ଣ୍ଣ ଭାବେ ଅନିର୍ଦ୍ଧିଷ୍ଠ କାଳ ପର୍ଯ୍ୟନ୍ତ ଧାରଣାରେ ବସିରହିବୁ।

ଏହି କାର୍ଯ୍ୟକ୍ରମ ପାଇଁ ଯଦି କୃଷି ଓ କୃଷକଙ୍କ ସ୍ଵାର୍ଥରେ ହାନି ଘଟେ ସେଥିପାଇଁ ବିଭାଗ ବା ସରକାର ଦାୟୀ ରହିବେ। କୃଷି ବିଭାଗର ଏହି ଅବହେଳିତ କର୍ମଚାରୀଙ୍କ ପ୍ରତି ନ୍ୟାୟ ପ୍ରଦାନ ନିମନ୍ତେ ସଦୟ ଦୃଷ୍ଠି ଦେବା ସହ ଆମର ବାଞ୍ଛିତ ଓ ପ୍ରତିଖିତ ନ୍ୟାୟୋଚିତ ଦାବି ପୂରଣ ନିମନ୍ତେ କର୍ତ୍ତୁପକ୍ଷ ବଳିଷ୍ଠ ଓ ତତ୍କାଳୀନ କାର୍ଯ୍ୟନୁଷ୍ଠାନ ଗ୍ରହଣ କରିବେ ବୋଲି ଓଡିଶା ଗ୍ରାମ୍ୟ କୃଷି କର୍ମଚାରୀ ସଂଘ ଆଶା ପ୍ରକଟ କରିଛି।

ଭୁବନେଶ୍ୱର: ପରିବହନ କର୍ମଚାରୀଙ୍କ ଆନ୍ଦୋଳନକୁ ନେଇ ଏକ ବଡ ଖବର ଆସିଛି। ପ୍ରତ୍ୟାହୃତ ହୋଇଛି। ଆନ୍ଦୋଳନ ପ୍ରତ୍ୟାହାର କରିବାକୁ ଓଡ଼ିଶା ପରିବହନ କର୍ମଚାରୀ ମହାସଂଘ ନିଷ୍ପତ୍ତି ନେଇଥିବା ଜଣାପଡିଛି। ପରିବହନ କର୍ମଚାରୀ ଓ ମୁଖ୍ୟ ଶାସନ ସଚିବଙ୍କ ଆଲୋଚନା ପରେ ଧର୍ମଘଟ ପ୍ରତ୍ୟାହୃତ ହୋଇଛି। ଏନେଇ ମହାସଂଘର ସଭାପତି ଜନାର୍ଦ୍ଧନ ପତି ସୂଚନା ଦେଇଛନ୍ତି।

ରଣପୁର: ପ୍ରାଥମିକ ଶିକ୍ଷକଙ୍କ ଆନ୍ଦୋଳନ ଏବେ ତୀବ୍ର ରୂପ ନେଇଛି। କେବେ ରାଜଧାନୀର ରାଜରାସ୍ତାରେ ତ କେବେ କେବେ ଖରା ବର୍ଷାରେ ବସି ରହିଛନ୍ତି ଶିକ୍ଷକ। ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘ ତରଫରୁ ରାଜ୍ୟ ବ୍ୟାପି ୩ ଦଫା ଦାବୀ ନେଇ ମଣ୍ଡଳ ଶିକ୍ଷା ଅଧିକାରୀଙ୍କ କାର୍ୟ୍ୟାଳୟ ସମ୍ମୁଖରେ ଧାରଣା ଚାଲିଥିବା ବେଳେ ନୟାଗଡ ରଣପୁର ବ୍ଲକ ମଣ୍ଡଳ ଶିକ୍ଷା ଅଧିକାରୀଙ୍କ ଅଫିସ ସମ୍ମୁଖରେ ଶିକ୍ଷକ ସମୂହ ଛୁଟିରେ ଆସି ଧାରଣା ଦେଇଥିବା ଦେଖିବାକୁ ମିଳିଛି।

ଭୁବନେଶ୍ୱର: ଓଡ଼ିଶା ଭଳି ଏକ କୃଷିପ୍ରଧାନ ରାଜ୍ୟରେ କୃଷକ ଓ କୃଷିର ବିକାଶ ନିମନ୍ତେ ଅକ୍ଲାନ୍ତ ପରିଶ୍ରମ କରୁଥିବା ୩୦୦୦ ଗ୍ରାମ୍ୟ କୃଷି କର୍ମଚାରୀଙ୍କ ନ୍ୟାୟେଚିତ ଦାବି ପୂରଣରେ ରାଜ୍ୟ ସରକାରଙ୍କ ଅବହେଳା ପାଇଁ ସାରା ଓଡ଼ିଶାର ଗ୍ରାମ୍ୟ କୃଷି କର୍ମଚାରୀ ସଂଘ ଅସନ୍ତୋଷ ବ୍ୟକ୍ତ କରିଛି। ନ୍ୟାୟୋଚିତ ଦାବି ପୂରଣରେ ଅଯଥା କାଳକ୍ଷେପଣ ଓ ପାତର ଅନ୍ତର ତଥା ହେୟ ମନୋଭାବକୁ ପରିହାର କରି ଆଲୋଚନା ମାଧ୍ୟମରେ ଦାବି ପୂରଣ ନକଲେ ଆସନ୍ତା ଜୁଲାଇ ୧୪ ତାରିଖରୁ ୨୦ ତାରିଖ ପର୍ଯ୍ୟନ୍ତ ସମଗ୍ର ରାଜ୍ୟରେ ଶାନ୍ତପୂର୍ଣ୍ଣ ଭାବରେ କଳାବ୍ୟାଜ୍ ପରିଧାନ କରାଯିବ ଏବଂ ତା ୨୩.୭.୨୩ରେ ସମସ୍ତ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କୁ ଦାବି ପତ୍ର ପ୍ରଦାନ କରାଯିବ। ତଥାପି ଯଦି ସରକାର ସଂଘର ଦାବି ପୂରଣ ନ କରନ୍ତି, ତେବେ ଆସନ୍ତା ୧.୮.୨୩ରୁ ସମଗ୍ର ରାଜ୍ୟରେ ଶାନ୍ତିପୂର୍ଣ୍ଣ ଭାବେ କାର୍ଯ୍ୟବନ୍ଦ ଆନ୍ଦୋଳନ ସହିତ ସଂଘର ସମସ୍ତ କର୍ମଚାରୀ ସମୂହ ଛୁଟିରେ ଯିବେ ବୋଲି କର୍ମକର୍ତ୍ତାମାନେ ସରକାରଙ୍କୁ ଜଣାଇଛନ୍ତି।

