ଭୁବନେଶ୍ବର, ଆଜି ଗଂଜାମ ପୋଲିସକୁ ଏକ ବଡ ସଫଳତା ମିଳିଛି। ପୁରୁଷୋତ୍ତମପୁର ପୋଲିସ ଜବତ କରିଛି ଏକାଥରେ 3 କୋଟି 50 ଲକ୍ଷ ଟଙ୍କାର ଚୋରା ସୁନା ଅଳଙ୍କାର। ଏଥିରେ ଭଳିକି ଭଲି ସୁନା ଚେନ, ହାର ପ୍ରଭୃତି ରହିଛି। ଏତେ ପରିମାଣର ସୁନା ଅଳଙ୍କାର ଜବତ କରିବା ଗଂଜାମ ପୋଲିସ ପାଇଁ ଏକ ରେକର୍ଡ।
ସେତିକି ନୁହେଁ 4 ଲକ୍ଷ 44 ହଜାର 5 ଶହ ଟଙ୍କା ମଧ୍ୟ ପୋଲିସ ଜବତ କରିଛି। ସୁନା ଅଳଙ୍କାର ବ୍ୟତିତ ଚୋରୀ ଷ୍ଟାବଲାଇଜର, ଡିଭିଆର, ମୋବାଇଲ ଫୋନ ସହିତ ଘର କାନ୍ଥ ଭଙ୍ଗା ମେସିନ ମଧ୍ୟ ଜବତ କରାଯାଇଛି। ଏ ନେଇ ପୋଲିସ 15 ଜଣ ଅଭିଯୁକ୍ତଙ୍କୁ ଗିରଫ କରିଛି ବୋଲି ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ ସୂଚନା ଦେଇଛନ୍ତି। ଗିରଫଙ୍କ ମଧ୍ୟରେ 5 ଜଣ ଚୋରା ସୁନା ଗ୍ରହଣକାରୀ ମଧ୍ୟ ଅଛନ୍ତି।