ଭୁବନେଶ୍ବର: ରାଜ୍ୟରେ ପ୍ରଥମ ବ୍ଲାକ ଫଙ୍ଗସ୍ ରୋଗୀ ଚିହ୍ନଟ ହୋଇଛନ୍ତି। ଚିହ୍ନଟ ରୋଗୀଜଣଙ୍କ ବର୍ତ୍ତମାନ ଭୁବନେଶ୍ବର ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ସେ ୭୧ ବର୍ଷ ବୟସ୍କ ପୁରୁଷ। ସେ ମଧୁମେହ ରୋଗରେ ମଧ୍ୟ ପୀଡିତ ଅଛନ୍ତି। ବର୍ତ୍ତମାନ ତାଙ୍କର ସ୍ବାସ୍ଥ୍ୟବସ୍ଥା ସ୍ଥିର ରହିଥିବା ସୂଚନା ରହିଛି। ଦୀର୍ଘ ଦିନ ଧରି ପୁରୁଣା ପାଣି କୁଲର ରୋଗୀଜଣଙ୍କ ବ୍ୟବହାର କରୁଥିଲେ। ଯାହାଫଳରେ ବହୁଦିନ ଯାଏଁ କୁଲରରୁ ପାଣି ବଦଳାଇନଥିବାରୁ ବ୍ଲାକ ଫଙ୍ଗସ୍ ରୋଗରେ ସେ ଆକ୍ରାନ୍ତ ହୋଇଥିବା କୁହାଯାଉଛି। ଏନେଇ ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।
ଉଲ୍ଲେଖ ଯୋଗ୍ୟ ଯେ, ଗୁଜୁରାଟର କିଛି କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିବା ପରେ ବ୍ଲାକ ଫଙ୍ଗସ୍ ରୋଗରେ ଚିହ୍ନଟ ହୋଇଛନ୍ତି। ମହାରାଷ୍ଟ୍ରରେ ମଧ୍ୟ କିଛି ଆକ୍ରାନ୍ତ ବ୍ଲାକ ଫଙ୍ଗସ୍ ରୋଗରେ ଚିହ୍ନଟ ହୋଇଥିବା ମଧ୍ୟ ଜଣାପଡିଛି। ହେଲେ ଓଡିଶାରେ ଏଭଳି କୌଣସି ରୋଗୀ ଚିହ୍ନଟ ହୋଇନଥିବା ବେଳେ ଆଜି ପ୍ରଥମ କେସ ସାମ୍ନାକୁ ଆସିଛି। ତେବେ ପ୍ରାରମ୍ଭିକ ପର୍ଯ୍ୟାୟରେ ଯଦି ଏହା ଚିହ୍ନଟ ହେବ, ତେବେ ଏହା କୌଣସି ବିପଦ ନାହିଁ ବୋଲି ସ୍ୱାସ୍ଥ୍ୟ ବିଶେଷଜ୍ଞମାନେ ମତ ରଖିଛନ୍ତି।