ଆଜି ଓଡ଼ିଶା ଗ୍ରାମ୍ୟ କୃଷି କର୍ମଚାରୀ ସଂଘ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସଂଘର ଆବାହକ ପ୍ରଦୀପ କୁମାର ପ୍ରଧାନ କହିଲେ ଯେ, ଗ୍ରାମ୍ୟ କୃଷି କର୍ମଚାରୀମାନେ କ୍ଷେତ୍ର ପରିଦର୍ଶନ, ଚାଷୀଙ୍କୁ ଚାଷକାର୍ଯ୍ୟରେ ଆଧୁନିକ ଜ୍ଞାନକୌଶଳର ବ୍ୟବହାର, ସାର ଓ କୀଟନାଶକ ଔଷଧର ପ୍ରୟୋଗ ସମେତ ବିଭିନ୍ନ ସର୍ଭେ ଇତ୍ୟାଦି କମ୍ପୁଟରବେଷ୍ଟ କାର୍ଯ୍ୟ କରୁଥିଲା ବେଳେ ଗ୍ରାମ୍ୟ କୃଷି କର୍ମଚାରୀଙ୍କ ଚାକିରିରେ ଯୋଗଦେବାର ମୂଳ ଶିକ୍ଷାଗତ ଯୋଗ୍ୟତା ଇଣ୍ଟର ମିଡ଼ିଏଟ ସାଇନ୍ସ ବଦଳରେ ସାଇନ୍ସ ଡିଗ୍ରୀ ରଖିବ, ଗ୍ରାମ୍ୟ କୃଷି କର୍ମଚାରୀ ପଦବୀର ନାମ ପରିବର୍ତ୍ତନ ସହ ଗ୍ରେଡ଼ ପେ ୨୦୦୦ ଟଙ୍କା ବଦଳରେ ୪୨୦୦ ଟଙ୍କା ରଖିବା, ଚାକିରି କାଳ ମଧ୍ୟରେ ସର୍ବନିମ୍ନ ୩ ଗୋଟି ପଦୋନ୍ନତି ଦେବା ଓ ସର୍ବୋପରି ବହୁ ପ୍ରତୀକ୍ଷିତ କ୍ୟାଡ଼ର ପୁନର୍ଗଠ ପ୍ରଭୃତି ମୁଖ୍ୟ ଦାବି ସମେତ ୨୦୧୩ ମସିହାରେ ରାଜ୍ୟ ସାଧାରଣ ପ୍ରଶାସନ ବିଭାଗର ଚୁକ୍ତିଭିତ୍ତିକ ବ୍ୟବସ୍ଥା ଉଚ୍ଛେଦ ପରେ ତା ପୂର୍ବରୁ ବିଭାଗ ପ୍ରଣୟନ କରିଥିବା ଚୁକ୍ତିଭିତ୍ତିକ ନିଯୁକ୍ତି ସମୟକୁ ଚାକିରିକାଳ ଭାବେ ଗଣନା କରି ୬ଟି ନୋସନାଲ ଇନକ୍ରିମେଣ୍ଟ ପ୍ରଦାନ କରିବା ଆଦି ଦାବିକୁ ରାଜ୍ୟ ସରକାର, କୃଷି ବିଭାଗକୁ ବହୁ ଆବେଦନ ନିବେଦନ କରାଯାଇଛି। କିନ୍ତୁ ଦୁଃଖ ଓ ଦୁର୍ଭାଗ୍ୟର ବିଷୟ ଯେ ଦାବି ପୂରଣ ତ ଦୂରର କଥା, ଆଲୋଚନାକୁ ଡାକି ଦାବି ଗୁଡ଼ିକର ବୈଧତା ଓ ଯୁକ୍ତିସଙ୍ଗତ ଦିଗ ସମ୍ପର୍କରେ ଶୁଣୁ ବି ନାହାଁନ୍ତି। ଅଧିକନ୍ତୁ ଜିଲ୍ଲାସ୍ତରରେ କେହି ଯଦି କୌଣସି କଥା ନେଇ ପାଟି ଖୋଲିଲା ତାକୁ ବଦଳି ସମେତ ନାନା ହଇରାଣ ହରକତର ଧମକ ମଧ୍ୟ ଦିଆଯାଉଛି। କୃଷି ଓ କୃଷକମାନଙ୍କ ସେବା ପାଇଁ ନିଷ୍ଠାପର ଭାବରେ ପଞ୍ଚାୟତସ୍ତରରୁ କାମ କରୁଥିବା ଅସହାୟ କୃଷି କର୍ମଚାରୀମାନଙ୍କ ଆର୍ôଥକ ଓ ସାମାଜିକ ଅବସ୍ଥା ଦିନକୁ ଦିନ ଶୋଚନୀୟ ହୋଇ ପଡୁଥିଲା ବେଳେ ସରକାରୀ ଅବହେଳା ଗ୍ରାମ୍ୟ କୃଷି କର୍ମଚାରୀଙ୍କ ମନରେ ନୈରାଶ୍ୟ ଓ ହତାଶା ଖେଳାଇ ଦେଇଛି ବୋଲି ଶ୍ରୀ ପ୍ରଧାନ ଗଭୀର କ୍ଷୋଭ ପ୍ରକାଶ କରିଛନ୍ତି।

ଗୋଟିଏ ଶୃଙ୍ଖଳିତ, ଉତ୍ତରଦାୟୀ କର୍ମଚାରୀ ସଂଘ ଭାବେ ଗ୍ରାମ୍ୟ କୃଷି କର୍ମଚାରୀ ଓ ସେମାନଙ୍କର ସଂଘ ଯଥେଷ୍ଟ ସଂଯମତା ଅବଲମ୍ବନ କରି ସରକାରଙ୍କୁ ସହଯୋଗ କରିଆସୁଛନ୍ତି। କୌଣସି ଆନ୍ଦୋଳନ ବା ସମସ୍ୟା ସୃଷ୍ଟି କରି ଚାଷୀ ବା କୃଷିକୁ ଗୁରୁତବ ଦେଉଥିବା ରାଜ୍ୟ ସରକାରଙ୍କୁ କେବେ ବି ଅସୁବିଧାରେ ପକେଇ ନାହାଁନ୍ତି। କିନ୍ତୁ ଏଭଳି ସଞ୍ଜମତାପୂର୍ଣ୍ଣ ଆଚରଣକୁ ଯଦି ଏହା ଆମ ଦୁର୍ବଳତା ବୋଲି ସରକାର ଭାବୁଥାନ୍ତି ତେବେ ତାହା ସମ୍ପୂର୍ଣ୍ଣ ଭୁଲ ବୋଲି ଜାଣିବାକୁ ହେବ। ସମସ୍ୟା ଉପରେ ସମସ୍ୟା ଲଦି ଦିଆଯାଉଛି, କିନ୍ତୁ କ୍ଷେତ୍ର ବାସ୍ତବତାକୁ ବିଚାରକୁ ନେଇ ସମସ୍ୟାର ସମାଧାନ ପାଇଁ କୌଣସିି ଅଧିକାରୀ ସକ୍ଷମ ନୁହଁନ୍ତି କି ଆଗ୍ରହ ମଧ୍ୟ ପ୍ରକାଶ କରୁନାହାଁନ୍ତି। ଏଥିଯୋଗୁ କର୍ମଚାରୀଙ୍କ ମଧ୍ୟରେ ବ୍ୟାପକ ଅସନ୍ତୋଷ ସୃଷ୍ଟି ହୋଇଛି।

ଚଳିତମାସ ୮ ତାରିଖରେ ଅନୁଷ୍ଠିତ ସାଧାରଣ ବୈଠକରେ ପ୍ରତ୍ୟେକ ଜିଲ୍ଲାରୁ ଆସିଥିବା ହଜାର ହଜାର ଗ୍ରାମ୍ୟ କୃଷି କର୍ମଚାରୀ ଏ ଦିଗରେ ସରକାର ତୁରନ୍ତ ବିଚାର ନକଲେ ସାରା ରାଜ୍ୟରେ ଆନ୍ଦୋଳନ ଜୋରଦାର ହେବ ଓ ଏଥିପାଇଁ ରାଜ୍ୟ ସରକାରୀ ଦାୟୀ ରହିବେ ବୋଲି ମତ ପ୍ରକାଶ କରିଥିଲେ ଓ ରାଜ୍ୟ ସରକାରଙ୍କୁ ଏ ସମ୍ପର୍କିତ ଦାବିପତ୍ର ପ୍ରଦାନ କରାଯିବ ବୋଲି କର୍ମକର୍ତ୍ତାମାନେ ପ୍ରକାଶ କରିଛନ୍ତି।

ଏହି ସାମ୍ବାଦିକ ସମ୍ମିଳନୀରେ ମୁଖ୍ୟ ଉପଦେଷ୍ଟା ପ୍ରଭାତ ମହାନ୍ତି ଏବଂ ଅନ୍ୟ କର୍ମକର୍ତ୍ତା ପ୍ରକାଶ ସାମଲ, ବିଶ୍ୱରଞ୍ଜନ ଦାଶ, ପ୍ରତାପ ସାହୁ, ସାଗର ପୁହାଣ, ଭୂପେଶ ଷଡ଼ଙ୍ଗୀ, ବୈରାଗୀ ସ୍ୱାଇଁ, ହରିହର ମନ୍ତ୍ରୀ, ଶିବ ନାରାୟଣ ପାଣି, ଶମ୍ଭୁନାଥ ନାୟକ, ଭକ୍ତ ମୀର୍ଦ୍ଧା, ଗୋବିନ୍ଦ ମାଝୀ, ଶୁବାଶିଷ ଶତପଥୀ, ସୁଶାନ୍ତ ବେହେରା, କୁଳଦୀପ ପାଣ୍ଡେ, ଅରୁଣ କୁମାର ପ୍ରଧାନ, ଲକ୍ଷ୍ମୀପ୍ରିୟା ମହାପାତ୍ର, ରୂପାଲି ପଣ୍ଡା, ଦୁବଲି ଜୟଶ୍ରୀ ବାଗ ପ୍ରମୁଖଙ୍କ ସମେତ ସମସ୍ତ ଜିଲ୍ଲାର ପ୍ରତିନିଧି ଓ ସାଧାରଣ କୃଷି କର୍ମଚାରୀମାନେ ଯୋଗ ଦେଇଥିଲେ।

