ହରିୟାଣା: କୃଷି ଆଇନକୁ ବିରୋଧ ହରିୟଣାର ବିଧାୟକ ବିଜେପିରୁ ଇସ୍ତଫା ଦେଇଛନ୍ତି। ବିଧାୟକ ରାମପାଳ ମାଜରା ବିଜେପିରୁ ଇସ୍ତଫା ଦେଇଛନ୍ତି। ସେ ୨୦୧୯ ନିର୍ବାଚନ ପୂର୍ବରୁ ଇଣ୍ଡିଆନ୍ ଜାତୀୟ ଲୋକ ଦଳ ଛାଡି ବିଜେପିରେ ସାମିଲ ହୋଇଥିଲେ। କଳାୟାତ ବିଧାନସଭା ନିର୍ବାଚନ ମଣ୍ଡଳୀରୁ ୩ ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି।
ତେବେ ଟ୍ରାକ୍ଟର ରାଲି ସମୟରେ ହିଂସା ଘଟଣାକୁ ନିନ୍ଦା କରିବା ସହ ଏହା ଏକ ଷଡଯନ୍ତ୍ର ବୋଲି ରାମପାଳ କହିଛନ୍ତି। କ୍ଷମତାରେ ଥିବା ବ୍ୟକ୍ତିଙ୍କ ନିକଟର ଏହି ହିଂସାରେ ସମ୍ପୃକ୍ତ ବୋଲି ସେ କହିଛନ୍ତି। ଏଥିପାଇଁ ସରକାର ସୁରକ୍ଷା ବ୍ୟବସ୍ଥାରେ ଅସଫଳ ହୋଇଛି। ଏହା ସହିତ ବିଜେପି ଏହି ଆନ୍ଦୋଳନକୁ ଭଣ୍ଡୁର କରିବାପାଇଁ ପ୍ରୟାସ କରୁଛି ବୋଲି ସେ କହିଛନ୍ତି।