ଭୁବନେଶ୍ୱର: ହଜାର ହଜାର ଚୁକ୍ତିଭିତ୍ତିକ ଶିକ୍ଷକ ଶିକ୍ଷୟତ୍ରୀ ନିଜର ଚାକିରୀ ନିୟମିତ କରିବା ପାଇଁ ଗାନ୍ଧୀ ମାର୍ଗରେ ୧୧ ଧରି ଆନ୍ଦୋଳନରେ ବସିଛନ୍ତି। ସଂଘର ସଭାପତି ପଞ୍ଚାନନ ଜେନାଙ୍କ କହିବାନୁସାରେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ ଅକ୍ଟୋବର ମାସ ୧୫ ତାରିଖରେ ଗଣମାଧ୍ୟମରେ ନିଜର ଜନ୍ମ ଦିନରେ, ଭିଡ଼ିଓ ବାର୍ତ୍ତାରେ ଓଡିଶା ମାଟିରୁ ସଂପୂର୍ଣ୍ଣ ଭାବରେ ଚୁକ୍ତିଭିତ୍ତିକ ପ୍ରଥାକୁ ବିଲୋପ କଲେ ବୋଲି ଘୋଷଣା କରିଥିଲେ। ତଦଅନୁଯାଇ ସାଧାରଣ ଓ ପ୍ରଶାସନିକ ବିଭାଗ ଗତ ବର୍ଷ ଅକ୍ଟୋବର ମାସ ୧୬ ତାରିଖରେ ଏକ ନୋଟିଫିକେସନ ପ୍ରକାଶ କରି ସମସ୍ତ ଚୁକ୍ତିଭିତ୍ତିକ ପଦବୀକୁ ନିୟମିତ କରି ୬ ଗୋଟି ଇନ୍କ୍ରିମେଣ୍ଟ ଦେବା ପାଇଁ ଚିଠିରେ ପରିପ୍ରକାଶ କଲେ।

ଏହି ଖବରଟି ପ୍ରଥମେ ସମସ୍ତ ଚୁକ୍ତିଭିତ୍ତିକ ଶିକ୍ଷକଙ୍କ ମନରେ ଖୁସିର ବାର୍ତ୍ତା ବୁଣିଦେଇଥିଲା।  କିନ୍ତୁ ନିୟମକୁ ଗଣଶିକ୍ଷା ବିଭାଗ କାର୍ଯ୍ୟକାରୀ ନ କରିନଥିଲା। ଗଣଶିକ୍ଷା ବିଭଗର ଅଭିଯୋଗ ପ୍ରକୋଷ୍ଠରେ ଏନେଇ ସଂଘ ବାରମ୍ବାର ଅଭିଯୋଗ କରିଥିଲା। ଯାହାପରେ ବିଭାଗର ବରିଷ୍ଠ ଅଧିକାରୀ ମତ ରଖିଥିଲେ ଯେ, ଏକ ଉଚ୍ଚ ସ୍ତରୀୟ ଆଲୋଚନା କରି ନିୟମିତ କରିବା ଉପରେ ନିଷ୍ପତ୍ତି ନିଆଯିବ।

କିନ୍ତୁ କିଛି ପଦକ୍ଷେପ ନେଇନଥିବାରୁ ଗତ ଡିସେମ୍ବର ୭ ତାରିଖରେ ସଂଘ ଆନ୍ଦୋଳନ କରିଥିଲା ଓ ଗଣଶିକ୍ଷା ସଚିବ ୨୦୦୪ ରୁ ୨୦୧୩ ନିଯୁକ୍ତି ପାଇଥିବା ଶିକ୍ଷକ ମାନଙ୍କ ବରିଷ୍ଠତା ଓ କନିଷ୍ଟତା ସମସ୍ୟା ଉପରେ ନିଷ୍ପତ୍ତି ନେଇ, ୧୫ ଦିନ ଭିତରେ ସମସ୍ତ ଚୁକ୍ତିଭିତ୍ତିକ ଶିକ୍ଷକ ମାନଙ୍କୁ ନିୟମିତ କରିବା ପାଇଁ ପ୍ରତିଶୃତି ଦେଇଥିଲେ। କିନ୍ତୁ ପ୍ରତିଶୃତି ଦେବାର ୪ ମାସ ବିତିଯାଇଥିଲେ ବି ସମସ୍ୟାକୁ ଦୂର ନ କରି ଜାଣିଶୁଣି ୨୦୧୬ ରୁ ୨୦୨୨ ମଧ୍ୟରେ ନିଯୁକ୍ତି ପାଇଥିବା ୧୮୦୦୦ ଚୁକ୍ତିଭିତ୍ତିକ ଶିକ୍ଷକ ଶିକ୍ଷୟତ୍ରୀଙ୍କୁ ନିୟମିତରୁ ବଂଚିତ କରୁଛନ୍ତି।

ଏହିପରି ଯେଉଁ ଚୁକ୍ତିଭିତ୍ତିକ ଶିକ୍ଷକ ମାନେ ୬ ବର୍ଷ ଚୁକ୍ତି ଅବଧି ପୂରଣ କରିଥିବେ ସେମାନଙ୍କୁ ନିୟମିତ କରିବା ପାଇଁ ୨୦୧୧ ମସିହାରେ ଗଣଶିକ୍ଷା ବିଭାଗ ନିୟମ କରିଥିଲେ। ସେହି ଆଧାରରେ ପୂର୍ବରୁ ବିଭିନ୍ନ ବ୍ୟାଚର ହାରାହାରି ୧୨୦୦୦ ଚୁକ୍ତିଭିତ୍ତିକ ଶିକ୍ଷକ ନିୟମିତ ହୋଇସାରିଛନ୍ତି। କିନ୍ତୁ ୨୦୧୬ ବ୍ୟାଚର ୩୨୦୦ ଚୁକ୍ତିଭିତ୍ତିକ ଶିକ୍ଷକଙ୍କ ନିୟମିତ ଫାଇଲ ଦୀର୍ଘ ୭ ମାସ ହେବ ବିଭାଗର ଅର୍ଥ ପରାମର୍ଶ ଦାତାଙ୍କ ପାଖରେ ପଡିରହିଛି। ସେମାନେ ୭ ବର୍ଷ ପରେ ବି ନିୟମିତ ହୋଇପାରୁନାହାନ୍ତି। ସଚିବ ସବୁ ଜାଣି ବି ନିରବଦ୍ରଷ୍ଠା ସାଜିଛନ୍ତି।

ନାରୀକୁ ସମ୍ମାନ କଥା କହୁଥିବା ମୁଖ୍ୟମନ୍ତ୍ରୀ କେତେ ଶିକ୍ଷୟତ୍ରୀଙ୍କୁ ସମ୍ମାନ ଦେଉଛନ୍ତି ସଂଘ ପ୍ରଶ୍ନ କରିଛି। ଗତ ମାସରେ ଝାରସୁଗୁଡାର ଜଣେ ବିଧବା ମା ତଥା ଚୁକ୍ତିଭିତ୍ତିକ ଶିକ୍ଷୟତ୍ରୀ ସୋସିଆଲ ମିଡ଼ିଆରେ କାନ୍ଦି କାନ୍ଦି ନିୟମିତ କର ବୋଲି ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ। କିନ୍ତୁ ସରକାର ଶୁଣିଲେନି, ଏ ସରକାର ନାରୀକୁ ସମ୍ମାନ ଦିଅନ୍ତି ନାହିଁ ଓ ୫ ଟି ନାଁରେ ମିଛ ସରକାର ଚାଲିଛି ବୋଲି ସର୍ବସାଧାରଣ କହୁଥିବା କଥା ସତ ପାଲଟିଛି। କାରଣ ୫ ଗୋଟି ଟି ମଧ୍ୟରୁ ଗୋଟିଏ ଟି ହେଲା ଟାଇମ, ଅର୍ଥାତ୍ ଠିକ୍ ସମୟରେ କାର୍ଯ୍ୟ ସରିବା କଥା। କିନ୍ତୁ ଗଣଶିକ୍ଷା ବିଭାଗ ୫ ଟି ଅଧୀନରେ ଆସୁଥିଲେ ବି ଦୀର୍ଘ ୭ ମାସ ପରେ ବି ଚୁକ୍ତିଭିତ୍ତିକ ଶିକ୍ଷକ ମାନଙ୍କୁ ବିଭାଗ ନିୟମିତ କରୁନାହାନ୍ତି।

ଚୁକ୍ତିଭିତ୍ତିକ ଶିକ୍ଷକ ମାନଙ୍କ ପ୍ରତି ସରକାରଙ୍କ ବୈମାତୃକ ମନଭାବ, ମାତ୍ରାଧିକ ନିର୍ଯାତନା ଓ ନିୟମିତ କରିନଥିବାରୁ, ସଂଘ ଏପ୍ରିଲ ୧ ଠାରୁ ନିୟମିତ ଚିଠି ବାହାରିବା ଯାଏଁ ଅନିର୍ଦ୍ଧିଷ୍ଟ ସମୟ ପାଇଁ ଗାନ୍ଧୀ ମାର୍ଗରେ ଆନ୍ଦୋଳନରେ ବସିଅଛି। ଏହା ମଧ୍ୟରେ ବିଭାଗ ସଂଘ ସହ ଆଲୋଚନା କରିଥିଲେ ସୁଦ୍ଧା ନିୟମିତ ଚିଠି ବାହାର କରିନାହାନ୍ତି। ସଂଘର ବର୍ତ୍ତମାନ୍ ମତ ହେଉଛି ଆଲୋଚନା ନୁହଁ ଚିଠି ଦରକାର।

ନିୟମିତ ଚିଠି ବାହାରିବା ପରେ ଆନ୍ଦୋଳନରୁ ହଟିବୁ ବୋଲି ସଂଘର ସମ୍ପାଦକ ସତ୍ୟ ଭୂଷଣ ତରାଇ ସରକାରଙ୍କୁ ଚେତାବନୀ ଦେଇଛନ୍ତି। ଏହି ସମୟରେ ମାଧ୍ୟମିକ ଶିକ୍ଷା କ୍ଷେତ୍ରରେ, ଛାତ୍ର ଛାତ୍ରୀଙ୍କ ଶିକ୍ଷା ବାଧା ପ୍ରାପ୍ତ ହୋଇପାରେ। ଏଥିପାଇଁ ସରକାର ନିଜେ ଦାୟୀ ରହିବେ ବୋଲି ସଙ୍ଘର ଉପଦେଷ୍ଟା ବିଶ୍ୱଜିତ ବିଶ୍ୱାଳ ସରକାରଙ୍କୁ ଅବଗତ କରାଇଛନ୍ତି।

ସରକାରଙ୍କ ଶିକ୍ଷକ ମାରଣାନୀତି ପ୍ରତିବାଦରେ ସଂଘର କୋଷାଧକ୍ଷ ଅକ୍ଷୟ ସତନାମୀ, ଉପସଭାପତି ବିନୋଦ ମିଶ୍ର, ପ୍ରତାପ ସାମଲ, ଦାମୋଦର ମହାନନ୍ଦ, ବସନ୍ତ କୌଶଲ୍ୟ , ଶାନ୍ତନୁ ଦାସ, ମାନସ ବେହେରା, ପ୍ରଭାକର ଜୟ ସିଂହ, ସାଇ ପ୍ରିତମ ସେନାପତି, ହବିଲ କିସାନ ପ୍ରମୁଖ ରାଜ ରାସ୍ତାରେ ନିଜର ଅସନ୍ତୋଷ ପରିପ୍ରକାଶ କରିଥିଲେ।

ଭୁବନେଶ୍ୱର: ହଜାର ହଜାର ଚୁକ୍ତିଭିତ୍ତିକ ଶିକ୍ଷକ ଶିକ୍ଷୟତ୍ରୀ ନିଜର ଚାକିରୀ ନିୟମିତ କରିବା ପାଇଁ ଗାନ୍ଧୀ ମାର୍ଗରେ ଆନ୍ଦୋଳନ କରିଛନ୍ତି। ସଂଘର ସଭାପତି ପଞ୍ଚାନନ ଜେନାଙ୍କ କହିବାନୁସାରେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ ନଭେମ୍ବର ମାସ ୧୫ ତାରିଖରେ ଗଣମାଧ୍ୟମରେ ନିଜର ଜନ୍ମ ଦିନରେ, ଭିଡ଼ିଓ ବାର୍ତ୍ତାରେ ଓଡିଶା ମାଟିରୁ ସଂପୂର୍ଣ୍ଣ ଭାବରେ ଚୁକ୍ତିଭିତ୍ତିକ ପ୍ରଥାକୁ ବିଲୋପ କଲେ ବୋଲି ଘୋଷଣା କଲେ। ତଦଅନୁଯାୟୀ ସାଧାରଣ ଓ ପ୍ରଶାସନିକ ବିଭାଗ ଗତ ବର୍ଷ ସେପ୍ଟେମ୍ବର ମାସ ୧୬ ତାରିଖରେ ଏକ ନୋଟିଫିକେସନ ପ୍ରକାଶ କରି ସମସ୍ତ ଚୁକ୍ତିଭିତ୍ତିକ ପଦବୀକୁ ନିୟମିତ କରି ୬ ଗୋଟି ଇନ୍କ୍ରିମେଣ୍ଟ ଦେବା ପାଇଁ ଚିଠିରେ ପରିପ୍ରକାଶ କଲେ।

ଏହି ଖବରଟି ପ୍ରଥମେ ସମସ୍ତ ଚୁକ୍ତିଭିତ୍ତିକ ଶିକ୍ଷକଙ୍କ ମନରେ ଖୁସିର ବାର୍ତ୍ତା ବୁଣିଦେଇଥିଲା।  କିନ୍ତୁ ନିୟମକୁ ଗଣଶିକ୍ଷା ବିଭାଗ କାର୍ଯ୍ୟକାରୀ ନ କରିବାରୁ ଗଣଶିକ୍ଷା ବିଭଗର ଅଭିଯୋଗ ପ୍ରକୋଷ୍ଠରେ ସଂଘ ବାରମ୍ବାର ଅଭିଯୋଗ କରିଆସୁଛନ୍ତି। ଯାହାଫଳରେ ଏକ ଉଚ୍ଚ ସ୍ତରୀୟ ଆଲୋଚନା କରି ନିଷ୍ପତ୍ତି ନେଇ ନିୟମିତ କରିବା ପାଇଁ ବିଭାଗର ବରିଷ୍ଠ ଅଧିକାରୀ ମତ ରଖିଥିଲେ।

କିନ୍ତୁ କିଛି ପଦକ୍ଷେପ ନେଇନଥିବାରୁ ଗତ ଡିସେମ୍ବର ୭ ତାରିଖରେ ସଂଘ ଆନ୍ଦୋଳନ କରିଥିଲା ଓ ଗଣଶିକ୍ଷା ସଚିବ ୨୦୦୪ ରୁ ୨୦୧୩ ନିଯୁକ୍ତି ପାଇଥିବା ଶିକ୍ଷକ ମାନଙ୍କ ବରିଷ୍ଠତା ଓ କନିଷ୍ଟତା ସମସ୍ୟା ଉପରେ ନିଷ୍ପତ୍ତି ନେଇ, ୧୫ ଦିନ ଭିତରେ ସମସ୍ତ ଚୁକ୍ତିଭିତ୍ତିକ ଶିକ୍ଷକ ମାନଙ୍କୁ ନିୟମିତ କରିବା ପାଇଁ ପ୍ରତିଶୃତି ଦେଇଥିଲେ। କିନ୍ତୁ ପ୍ରତିଶୃତି ଦେବାର ୪ ମାସ ବିତିଯାଇଥିଲେ ବି ସମସ୍ୟାକୁ ଦୂର ନ କରି ଜାଣିଶୁଣି ୨୦୧୬ ରୁ ୨୦୨୨ ମଧ୍ୟରେ ନିଯୁକ୍ତି ପାଇଥିବା ୧୮୦୦୦ ଚୁକ୍ତିଭିତ୍ତିକ ଶିକ୍ଷକ ଶିକ୍ଷୟତ୍ରୀଙ୍କୁ ନିୟମିତରୁ ବଂଚିତ କରୁଛନ୍ତି।

ଏହିପରି ଯେଉଁ ଚୁକ୍ତିଭିତ୍ତିକ ଶିକ୍ଷକ ମାନେ ୬ ବର୍ଷ ଚୁକ୍ତି ଅବଧି ପୂରଣ କରିଥିବେ ସେମାନଙ୍କୁ ନିୟମିତ କରିବା ପାଇଁ ୨୦୧୧ ମସିହାରେ ଗଣଶିକ୍ଷା ବିଭାଗ ନିୟମ କରିଥିଲେ, ସେହି ଆଧାରରେ ପୂର୍ବରୁ ବିଭିନ୍ନ ବ୍ୟାଚର ହାରାହାରି ୧୨୦୦୦ ଚୁକ୍ତିଭିତ୍ତିକ ଶିକ୍ଷକ ନିୟମିତ ହୋଇସାରିଛନ୍ତି। କିନ୍ତୁ ୨୦୧୬ ବ୍ୟାଚର ୩୨୦୦ ଚୁକ୍ତିଭିତ୍ତିକ ଶିକ୍ଷକଙ୍କ ନିୟମିତ ଫାଇଲ ଦୀର୍ଘ ୭ ମାସ ହେବ, ବିଭାଗର ଅର୍ଥ ପରାମର୍ଶ ଦାତାଙ୍କ ପାଖରେ ପଡିରହିଛି, ସେମାନେ ୭ ବର୍ଷ ପରେ ବି ନିୟମିତ ହୋଇପାରୁନାହାନ୍ତି। ସଚିବ ସବୁ ଜାଣି ବି ନିରବଦ୍ରଷ୍ଠା ସାଜିଛନ୍ତି।

ନାରୀକୁ ସମ୍ମାନ କଥା କହୁଥିବା ମାନ୍ୟବର ମୁଖ୍ୟମନ୍ତ୍ରୀ କେତେ ଶିକ୍ଷୟତ୍ରୀଙ୍କୁ ସମ୍ମାନ ଦେଉଛନ୍ତି ସଂଘ ପ୍ରଶ୍ନ କରିଛି। ଗତ ମାସରେ ଝାରସୁଗୁଡାର ଜଣେ ବିଧବା ମା ତଥା ଚୁକ୍ତିଭିତ୍ତିକ ଶିକ୍ଷୟତ୍ରୀ ସୋସିଆଲ ମିଡ଼ିଆରେ କାନ୍ଦି କାନ୍ଦି ନିୟମିତ କର ବୋଲି ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲା। କିନ୍ତୁ ସରକାର ଶୁଣିଲେନି, ଏ ସରକାର ନାରୀକୁ ସମ୍ମାନ ଦିଅନ୍ତି ନାହିଁ ଓ ୫ ଟି ନାଁରେ ମିଛ ସରକାର ଚାଲିଛି ବୋଲି ସର୍ବସାଧାରଣ କହୁଥିବା କଥା ସତ ପାଲଟିଛି।  କାରଣ ୫ ଗୋଟି ଟି ମଧ୍ୟରୁ ଗୋଟିଏ ଟି ହେଲା ଟାଇମ, ଅର୍ଥାତ୍ ଠିକ୍ ସମୟରେ କାର୍ଯ୍ୟ ସରିବା କଥା। କିନ୍ତୁ ଗଣଶିକ୍ଷା ବିଭାଗ ୫ ଟି ଅଧୀନରେ ଆସୁଥିଲେ ବି ଦୀର୍ଘ ୭ ମାସ ପରେ ବି ଚୁକ୍ତିଭିତ୍ତିକ ଶିକ୍ଷକ ମାନଙ୍କୁ ବିଭାଗ ନିୟମିତ କରୁନାହାନ୍ତି।

ଚୁକ୍ତିଭିତ୍ତିକ ଶିକ୍ଷକ ମାନଙ୍କ ପ୍ରତି ସରକାରଙ୍କ ବୈମାତୃକ ମନଭାବ, ମାତ୍ରାଧିକ ନିର୍ଯାତନା ଓ ନିୟମିତ କରିନଥିବାରୁ, ସଂଘ ଏପ୍ରିଲ ୧ ଠାରୁ ନିୟମିତ ଚିଠି ବାହାରିବା ଯାଏଁ ଅନିର୍ଦ୍ଧିଷ୍ଟ ସମୟ ପାଇଁ ଗାନ୍ଧୀ ମାର୍ଗରେ ଆନ୍ଦୋଳନରେ ବସିଅଛି। ସରକାର ଆଲୋଚନା ପାଇଁ ଡାକିଥିଲେ ବି ସଂଘ ସଫା ସଫା ମନାକରିଦେଇଥିଲେ। ସଂଘ ମତ ହେଉଛି ଆଲୋଚନା ନୁହଁ ଚିଠି ଦରକାର, ନିୟମିତ ଚିଠି ବାହାରିବା ପରେ ଆନ୍ଦୋଳନରୁ ହଟିବ ବୋଲି ସଂଘର ସମ୍ପାଦକ ସତ୍ୟ ଭୂଷଣ ତରାଇ ସରକାରଙ୍କୁ ଚେତାବନୀ ଦେଇଛନ୍ତି।

ଏହି ସମୟରେ ମାଧ୍ୟମିକ ଶିକ୍ଷା କ୍ଷେତ୍ରରେ, ଛାତ୍ର ଛାତ୍ରୀଙ୍କ ଶିକ୍ଷା ବାଧା ପ୍ରାପ୍ତ ହୋଇପାରେ, ଏଥିପାଇଁ ସରକାର ନିଜେ ଦାୟୀ ରହିବେ ବୋଲି ସଙ୍ଘର ଉପଦେଷ୍ଟା ବିଶ୍ୱଜିତ ବିଶ୍ୱାଳ ସରକାରଙ୍କୁ ଅବଗତ କରାଇଛନ୍ତି। ସରକାରଙ୍କ ଶିକ୍ଷକ ମାରଣାନୀତି ପ୍ରତିବାଦରେ ସଂଘର କୋଷାଧକ୍ଷ ଅକ୍ଷୟ ସତନାମୀ, ଉପସଭାପତି ବିନୋଦ ମିଶ୍ର, ପ୍ରତାପ ସାମଲ, ଦାମୋଦର ମହାନନ୍ଦ, ବସନ୍ତ କୌଶଲ୍ୟ , ଶାନ୍ତନୁ ଦାସ, ମାନସ ବେହେରା, ସାଇ ପ୍ରିତମ ସେନାପତି, ହବିଲ କିସାନ ପ୍ରମୁଖ ରାଜ ରାସ୍ତାରେ ନିଜର ଅସନ୍ତୋଷ ପରିପ୍ରକାଶ କରିଥିଲେ।

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ଚିଲିକାରେ ନୂଆ ରେଳ ଲାଇନ ସର୍ଭେକୁ ନେଇ ଜନ ଅସନ୍ତୋଷ ଦେଖିବାକୁ ମିଳିଛି। ଆଜି ବଡ଼କୁଳ ଠାରେ ଥିବା ଶ୍ରୀ ଶ୍ରୀ ରାମେଶ୍ୱର ମନ୍ଦିରରେ ଜିଲ୍ଲା ପରିଷଦ ପ୍ରତିନିଧି ବୁଟା ସୁନ୍ଦରାୟଙ୍କ ଆବାହକତ୍ଵରେ ପ୍ରାୟ ୪ଟି ପଂଚାୟତର ସରପଞ୍ଚଙ୍କ ସମେତ ବହୁ ଲୋକ ଏକାଠି ହୋଇଥିଲେ।

ଖବରରୁ ଜଣାଯାଇଛି ବାଲୁଗାଁ ନିକଟ ଦେଇ ଦକ୍ଷିଣ ପୂର୍ବ ରେଳପଥ ଯାଇଥିବା ବେଳେ କେନ୍ଦ୍ର ସରକାରଙ୍କ ନିଷ୍ପତ୍ତି କ୍ରମେ କେବଳ ମାଲବାହୀ ଟ୍ରେନ ଗମନା ଗମନ ପାଇଁ କଲିକତା ଠାରୁ ବିଜୟୱାଡା ପର୍ଯ୍ୟନ୍ତ ନୂଆକରି ଏକ ଟ୍ରେନ ଲାଇନ ନିର୍ମାଣ ପାଇଁ ଯୋଜନା ହୋଇଛି। ଯାହା ଫଳରେ ବିଭିନ୍ନ ସର୍ବେକ୍ଷଣ ସଂସ୍ଥା ଦ୍ୱାରା ସରକାର ସର୍ଭେ କରୁଥିବାର ଗ୍ରାମବାସୀ ମାନେ ଅଭିଯୋଗ କରିଛନ୍ତି। କିନ୍ତୁ ସର୍ବେକ୍ଷଣ କେତେଦୂର ଅଗ୍ରଗତି ହୋଇଛି, କେଉଁ କେଉଁ ରାଜସ୍ୱ ମୌଜ଼ାର ଲୋକ କ୍ଷତିଗ୍ରସ୍ତ ହେଉଛନ୍ତି, କେଉଁ କେଉଁ ଗ୍ରାମ ତାହାର ସତ୍ତା ହରାଇବାକୁ ଯାଉଛି, ଏ ସମ୍ପର୍କରେ କାହା ପାଖରେ ସଠିକ ତଥ୍ୟ ନଥିବା ଜଣାଯାଇଛି।

ଅନୁସନ୍ଧାନରୁ ଏହାର ସତ୍ୟତା ଥିବା ଜଣାଯାଇଛି ଯେ, ୧୦/୦୮/୨୦୨୨ ତାରିଖରେ ପତ୍ର ସଂଖ୍ୟା ୧୨୪୭୨ ଅନୁଯାୟୀ ଖୋର୍ଦ୍ଧା ଜିଲ୍ଲାପାଳଙ୍କ ଅଫିସ ତରଫରୁ ବେଗୁନିଆ, ଟାଙ୍ଗି, ଚିଲିକା ଓ ବାଣପୁର ତହସିଲଦାର/ବିଡ଼ିଓ ଙ୍କୁ ଜମି ଅଧିଗ୍ରହଣ ଅଧିକାରୀ ଚିଠି ପ୍ରେରଣ କରିଛନ୍ତି। ଯାହାଫଳରେ ଚିଲିକାର ବଡ଼କୁଳ, ଅଠର ବାଟିଆ, ନିମିକ୍ଷେତା ଏବଂ ନନ୍ଦପୁର ଗ୍ରାମପଂଚାୟତ ଗୁଡିକ ଏହି ରେଳ ପ୍ରକଳ୍ପ ଦ୍ୱାରା କ୍ଷତିଗ୍ରସ୍ତ ହେବାର ସମ୍ଭାବନା ଅଛି।

ଏହି ପରିପ୍ରେକ୍ଷୀରେ ସମବେତ ପଂଚାୟତବାସୀ ଏକ କମିଟି ଗଠନ କରିଛନ୍ତି। କମିଟି ଜିଲ୍ଲାପାଳ ଏବଂ ରେଳ ବିଭାଗର ଉଚ୍ଚ ପଦସ୍ଥ କର୍ମଚାରୀମାନଙ୍କ ସାଥିରେ ଆଲୋଚନା କରି କେଉଁ କେଉଁ ମୌଜାର ଜମି ଓ ଗ୍ରାମ କ୍ଷତିଗ୍ରସ୍ତ ହେଉଛି ଏବଂ ଏହାର କଣ ସତ୍ୟତା ଅଛି ତାହାକୁ ଲୋକମାନଙ୍କୁ ଅବଗତ କରିବେ। କମିଟି ଅବଗତ କଲାପରେ ପରବର୍ତ୍ତୀ କାର୍ଯ୍ୟପନ୍ଥା ବୈଠକ କରାଯାଇ ନିର୍ଦ୍ଧାରଣ କରାଯିବ ବୋଲି ସଭାରେ ସହମତି ପ୍ରକାଶ ପାଇଛି।

ଉକ୍ତ ଘଟଣାକୁ ନେଇ ସାଧାରଣରେ ତୀବ୍ର ଅସନ୍ତୋଷ ଲାଗିରହିଥିବା ବେଳେ ନିଜର ଜମି ଚାଲିଯିବା ଓ ଭିଟାମାଟି ଚାଲିଯିବା ଭୟରେ ଉପରୋକ୍ତ ପଂଚାୟତବାସୀ ଭୀତତ୍ରସ୍ତ ଅବସ୍ଥାରେ ଅଛନ୍ତି। ଏହାକୁ ନେଇ ଏକ ଜୋରଦାର ଆନ୍ଦୋଳନର ଆଭାସ ମିଳୁଛି। ତେଣୁ ପ୍ରଶାସନ ଏହାକୁ ଗୁରୁତର ସହ ନେଇ ଲୋକମାନଙ୍କ ସାଥିରେ ଆଲୋଚନା କରିବାକୁ ସାଧାରଣରେ ଦୃଢ଼ ଦାବି ହେଉଛି।

ଭୁବନେଶ୍ୱର: ବାଲେଶ୍ୱର ଜିଲ୍ଲା ନୀଳଗିରି ଥାନାରେ କର୍ତ୍ତବ୍ୟରତ ସାମ୍ବାଦିକ ଲୋକନାଥ ଦଳେଇଙ୍କ ନାମରେ ମିଥ୍ୟା ମାମଲା ରୁଜୁ ସହିତ ତାଙ୍କୁ ଆକ୍ରୋଶମୂଳକ ଭାବେ ଗିରଫ କରାଯାଇ ଥାନାରେ ଶାରୀରିକ ଓ ମାନସିକ ନିର୍ଯ୍ୟାତନା ଦିଆଯାଇଛି। ପୋଲିସ୍ ନିର୍ଯ୍ୟାତନା ଯୋଗୁ ଅସୁସ୍ଥ ହୋଇପଡ଼ିଥିବା ଲୋକନାଥଙ୍କୁ ଚିକିତ୍ସାଧୀନ ଅବସ୍ଥାରେ ତଳେ ଶୁଆଇ ଗୋଡ଼ରେ ବେଡ଼ି ପକାଇ ଦିଆଯାଇଥିବା ଘଟଣା ଅତ୍ୟନ୍ତ ବର୍ବୋରଚିତ। ଏହି ପରିପ୍ରେକ୍ଷୀରେ ସମ୍ପୃକ୍ତ ନୀଳଗିରି ଥାନା ଅଧିକାରୀ ଓ ତଦନ୍ତ ଅଧିକାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି ପୂର୍ବକ ସମଗ୍ର ରାଜ୍ୟରେ ସାମ୍ବାଦିକମାନେ ତୀବ୍ର ପ୍ରତିବାଦ ଜଣାଇଥିଲେ।

ଏଥିସହିତ ସାମ୍ବାଦିକ ସଂଗଠନ ମାନଙ୍କ ପକ୍ଷରୁ ଥାନା ଅଧିକାରୀ ଓ ତଦନ୍ତ ଅଧିକାରୀଙ୍କ ନିଲମ୍ବନ ଦାବିରେ ମୁଖ୍ୟମନ୍ତ୍ରୀ ଓ ପୋଲିସ୍ ମହାନିର୍ଦ୍ଦେଶକଙ୍କୁ ସ୍ମାରକ ପତ୍ର ପ୍ରଦାନ କରାଯାଇଥିଲା। ଉତ୍କଳ ସାମ୍ବାଦିକ ସଂଘ ପକ୍ଷରୁ ଡ଼ିଜିଙ୍କ ସହିତ ଆଲୋଚନା କାଳରେ ସମ୍ପୃକ୍ତ ଅଧିକାରୀମାନଙ୍କ ବିରୁଦ୍ଧରେ ଯଥାଶୀଘ୍ର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡ଼ିଜି ପ୍ରତିଶ୍ରୁତି ଦେଇଥିଲେ ମଧ୍ୟ ଅଦ୍ୟାବଧି ସମ୍ପୃକ୍ତ ଅଧିକାରୀମାନଙ୍କ ବିରୁଦ୍ଧରେ ବଦଳି ବ୍ୟତିରକେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ।

ଏହି ପରିପ୍ରେକ୍ଷୀରେ ମିଳିତ ସାମ୍ବାଦିକ ସଂଘ ମହାମଞ୍ଚ ପକ୍ଷରୁ ରାଜ୍ୟର ୯ଗୋଟି ସାମ୍ବାଦିକ ସଂଘ ଏକ ବୈଠକରେ ସମ୍ମିଳିତ ହୋଇ ଘଟଣାର କ୍ଷୋଭ ପ୍ରକାଶ କରିଛନ୍ତି।

ଆଲୋଚନାକାଳରେ ନିଷ୍ପତ୍ତି ନିଆଯାଇଥିଲା କି ସମ୍ପୃକ୍ତ ଅଧିକାରୀଦ୍ୱୟଙ୍କୁ ଆଗାମୀ ୭ ଦିନ ମଧ୍ୟରେ ନିଲମ୍ବନ, ଲୋକନାଥଙ୍କ ବିରୁଦ୍ଧରେ ହୋଇଥିବା ମିଥ୍ୟା ମାମଲା ପ୍ରତ୍ୟାହାର ଓ ୧୫ ଲକ୍ଷ ଟଙ୍କାର କ୍ଷତିପୂରଣ ଦାବି କରାଯାଇଛି।

ଅନ୍ୟପକ୍ଷରେ ରାଜ୍ୟରେ କ୍ରମାଗତଭାବେ ବୃଦ୍ଧି ପାଉଥିବା ସମ୍ବାଦିକଙ୍କ ଉପରେ ଆକ୍ରମଣ ଘଟଣାରେ ବୈଠକରେ ଉଦ୍‌ବେଗ ପ୍ରକାଶ ପାଇବା ସହିତ ତୁରନ୍ତ ସାମ୍ବାଦିକ ସୁରକ୍ଷା ଆଇନ୍ ପ୍ରଣୟନ ପାଇଁ ମହାମଞ୍ଚ ପକ୍ଷରୁ ଦୃଢ ଦାବି କରାଯାଇଛି। ତେବେ ଦାବି ପ୍ରତି ବିଭାଗୀୟ ମୁଖ୍ୟ ଯଦି ଉଦାସୀନ ମନୋଭାବ ପୋଷଣ ପୂର୍ବକ କାର୍ଯ୍ୟାନୁଷ୍ଠାନ ଗ୍ରହଣ ନକରନ୍ତି, ସଂଘ ଗୁଡ଼ିକ ସମ୍ମିଳିତ ଭାବେ ଜିଲ୍ଲା ସଦର ମହକୁମା ଠାରୁ ରାଜଧାନୀ ପର୍ଯ୍ୟନ୍ତ ଆନ୍ଦୋଳନକୁ ତୀବ୍ରତର କରିବେ ବୋଲି ଘୋଷଣା କରିଛନ୍ତି।

ମହାମଞ୍ଚର ଆବାହକ ବିଭୂତି ଭୂଷଣ କରଙ୍କ ନେତୃତ୍ୱରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏସ୍‌ୟୁଜେର ସାଧାରଣ ସମ୍ପାଦକ କୈଳସ ଚନ୍ଦ୍ର ନାୟକ, ଓୟୁଡବ୍ଲୁଜେର ସାଧାରଣ ସମ୍ପାଦକ ନିରଞ୍ଜନ ବିଶ୍ୱାଳ, ପତ୍ରକାର ସଂଘର ସଭାପତି ଅବିନାଶ ମିଶ୍ର, ଓୟୁଜେର ସଭାପତି ଶିଶୁଭୂଷଣ ଗ୍ରହରାଜ, ଓଡ଼ିଶା ୟୁନିୟନ ଅଫ ୱାର୍କିଂ ଜର୍ଣ୍ଣାଲିଷ୍ଟର ସଭାପତି ସୁଜ୍ଞାନ ଚୌଧୁରୀ, ଉତ୍କଳ ସାମ୍ବାଦିକ ସଂଘର ସାଧାରଣ ସମ୍ପାଦକ ପୂର୍ଣ୍ଣଚନ୍ଦ୍ର ନାୟକ, ଓୟୁଡବ୍ଲୁଜେର ସଭାପତି ସଞ୍ଜୟ ଦାସ, ଆଇଓୟୁଡବ୍ଲୁଜେର ସଭାପତି ଭାଗବତ ତ୍ରିପାଠୀ, କଳିଙ୍ଗ ସାମ୍ବାଦିକ ସଂଘର ସମ୍ପାଦକ ନିରଞ୍ଜନ ରେଡି ପ୍ରମୁଖ ବୈଠକରେ ଉପସ୍ଥିତ ଥିଲେ।

ଭୁବନେଶ୍ୱର: ରାଜ୍ୟ ସରକାର ରାଜ୍ୟରେ ଶିକ୍ଷକ-କର୍ମଚାରୀ ମାରଣ ନୀତି ଜାରି ରଖିଛନ୍ତି। ୬ ବର୍ଷ ଠିକା ଓ ଚୁକ୍ତିରେ ବିଦ୍ୟାଳୟରେ କାର୍ଯ୍ୟ କରାଇ ଉଚ୍ଚଶିକ୍ଷିତ ଯୁବକଯୁବତୀମାନଙ୍କୁ ଶୋଷଣ କରୁଛନ୍ତି। ୬ ବର୍ଷ କାଳ ଶିକ୍ଷକମାନଙ୍କୁ କମ୍ ଦରମା ଦେଉଛନ୍ତି। ଦେଶର ପ୍ରାୟ ସମସ୍ତ ରାଜ୍ୟରେ ଶିକ୍ଷକମାନଙ୍କୁ ସପ୍ତମ ବେତନ କମିଶନରେ ୪୨୦୦ଟଙ୍କା ଗ୍ରେଡ୍ ପେ ଦେଇ ଦରମା ସଂଶୋଧନ କରିଥିବା ବେଳେ ଆମ ରାଜ୍ୟରେ ପ୍ରାଥମିକ ଶିକ୍ଷକମାନଙ୍କୁ ଦରମା ସପ୍ତମ ବେତନ କମିଶନରେ ଗ୍ରେଡ୍ ପେ ୨୨୦୦ ଟଙ୍କା ଦରମା ସଂଶୋଧନ କରିଥିବାରୁ ଅନ୍ୟ ରାଜ୍ୟ ଶିକ୍ଷକମାନଙ୍କ ଦରମା ଠାରୁ ସର୍ବନିମ୍ନ ଦରମା ହୋଇଛି।

ସର୍ବୋଚ୍ଚ ଅଦାଲତ ସମାନ କାମକୁ ସମାନ ଦରମା ଦେବା ପାଇଁ କହିଥିବା ବେଳେ ରାଜ୍ୟ ସରକାର ତାହାକୁ ମାନୁନାହାଁନ୍ତି। ଶିକ୍ଷା ଅଧିକାର ଆଇନରେ ସମସ୍ତ ଶିକ୍ଷକମାନଙ୍କୁ ପେନସନ, ଗ୍ରାଚୁଇଟି, ମେଡ଼ିକାଲ ଭତ୍ତା, ଭବିଷ୍ୟନିଧି ପାଣ୍ଠି, ଡ଼ାକ୍ତରୀ ସୁବିଧା, ସ୍ୱାସ୍ଥ୍ୟବୀମା ଓ ଅବସରକାଳୀନ ସୁବିଧା ସୁଯୋଗ ଦେବା ପାଇଁ ରାଜ୍ୟ ସରକାର ଆଇନ କରିଥିବା ବେଳେ ତାହାକୁ ନିଜେ ଉଲଂଘନ କରୁଛନ୍ତି। ଶିକ୍ଷକମାନେ ୩୦ରୁ ୩୫ବର୍ଷ କାର୍ଯ୍ୟ କରିବା ପରେ ସେମାନଙ୍କୁ ଖାଲି ହାତରେ ଅବସର ନେବାକୁ ପଡ଼ୁଛି । ଜଗତୀକରଣ ଓ ଉଦାରୀକରଣ ଅର୍ଥନୀତିର ଚାପରେ ରାଜ୍ୟ ଓ କେନ୍ଦ୍ର ସରକାର ପୁରୁଣା ପେନସନ ବ୍ୟବସ୍ଥାକୁ ବନ୍ଦ କରି ଯେଉଁ ନୂତନ ପେନସନ ବ୍ୟବସ୍ଥା ୨୦୦୫ ମସିହା ଠାରୁ ପ୍ରଚଳନ କରିଛନ୍ତି ସେଥିରେ କିଛି ବିଶେଷ ସୁବିଧା ସୁଯୋଗ ଶିକ୍ଷକ କର୍ମଚାରୀଙ୍କୁ ମିଳୁନାହିଁ। ଜଣେ ଶିକ୍ଷକ ଅବସର ନେଲେ ନୂତନ ପେନସନ ନିୟମ ଅନୁଯାୟୀ ସେମାନଙ୍କୁ ୫୦୦ରୁ ୧୦୦୦ ଟଙ୍କା ପର୍ଯ୍ୟନ୍ତ ପେନସନ ମିଳୁଛି।

ଯାହାଦ୍ୱାରା ଅବସର ନେଉଥିବା ଶିକ୍ଷକ କର୍ମଚାରୀମାନଙ୍କ ଚାକିରୀର ଅବଶିଷ୍ଟ ଜୀବନକାଳ ଦୁଃଖକଷ୍ଟରେ ଅତିବାହିତ କରିବାକୁ ପଡୁଛି। ୨୦୦୫ ମସିହା ପୂର୍ବ ପ୍ରଚଳିତ ପେନସନ ବ୍ୟବସ୍ଥା ସମସ୍ତଙ୍କ ପାଇଁ ଉଚ୍ଛେଦ କରାଯାଇଥିଲେ ମଧ୍ୟ ମାନ୍ୟବର ବିଧାୟକ ଓ ସାଂସଦମାନଙ୍କୁ କାହିଁକି ଦିଆଯାଉଛି ବୋଲି ସଂଘର ସଭାପତି ବ୍ରହ୍ମାନନ୍ଦ ମହାରଣା ଅଭିଯୋଗ କରିଛନ୍ତି। ନିୟମ ଯଦି ସମସ୍ତଙ୍କ ପାଇଁ ସମାନ ଲାଗୁ କରାଯାଇଛି, ତବେ ବିଧାୟକ ଓ ସାଂସଦମାନେ କାହିଁକି ପୁରୁଣା ପେନସନ ଉପଭୋଗ କରୁଛନ୍ତି? ତେଣୁ ଶିକ୍ଷକ କର୍ମଚାରୀମାନଙ୍କୁ ୨୦୦୫ ମସିହା ପୂର୍ବ ପ୍ରଚଳିତ ପେନସନ ବ୍ୟବସ୍ଥା ଲାଗୁ କରିବାକୁ ଶିକ୍ଷକ ସଂଘ ଦାବି କରିଛି। ରାଜ୍ୟ ସରକାର ସମସ୍ତଙ୍କୁ ବିଜୁ ସ୍ୱାସ୍ଥ୍ୟ କାର୍ଡ଼ ଦେଉଥିବା ବେଳେ ଶିକ୍ଷକମାନଙ୍କୁ ସ୍ୱାସ୍ଥ୍ୟବୀମାରେ ଅନ୍ତର୍ଭୁକ୍ତ କରୁନାହାଁନ୍ତି।

ଶିକ୍ଷକମାନଙ୍କୁ କେନ୍ଦ୍ରୀୟ ହାରରେ ଦରମା ଓ ଶିକ୍ଷା ସହାୟକ କାର୍ଯ୍ୟକାଳକୁ ଚାକିରୀରେ ଗଣନା କରିବା, ଶିକ୍ଷକମାନଙ୍କୁ ସ୍ୱାସ୍ଥ୍ୟବୀମାରେ ସାମିଲ୍ କରିବାକୁ ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘର ସାଧାରଣ ସମ୍ପାଦକ ବିଭୁ ପ୍ରସାଦ ସାହୁ ଦାବି କରିଛନ୍ତି। ବାରମ୍ବାର ଦାବି ସତ୍ତ୍ୱେ ସରକାର ଶିକ୍ଷକମାନଙ୍କର ନ୍ୟାୟୋଚିତ ଦାବିକୁ କାର୍ଯ୍ୟକାରୀ କରୁନଥିବାରୁ ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘ, ଓଡ଼ିଶା ବାଧ୍ୟ ହୋଇ ଆସନ୍ତା ଡ଼ିସେମ୍ବର ୨୩ ତାରିଖରେ ଏକ ବିଶାଳ ଆନ୍ଦୋଳନର ଆୟୋଜନ କରିବାକୁ ଯାଉଛି ବୋଲି ସଂଘର ନେତୃବୃନ୍ଦ ମିଳିତ ଭାବେ ଏକ ପ୍ରେସ୍ ବିବୃତ୍ତିରେ ପ୍ରକାଶ କରିଛନ୍ତି।

ଏହି ସାମ୍ବାଦିକ ସମ୍ମିଳନୀରେ କୋଷାଧ୍ୟକ୍ଷ ଗୋପାଳ କିଶୋର ସେନ, ଟୁଲୁ ଦେଇ, ସୁଶିଲ କୁମାର ସେଠୀ, ସମରେଶ ବେହେରା, ସୁଶାନ୍ତ ମଲ୍ଲିକ ଓ ଜିତେନ୍ଦ୍ର କୁମାର ନାୟକ ପ୍ରମୁଖ ଉପସ୍ଥିତ ଥିଲେ।

ଭୁବନେଶ୍ୱର: କରୋନା ଠାରୁ ଲକଡ଼ାଉନ ଅତ୍ୟନ୍ତ ଭୟଙ୍କର। କରୋନା କିଛି ଲୋକଙ୍କ ଜୀବନ ନେଇଛି ଓ ଆଉ କେତେକଙ୍କ ମଧ୍ୟରେ ଭୟ ସଞ୍ଚାର କରୁଛି। ହେଲେ ଲକଡ଼ାଉନ ସବୁକିଛି ଉଜାଡ଼ି ଥିଲାବାଲା ଲୋକଙ୍କୁ ବି ଦରିଦ୍ର କରି ଦାଣ୍ଡର ଭିକାରୀ କରିସାରିଲାଣି। ଯଦି ଲକଡ଼ାଉନ ଓ ସଟଡ଼ାଉନ ଏକମାତ୍ର ବିକଳ୍ପ, ତେବେ ଧାରା ୨୧ ଅନୁସାରେ ଲୋକଙ୍କ ଜୀବିକା ସୁରକ୍ଷା ଭତ୍ତା ଦିଆଯିବ ନାହିଁ କାହିଁକି?

ଜର୍ମାନ, ଆମେରିକା ଭଳି ଦେଶରେ ଲକଡ଼ାଉନ, ସଟଡ଼ାଉନ କ୍ଷତିଗ୍ରସ୍ତଙ୍କୁ ବିଶେଷକରି ସବୁବର୍ଗଙ୍କୁ ଟଙ୍କା ବଣ୍ଟାଯାଇଛି। ହେଲେ ଏଠି କେବଳ ଲୋକଙ୍କୁ ଭିକାରୀ ପରି ଚାଉଳ ଗଣ୍ଡେ ଫିଙ୍ଗିଦେଇ ସରକାର ତାଙ୍କ ନୈତିକ ଦାୟିତ୍ୱ ଶେଷ କରିଦେଉଛନ୍ତି। ଗତ ଦେଢବର୍ଷରୁ ଉର୍ଦ୍ଧ୍ୱ କରୋନା କାଳରେ ସେଲୁନ, ସ୍ପା, କ୍ଷୁଦ୍ର ବ୍ୟବସାୟୀ, ମଟର ସଂଘ, ଚାଷୀ, କଳାକାର ସମସ୍ତେ ନାହିଁ ନଥିବା ଅକଥନୀୟ ଦୁର୍ଦ୍ଦଶାର ଶିକାର ହେଉଛନ୍ତି।

ରୋଜଗାରକ୍ଷମବର୍ଗ ଦିନମଜୁରିଆଙ୍କ ହାତ ସରକାର ଗୋଟେପଟେ ବାନ୍ଧି ଦେଇଥିଲା ବେଳେ ନିତ୍ୟ ବ୍ୟବହାର୍ଯ୍ୟ ଜିନିଷର ଦର ଦୁଇଗୁଣା ବଢିଛି। ପେଟ୍ରୋଲ, ଡ଼ିଜେଲ, ଖାଇବା ତେଲ ଓ ଡ଼ାଲି ସବୁର ଅହେତୁକ ଦର ବୃଦ୍ଧି ଘଟିଛି। ଚାଷକ୍ଷେତ୍ର ଅଧିକ କ୍ଷତିଗ୍ରସ୍ତ ହୋଇଛି। କରୋନା ନାମରେ ମଣ୍ଡି ବନ୍ଦ ହୋଇଗଲା। ପରିବା ବିକ୍ରି ପାଇଁ ହାଟ ବଜାରରେ ସୁବିଧା ପାଇଲେନି ଚାଷୀ। ସେଲୁନ, ସ୍ପା, ରେଡିମେଡ଼ ଦୋକାନ ଏମାନେ କର୍ମଚାରୀଙ୍କୁ ଦରମା ଦେବା ତ ଛାଡ଼, ନିଜକୁ ଚଳାଇବାକୁ ଅନେକ ମାଲିକ ଅକ୍ଷମ। ଏ ନେଇ ସରକାର କେତେ ଆର୍ôଥକ ସମୀକ୍ଷା କରୁଛନ୍ତି।

ଆଜି ଲୋୟର ପିଏମ୍‌ଜିରେ ଚାଷୀ ସଂଗଠନ ଯୋଗାଯୋଗରେ ସମସ୍ତ ବର୍ଗର ଆନ୍ଦୋଳନକୁ ଭାଷଣ ଦେଇ ଏ ବକ୍ତବ୍ୟ ରଖିଛନ୍ତି ନବନିର୍ମାଣ କୃଷକ ସଂଗଠନର କେନ୍ଦ୍ରୀୟ ସଂଯୋଜକ ଅକ୍ଷୟ କୁମାର। ସେ କହିଛନ୍ତି ଯେ, ଦେଶ ଓ ରାଜ୍ୟ କହିଲେ ଦେଶବାସୀ ଓ ରାଜ୍ୟବାସୀଙ୍କୁ ବୁଝାଏ। ହେଲେ ଏଠି ହାତଗଣତି କର୍ମଚାରୀଙ୍କୁ ଦାୟିତ୍ୱ ନିଭାଇ ସରକାର ବସି ଯାଉଛନ୍ତି। ପ୍ରଥମ ଲକଡ଼ାଉନରେ ଲୋକେ ସଞ୍ôଚତ ପାଣ୍ଠି ଖର୍ଚ୍ଚ କରୁଥିଲେ, ଏଥର ଅବସ୍ଥା ଅସମ୍ଭାଳ।

କଳାକାର ସଂଘ, ଜିମ୍ ସଂଗଠନ, ବିୟୁଟିପାର୍ଲର ସଂଗଠନ ଓ ପରିବହନ ସଂଗଠନ ନେତା ପ୍ରମୁଖ ନିଜ ନିଜ ବ୍ୟବସାୟର ଦୁଃଖ ବର୍ଣ୍ଣନା କରି ସେମାନେ ଦୈନନ୍ଦିନ ଜୀବନରେ ନିଜକୁ ଚଳାଇବାର କିଭଳି ତୀବ୍ର ସଙ୍କଟର ସମ୍ମୁଖୀନ ହେଉଛନ୍ତି ସେ କଥା ଆଲୋଚନା କରିବା ସହିତ ସରକାର ଯଦି ସାମ୍ବିଧାନିକ ଦାୟିତ୍ୱ ଦୃଷ୍ଟିରୁ ରୋଗ ସହ ଭୋକ କଥା ନବୁଝନ୍ତି, ତେବେ ଗଣବିଦ୍ରୋହ ହେବ ବୋଲି ଘୋଷଣା କରିଥିଲେ।

ଜିମ୍ ସଂଘର ଅମ୍ରିତା ମିଶ୍ର, ଯାତ୍ରା କଳାକାର କର୍ମଚାରୀ ସଂଘର ସଭାପତି ଦୈତାରୀ ପଣ୍ଡା, ଉପଦେଷ୍ଟା ବାପି ପଣ୍ଡା, ସମ୍ପାଦକ ଆର.କେ. ହୀରାଲାଲ, ମ୍ୟାଜିକ ସଂଘର ମହେନ୍ଦ୍ର ହରିଚନ୍ଦନ, ଶୋବିତା ନିଉଲି, ବୈଶାଳୀ ମହାପାତ୍ର, ଶୋଭା ଅପା, ଭୁବନେଶ୍ୱର ବସ୍ ଆସୋସିଏସନର ବରଦା ଆଚାର୍ଯ୍ୟ ଓ କୋଚିଂ ସେଣ୍ଟରର କର୍ମକର୍ତ୍ତା ବକ୍ତବ୍ୟ ରଖିଥିଲେ।

ଆଜିର କାର୍ଯ୍ୟକ୍ରମରେ ସଂଗଠନର ରାଜ୍ୟ ସଂଯୋଜକ ଶେଷଦେବ ନନ୍ଦ, ରଶ୍ମିରଞ୍ଜନ ସ୍ୱାଇଁ, ନିମାଇଁ ରାୟ, ଯୁବଛାତ୍ର ସଂଯୋଜକ ମନୱର ଅଲ୍ଲୀ ଓ ଅନ୍ୟମାନେ ଉପସ୍ଥିତ ଥିଲେ । ସମ୍ପୂର୍ଣ୍ଣ କୋଭିଡ଼ କଟକଣା ମାନି, ସାମାଜିକ ଦୂରତା ରଖି ସଂଗଠନ ପକ୍ଷରୁ ଶାନ୍ତିପୂର୍ଣ୍ଣ ବିକ୍ଷୋଭ କରାଯାଇଥିଲା।